Familien zaintza lanen kontziliaziorako neurriak hartu dira Legebiltzarrean

  • Familien zaintza lanen kontziliaziorako neurriak hizpide izan dira asteazkenean Gasteizko Legebiltzarrean, aitatasun baimena luzatzea eta errenta baxuko familientzat Haurreskolak doakoak izatea, besteak beste. Oro har, alderdiak ados agertu dira proposatutako neurriekin.

Maddi Txintxurreta @mtxintxurreta
2018ko martxoaren 22a
Beatriz Artolazabal Eusko Jaurlaritzako Enplegu eta Gizarte Politiketarako sailburua, Legebiltzarrean

Gasteizko Legebiltzarrean demografiari eta familiei lotutako osoko bilkura egin dute asteazkenean, EH Bilduk eskatuta. Parlamentuak lauhileko honetan onartzekoa duen Familiei Laguntzeko VI. Plana izan zen hizpide, eta 80 proposamen baino gehiago onartu ziren.

Eusko Jaurlaritzako Enplegu eta Gizarte Politiketarako sailburu Beatriz Artolazabalek proposatu du aita edo bigarren guraso direnei hiru hilabeteko eszedentzia ematea. Haurra jaio eta lehen hilabetean hartu ahal izango dute, betiere amaren amatasun baimenarekin bat egin gabe. Egungo lau asteko aitatasun baimenari gehituko zatzaizkio hiru hilabeteok. Baimenak iraun bitartean, kotizaziorako oinarriaren %100a kobratuko lukete eszedentziadunek.

Artolazabalek gizon eta emakumeen berdintasunaren aldeko neurriak proposatu ditu, martxoaren 8ko mobilizazio feministei erantzunez. Diru Sarrerak eta Inklusioa Bermatzeko 2008ko Legearen erreforma ere eskatu du, gizarte larrialdi laguntzetan eta Diru Sarrerak Bermatzeko Errentan (DSBE) familiei ematen zaien arrera hobetzeko. Horretarako, errenta jasotzen duten eta haurrak dituzten familien gutxieneko errolda denbora bi urtera jaitsiko du, eta guraso bakarreko familiek jasotzen duten laguntza osagarria igoko du. Bestalde, bigarren haurra izateagatik jasotzen den laguntza bitik hiru urtera luzatu nahi du.

Gainera, EAJk eta PSE-EEk Erakunde arteko gogoeta lantalde bat sortzeko eskatu diote Jaurlaritzari, Finantzen Euskal Kontseiluaren barruan, uste baitute egungo laguntza eta zerga sistemak familia dirudunenak saritzen dituela.

Bestalde, 18.000 euro baino gutxiagoko diru-sarrerak dituzten familientzat Haurreskola doakoa izatea eskatu dute EH Bilduk eta Elkarrekin Podemosek, eta ados agertu dira gainontzeko alderdiak.

Demografiaren arazoa

Gainontzeko herrialdeekin alderatuta, jaiotza tasa baxuak dituzte Arabak, Bizkaiak eta Gipuzkoak, eta populazioa zahartu egin da azken 40 urteetan. Alta, EH Bilduk euskal erakundeei leporatu die ugalketa “merkatuaren beharrekin eta ongizate estatuaren iraupenarekin” lotu dutela, eta koalizioko Nerea Kortajarena legebiltzarkideak esan du arazoa ez dela jaiotza tasa apala, “ugalketa eskubideak ukatzea” baizik.

Alderdi guztiak ados agertu dira Kortajarenak esandakoarekin, eta honek pozik erantzun du: “Denok onartu duzue helburua ez dela jaiotza tasa handitzea, eta hori bada paradigma aldaketa bat”.

PSEko Gloria Sánchezek egungo politikak “paternalistak” direla kritikatu du; bere ustez erakutsi dutela “ez direla haurrak edukitzearen ordainetan dirua jasotzeko”. PPko Laura Garridok, bestalde, Eusko Jaurlaritzen murrizketak kritikatu ditu.

Eztabaida eta ekintzarako tartea izan da asteazkenean, eta adostasuna nagusi gainera: EH Bilduk proposatutako neurrien erdiak onartu ditu legebiltzarrak. Kortajarenak esan du horrelako gizarte politikekin jaiotza tasa “berez” igoko dela.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Eusko Legebiltzarra  |  Feminismoa  |  Gasteiz

Eusko Legebiltzarra kanaletik interesatuko zaizu...
2019-03-08 | ARGIA
Lehen aldiz EAEko Legebiltzarrak osoko bilkura bertan behera utzi behar izan du quorum faltagatik

Ezohiko irudia ikusi da ostiral honetan EAEko Legebiltzarrean: EAJ, EH Bildu, Elkarrekin Podemos eta PSE-EEko emakume legebiltzarkideek greba egingo dutela jakinarazi dute eta horren ondorioz, gaur egitekoa zen osoko bilkura bertan behera geratu da. 36 emakume legebiltzarkide dira guztira greba egin dutenak. Horiei beste hiru gizon gehitu zaizkie, arrazoi ugarirengatik gaurko saioan parte hartu ez dutenak.


