Azterketak Euskaraz dinamikako irakasle, ikasle eta gurasoen aurka egin du Poliziak
Azterketak euskaraz eskatzeko Baionako Hezkuntza Ikuskaritzaren egoitza blokeatzen ari ziren ikasle, irakasle eta gurasoen aurka egin du Poliziak, gas negar-eragilea erabiliz.
Baionako Hezkuntza Ikuskaritza okupatzeko asmoz bertaratu dira asteazken arratsaldez Seaskako hainbat irakasle, ikasle eta guraso. Azterketak euskaraz egin ahal izateko debekua protestatzeko elkartu dira ehun lagun inguru.
Hain zuzen ere, Baxoko filosofia froga idatziaren lehen eguna izan da asteazkenean, eta horren aurrean adierazpena argitaratu dute Bernat Etxepare lizeoko eta Seaskako lau kolegioetako ordezkariek, naiz.eus-ek jaso duenez, Frantziako Hezkuntza ministerioak Ipar Euskal Herriko ikasleen “eskubideen urraketaren bidea markatzen segitzen” duela salatzeko.
Baionako Hezkuntza Ikuskaritzaren egoitza itxita topatu dutelarik sarrera blokeatzea erabaki dute, eta hainbat lagun atera kateatu dira. Polizia agertu eta protestariak banan-banan kanporatzen hasi da, kargen ondorioz hainbat zauri eraginez. Jendea sakabanatzeko gas negar eragilea ere erabili dute.
Poliziak banan bana kanporatzen ditu buraso eta erakasleak okupazio lekutik. pic.twitter.com/2xvFJDKOVR
— Euskal Irratiak (@euskalirratiak) June 15, 2022
Iaz abiatutako desobedientziarako bideari heltzen diote Ipar Euskal Herriko irakasle eta ikasleek, hizkuntz eskubideak aldarrikatzeko. Esaterako, duela egun batzuk Seaskako irakasle talde batek Brebeta zuzentzeari uko egingo ziotela aurreratu zuten.
Hirugarren urtez Xiberoako ikastolei bultzada emanen die Tulalaika bestak.
Aitzinkontua ez emendatzea bozkatu du Euskararen Erakunde Publikoak. Iazko bera izanen da, lau milioi t'erdi inguru. Horrek Euskalgintzako hainbat sektoreren kexua piztu du, eta EEPren izatea zalantzan jarri dute, gaur egun, tresna baliagarria ez delakoan. Hur Gorostiaga... [+]
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Udaberrian, Iparraldeko Hizkuntz Politika Publikoa berrituko da: hortik, datozen urteetako norabideak, asmoak eta horien zerbitzuko jarriko diren dirutzei buruzko erabakiak hartuko dira eta horretan jarrera argia hartu beharko dute eskualdeak, departamenduak, estatuak eta Euskal... [+]