Frantziako Gobernuak dimititu egin du, murrizketa politiken desadostasunak eraginda

  • Manuel Valls lehen ministroak Frantziako Gobernuaren dimisioa aurkeztu du astelehen goizean, Hollandek bultzatutako murrizketa politikek sortutako desadostasunen ondorioz. Gobernu talde berria asteartean aurkeztuko dutela iragarri du Hollande presidenteak.


2014ko abuztuaren 25an - 00:00
Azken eguneraketa: 2015-02-26 13:37:33
Hollanden erabaki ekonomikoei Ekonomia eta Hezkuntza ministroak egindako kritiken ostean iritsi da Vallsen erabakia. (Arg.:jta.org)

Martxoan hartu zuen gobernuko agintea Vallsek, Frantziako udal hauteskundeetan sozialistek izandako emaitza txarren ostean. Bost hilabeteren ondoren, gobernua desegiteko erabakiaren berri eman dio François Hollande presidenteari, krisi ekonomikoari aurre egiteko hartutako erabakiek sortu duten eztabaidaren eraginez.

Hain zuzen, Arnaud Montebourgen Ekonomia ministroak eta Benoit Hamon Hezkuntza ministroak asteburuan egindako kritiken atzetik iritsi da Vallsen erabakia. Montebourgenek Parisek bultzatutako “austeritate politikak” baztertu behar zirela esan zuen. Hamon ados azaldu zen honen esanekin eta Alemaniak ezarritako bidetik irteteko eskatu zion Hollandi.

Ministroen esanak ez dira begi onez ikusi Parisen, nahiz eta Monterbourgek esan Gobernuarekiko elkartasuna ez duela urratu. “Ez dut uste ministro izateari utzi behar diodanik eztabaida batean nire jarrera zein den argitzeagatik”, esan du. Baina Valls ez da iritzi berekoa eta Ekonomia ministroak “lerro horia” gainditu zuela zabaldu dute gobernuko iturriek.

Hollandek babesa agertu dio Vallsi eta asteartean aurkeztuko den gobernu talde berria “bere ideiekin koherenteagoa” izateko eskatu dio. Bitartean, astelehen arratsaldean desegin den gobernuko kideekin banaka elkartuko da, Frantziaren politika ekonomikoarekiko duten iritzia jaso asmoz.


Kanal honetatik interesatuko zaizu: Frantzia
Elkarretaratzera eginen dute Baionan, Frantziako Ekonomia eta Etxebizitza ministroen bisitaren kari

Guillaume Kasbarian Etxebizitza ministroa eta Bruno Le Maire Ekonomia eta Finantza ministroa Baionan egonen dira ostiral honetan. Etxebizitza eskubidearen aldeko elkarretaratzera deitu du Herrian Bizi plataformak.


2024-03-12 | Euskal Irratiak
Jacqueline Idiart
"1970eko hamarkadan milioi bat emaztek abortatzen zuten Frantzian legez kanpo"

Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.


Eutanasiari buruzko lege-proiektua jakitera eman du Macronek apirilerako

Liberation eta La Croix egunkariei emandako elkarrizketan, eutanasiari bide emango dion lege proiektu bat bozkatzeko asmoa dutela iragarri du Frantziako presidenteak.


Frantziako Konstituzioak jasoko du "aborturako askatasuna bermatzea"

Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.


Eguneraketa berriak daude