Hendaia Film Festivala gutxiengoen inguruko topagunea da. Aurten IV. edizioa ospatuko da urriaren 13tik 15era. Izen-emate epea zabalik da maiatzaren 15era arte eta dohainik da.
Festibalean parte-hartzeko funtsezko bi betebeharrak hauek dira: bat, film laburrek ezin izango dute 20 minutuko iraupena gainditu, kredituak barne. Bi, 2015eko urtarrilaz geroztik ekoiztutako obrak izan behar dute.
Iazko ekitaldiaren ondoren, festibaleko zuzendaria Angela Mejias elkarrizketatu genuen. Festibalaren espiritua laburbiltzen duten haren zenbait hitz dituzu jarraian:
Hendaia Film Festivala, mugaz eta instituzioez gaindiko festibala da.
Trukerako balio du: kidetasuna, jendetasuna, elkartasuna eta irekiduraren eredu izan behar du. Irekidura, lehenbizi herritarrekiko eta instituzioekiko ondoren.
Akitania-Euskadi mugaz gaindiko instituzioko frantsesek ez dute hegoaldearekin elkarlanean aritu nahi. Akitaniako Erregioaren Gobernuak hiru urtetan ez digu deusik eman.
Adibiderako, hainbat film Serbia edo Eslovenia herrialdetik etorri dira, ezezagunak guretzat. Herrialde horietako film laburrak ez dira hemen ikusten. Etorkizuneko zinemagileak ezagutarazteko eta hemengo publikoari filmak ezagutzeko parada da festibala.
Festibala antolatzeko profesionaltasuna behar da, baina profesionalak musu-truk ari dira. Festibalak bestelako laguntza behar du, beraz.
Festibala Les Variétés zinema-aretoan eta Mendi Zolan kultura-gunean izaten da. Izena emateko eta xehetasun gehiago izateko: Joana Asurmendi 0033 (0) 666 924 238 contact@hendaiafilmfestival.com
www.hendaiafilmfestival.com
Bidasoa 2018-2023 dokumentalaren proiekzioa
Non: Martuteneko espetxean, Donostian
Noiz: Abenduaren 22an, ostirala, 16:00etan
Sarean ikusgai: Primeran plataforman
------------------------------------------------
Gabonak dira. Ostiral bazkalostea. Martuteneko... [+]
FIPADOC Nazioarteko dokumental jaialdia berriz heldu da Miarritzera. Urtarrilaren 19tik 27ra ospatuko dute, eta seigarren edizio honetan «Italia eta Afrika» izanen dira protagonistak.
En el nombre de ellas dokumentalean agertzen diren biktimek eta ekoiztetxeak eskerrak eman dizkie plataformari "ausardiagatik" eta beren historia kontatzeagatik. Disney+ 2022ko azaroan zen dokumentala estreinatzekoa, baina atzera egin zuen.
Hilabete gutxiko tartean hil zitzaien ama Irati Gorostidiri (Eguesibar, 1988) eta Mirari Echavarriri (Iruñea, 1988), biak 1978an Lizason egonkortutako Arco Iris komunitate tantrikotik igarotakoak. Lehendik ere esperientzia hari buruzko interesa bazuten, dolu prozesuan... [+]