Frantziako Hezkuntza Ministerioan bilera dute euskal ordezkariek, azterketak euskaraz pasatzeko eskubidea lortu asmoz
Euskararen Erakunde Publikoak eta Parisko euskal hautetsiek bilera dute Hezkuntza Nazionaleko ministroaren kolaboratzaileekin, asteazken honetan Parisen. Bilera horretan, azterketak euskaraz pasatu ahal izateko aterabideak eraginen dituztela eta eskubide hori “azkenean lortuko” dutela uste du Azterketak Euskaraz kolektiboak.
Aurreko ikasturte bukaeran Hezkuntza Ministerioak Baionan duen ikuskaritzaren egoitza okupatu zuten Seaskako hainbat guraso, ikasle eta irakaslek, azterketak euskaraz egin ahal izateko borrokan. Horren ondotik, Euskal Elkargoak bermatu zuen euskaraz erantzundako zientzietako etsamina zuzentzea, emaitza sinbolikoa izan arren.
Orain, euskaraz ikasten duten ikasleen eskubideak errespetatzeko eskatuko du hainbat ordezkarik Parisen, hilaren 14an Hezkuntza Ministerioan duten bileran. Azterketak Euskaraz kolektiboa itxaropentsu agertu da bilerarekin, eta hala jaso du Naiz-ek: bilerak “aterabideak eraginen dituela espero dugu, ezin dugulako besterik pentsatu”.
Kolektiboaren hitzetan, “borroka azkartuz eta antolatuz, gure aldarrikapena euskal jendartearena dela frogatu dugu eta gaur egun Euskal Herriaren gehiengo batek argi du frantses Gobernuak bere hizkuntza politika diskriminatzailea aldatu behar duela”.
Ez bada aurrerapausorik ematen, borrokatzen jarraituko dutela argi utzi du Azterketak Euskaraz kolektiboak.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]
2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.