Emakumeak borrokan

'Ruralismo postmodernoa' Jazpana festibalean urriaren 24an eta 25ean Beasainen

  • Urriaren 24an eta 25ean egingo da Jazpana! festibalaren seigarren edizioa Beasainen. “Ruralismo postmodernoa” azaleratu asmoz, musika protagonista izango den kartel oparoa gertatu dute.

Itziar Ugarte Irizar @itzugarte
2014ko irailaren 18a
"Triangulo Amor Bizarro" taldea iazko Jazpana festibalean. (Arg.:andoaingojubilatuak.blogspot)

Antolatzaileen esanetan, jaialdia egonkortzen ari da edizioz edizio eta horrek ematen duen konfiantza eta gogoarekin gertatu dute seigarren edizioa.

Bi egunez, musika emanaldiak izango dira festibaleko protagonista. “Gazte zein klasikoen artean oreka” bilatu dutela azaldu dute antolatzaileek, baita bertako zein kanpoko taldeen artean. Bernedoeneako parkinean izango dira kontzertu gehienak, guztiak dohainik.

Urriaren 24an, lau kontzertu eta DJ bat izango dira: Fumut, The Lookers, Ladislao, Nueva Vulcano taldeak eta Olarius & Brothers DJs.

Larunbatean, zortzi taldek hartuko dute parte, arratsaldean hasi eta gauera arte. Hauen artean daude, besteak beste, Capsula, Crazy Young, Buffalo, Za! eta Siete taldeak. Jaialdiari amaiera emateko, DJ Coco-k jarriko du musika.

Horrez gain, argazki rallya, 3x3 saskibaloi txapelketa eta Skate Lehiaketa ere antolatu dituzte.

JazpanArt! ekimena

Jaialdiaren baitan, hirugarrenez antolatu dute “artea ospatzeko” JazpanArt! ekimena.

Beasaingo Igartza Jauregian, artearen bidez esperientziak elkartrukatzeko ekimena da. Urriaren 18tik azaroaren 24ra, bertan egingo dira, besteak beste, kartel tailerrak, Jazpanazoka eta DAC taldearen kontzertua.

Aurtengo kartela eta aurkezpen bideoa

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Beasain  |  Artea  |  Musika  |  Beasain

Beasain kanaletik interesatuko zaizu...
Azkenak
EGILEA
Eguneraketa berriak daude