32 urteko kazetaria onik atera diren beste lau lankiderekin zegoen bonbardaketaren unean. 16:30ak aldera gertatu da, Tchassiv Iar inguruetan, Bakhmut inguruko Ukrainiako herrian.

"Bere heriotza kazetariek egunero jasaten dituzten arriskuen oroigarria da, Ukrainiako gatazkaren berri ematen dutenean", esan du Fabrice Fries agentziako zuzendari exekutiboak.

Agentziak berak zabaldutako ohar labur batean esan du "lur jota" daudela eta babesa erakutsi die kazetariaren senideei.

Nous avons la douleur d'annoncer que notre reporter Arman Soldin a été tué aujourd'hui près de Bakhmout, en Ukraine. Toutes nos pensées vont à sa famille et à ses proches. pic.twitter.com/QpGkjdZhgO

— Agence France-Presse (@afpfr) May 9, 2023

Mugarik Gabeko Kazetariak eta Kazetariak Babesteko Batzordeak 2022ko otsailaren 24an Errusiak Ukrainiako inbasioa hasi zuenetik gutxienez hamaika kazetari hil dituztela kalkulatu dute.