Formula-esnearen industriaren praktika engainagarriak salatu ditu OMEk
Formula-esnearen industriak marketin digitaleko praktika engainagarriak erabiltzen dituela salatu du Osasunaren Mundu Erakundeak, txosten batean. Industria horrek 52 mila milioi euroko balioa du munduan, eta botere horren zati bat sare sozialen plataformak eta influenzerrak ordaintzera bideratzen du, haurdunak eta ama izan berriak haien produktuak kontsumitzera bultzatzeko.
Txostenaren arabera, formula-esnearen konpainiek informazio pertsonala erosi edo bildu, eta emakume haurdunei eta amei sustapen pertsonalizatuak bidaltzen dizkiete, hainbat tresna erabiliz; besteak beste, aplikazioak, laguntza-talde birtualak, klubak, sustapenak, lehiaketak eta aholkularitza-zerbitzuak. Hala, 2021eko urtarriletik ekainera bitartean, sare sozialetan 229 milioi erabiltzaile izatera iritsi dira.
Erabiltzaileek jasotzen duten mezua engainagarria da, formula-esnea edoskitzea baino hobea dela iradokitzen baitu, ebidentzia zientifikoaren aurka, baita OMEren beraren gomendioen eta kodearen aurka ere. Hain zuzen, 1981ean sortu zen amaren esnearen ordezkoak merkaturatzeko nazioarteko kodea, amak marketin-praktika oldarkorretatik babesteko. Konpainiak, ordea, kode hori nabarmen urratzen ari dira, eta marketin digitaleko teknika ahaltsu horiei esker, hazten ari da formula-esnearen merkatua.
Hala, OMEk dei egin dio industriari kodea aintzat hartzeko eta praktika horiek bertan behera uzteko, eta gobernuei, berriz, haur eta familia berriak babes ditzala eskatu die, formula-esneko publizitate oro arautuz eta betearaziz.
Pertsona oso energetikoa da eta gorputzak uzten dion bitartean “ahalik eta gehien” disfrutatzen saiatzen da Espe Ciriza Asenna Nafarroako Endometriosi Elkarteko kidea (Iruñea, 1981). Endometriosia dauka, eta horren ondorioz, “izugarrizko” min... [+]
Estresa, nekea, antsietatea eta beste dira sisifemiak eragiten dituen zenbait ondorio. Esanahiaz, jatorriaz eta prebentzio neurriez mintzatu da Ziortza Karranza psikologoa.
Frantziako Estatuaren menpe segitzen duen Indiako Ozeanoko Mayotte irlan biderkatuz doaz kolera kasuak. Uraren kudeaketa kaskarra izan ohi da eritasun horren zabalpenaren arrazoietan eta, hain justu, uraren krisi gogorrari aurre egin nahian dabiltza bertako herritarrak. Bigarren... [+]
Euskal Herrian 28 ikastetxe-ingurune aztertu dituzte: 28ek Osasunaren Mundu Erakundeak segurutzat duen kutsadura maila baino kutsadura handiagoa dute eta %75ak ez du lortzen Europako Batzordeak berak onargarritzat duen kutsadura maila. Maiatzaren 10ean kalera aterako dira... [+]
EAEk du elektroshockaren praktika tasarik altuena Espainiako Estatuan; Nafarroan berriz, pazienteen euste mekanikoa ohikoa da ospitale psikiatrikoko unitateetan. Psikiatrikoetako indarkeria eta gehiegizko medikazioa salatzeko, Estatuko Harro Zoro Erradikalen manifestazioa Bilbon... [+]