2019-02-14 | ARGIA
Desindustrializazioa
La Navaleko langileak Tapiari: "Jaurlaritzak inbertitu ezean, 10 edo 15 egunean kaleratze gutuna jasoko dugu"

Eusko Legebiltzarraren atarian elkarretaratzea egin dute La Navaleko langileek eta Eusko Jaurlaritzako Ekonomia Garapeneko sailburuari euren eskaerak helarazi dizkiote.


2019-02-07 | ARGIA
Gasteizeko Legebiltzarrak ez du aintzat hartu pobreziaren aurkako Herri Ekimen Legegilea

Euskal Herriko Eskubide Sozialen Kartak aurkeztutako pobreziaren aurkako eta diru sarrerak bermatzeko errentaren aldeko Herri Ekimen Legegilea (HEL) atzera bota du Eusko Legebiltzarrak, "EAJk, PPk eta PSOEk entzungor egin ostean 51.000 herritarri", Steilas sindikatuak salatu duenez.


2019-01-27 | Z. Oleaga
Pobreziaren Aurkako eta Diru Sarrerak Bermatzeko Errentaren Aldeko Herri Ekimen Legegilea
Pobrezia bukatzea Eusko Legebiltzarraren esku

“Ikusten genuen hazkunde ekonomikoko fase batean egonik ere pobrezia eta bazterketa gora doazela”, dio Eskubide Sozialen Kartako kide Bea Martxuetak. Honen aurrean, 2018ko martxoan abiatu zuten Babes Sozialeko Sistema Publiko eta Kalitatezko Baten Aldeko Herri Ekimen Legegilea (HEL) Gasteizko legebiltzarrean, eta urrian hura babesten duten 51.000 herritarren sinadurak aurkeztu zituen Kartak. Talde politikoek proposamena otsailean eztabaidatu eta bozkatuko dutela aurreikusten da... [+]


2018-12-14 | Iņigo Igartua
2019rako aurrekontu proiektua luzatu beharko du Eusko Jaurlaritzak

Jaurlaritzak aurkezturiko azken aurrekontu proiektua erretiratu du eta EH Bildu alderdiari egotzi dio aurrekontuen luzapenaren errua. Negoziaketak iraun duen denboran, koalizio abertzaleak helarazitako hiru proposamen baztertu ditu Iñigo Urkulluren gobernuak.


2018-12-13 | ARGIA
Aurrekontu proiektua erretiratu du Jaurlaritzak

Ez ohiko gobernu kontseilua egin du Eusko Jaurlaritzak ostegun goizean eta EAErako aurrekontu proiektua erretiratzea erabaki du. Eusko Legebiltzarrari jadanik jakinarazi diote aurtengo aurrekontuen luzapena izango dela.


2018-12-12 | ARGIA
Osakidetzako iruzurra ikertzeko batzorderik ez da izango EAEko Legebiltzarrean

EAJ, PSE eta PPren botoekin, atzera bota da EAEko Legebiltzarrak ikerketa-batzordea osatzea Osakidetzako lan eskaintza publikoan izandako iruzurra ikertzeko.


Espainiako Konstituzioa "antidemokratikoa" dela dio Eusko Legebiltzarrak

Espainiako Konstituzioak 40 urte betetzen dituenean, EAEko Legebiltzarrak ez du ospakizun ekitaldietan parte hartuko, osteguneko osoko bilkuran hala erabakita.


Erorien Haranean ehortzitako euskal herritarren gorpuak ekartzeko eskatu dute Eusko Legebiltzarrean

Ez da zehatza zenbat gorpu euskaldun dauden. Ikerketa “intentsiboa” egitea eskatu dute. PPk abstentzioa eman du, eta gainontzekoak alde agertu dira. EH Bilduk baiezko botoa eman du Gogora-ren izenean egitea proposatu den arren. Espainiako Parlamentura bidali dute eskaera.


EH Bilduren arabera pentsiodunak ez dira "kontuan hartzen" Eusko Jaurlaritzak aurkeztutako aurrekontuetan

Koalizio abertzalearekin ituna egitea da Jaurlaritzaren bide bakarra. EH Bilduk dio pentsiodunei bideratu nahi zaien dirua ez dela “nahikoa” hauen beharrei erantzuteko. Gaur dira biltzekoak.


Azkenak
EGILEA
Eguneraketa berriak daude