Elkarretaratzera deitu du goizean Beasainen Goierriko Kontseilu Sozialistak, eta dozenaka lagun elkartu dira etxegabetze arriskuan zeuden emakumeari eta bere hiru seme-alabei babesa ematera. Gutxienez beste astebetez geratu ahal izango dira etxean, etxejabearekin lortutako akordioari esker.
Beasaingo familia bat etxetik botako zutela salatu zuen Goierriko Kontseilu Sozialistak aste hasieran. Azaldu dutenez, udalarekin, gizarte zerbitzuekin eta etxearen jabearekin elkarrizketak abiatu zituzten egoeraren berri izan zutenean, borroka-prozesu bat abiatuz, eta asteazkenera arte ez dute akordiorik lortu. Goizeko 10:30etan dozenaka lagun elkartu dira etxea galtzeko arriskuan zeuden emakumeari eta bere hiru seme-alabei babesa emateko. Ertzainak eta udaltzainak ere joan dira etxearen ingurura, eta baita segizio judiziala ere.
Kontseilu Sozialistako kideek azaldu dutenez, protestaren presioaren eraginez familiari proposamen berria egin diote eta, ondorioz, beste astebetez etxean geratu ahal izango dira. Etxegabetzea behin-behinean etetea lortu badute ere ez dute oraindik alternatiba iraunkorrik lortu. Lortutakoa "antolakuntzari eta mobilizazioari" esker izan dela azaldu dute Kontseilu Sozialistako kideek, eta familia horren egoera konpontzeko, etxegabetze gehiago ez emateko eta etxebizitza "doako, kalitatezko eta unibertsalaren" alde lanean jarraituko dutela adierazi dute.
Gaur Beasainen aurreikusita zeogoen etxegabetzea bertan behera geratzea lortu dugu. Kaleratua izan behar zen familia, etxebizitzan astebete gehiago egoteko akordioa onartu da, antolakuntza eta mobilizazioari esker. pic.twitter.com/wb2FyGEVjr
— Kontseilu Sozialista Goierri (@Kontseilua_Goi) January 19, 2022
https://twitter.com/Kontseilua_Goi/shttps://twitter.com/Kontseilua_Goi/status/1483764282693148672?s=2
https://twitter.com/Kontseilua_Goi/status/1483764282693148672
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.