Fleury-Mérogiseko gizonezkoen kartzelan dauden euskal preso politikoak modulu berean elkartu dituzte
Fleury-Mérogiseko (Frantzia) gizonen espetxeko preso politikoek protesta abiatu zuten maiatzean, kartzela barruko sakabanaketa salatu eta batu zitzaten eskatzeko. Izan ere, modulu bitan bereizita izan dituzte orain arte. Etxeratek zabaldu duenez, helburua lortu dute eta modulu berean izango dira aurrerantzean. Hala jakinarazi omen diete presoek eurek Etxerati.
aurre egingo dieten hedabide independenteak
Espetxeko zuzendaritzari eta beste zenbait eragileri gutun bidalketa eginez hasi zuten protesta udaberrian. Presoek eurek kartzela barrutik ez ezik, kanpotik bidalketa masiboa egin zen.
Ondoren, besteak beste, blokeo sinbolikoak egin zituzten patioan. Horren ondorioz isolamendu ziegetan sartu zituzten; handik irteten hasi ahala, isolatutako azken presoa ziegatik atera arte patiora ez joatea erabaki zuten.
