Ezustea Errumanian: Europar Batasunaren aldeko hautagaiak irabazi ditu presidentetzarako hauteskundeak
Bukaresteko alkate Nicusor Dan-ek eskuin muturraren hautagai George Simion garaitu du bigarren itzulian. Danek bozen %55 eskuratu du, Simionek %45. Hala ere, eskuin muturra hazi egin da lehen itzuliarekin alderatuta. Errusiaren "esku hartze" polemikan murgildutako hauteskundeak izan dira.
Orain arte, Bukaresteko alkate lanetan ibili den Nicusor Danek Errumaniako hauteskundeak irabazi ditu bozen %55arekin. Independente gisa aurkeztu da Dan, zenbait alderdi europazaleen babesarekin –eskuinekoak gehienak–. Errumaniarren Batasunerako Aliantzako hautagai George Simionek hasieran iruzurra izan dela adierazi badu ere, hauteskundeak galdu dituela onartu du ondoren. Hauteskundeen lehen itzuliarekin alderatuta eskuin muturrak lau puntu egin du gora, eta parte hartzeak hamabi (%53tik %65era).
Ezusteko garaipena izan da Bukaresteko alkatearena. Maiatzaren 4ko lehenengo itzulian Simionek bozen %41 eskuratu zituen, eta bigarren itzulira faborito gisa aurkezten zen. Dan izan zen hauteskunde horietan bigarren, bozen %21 eskuratuta. Hirugarren, Errumaniako Gobernuko koalizioko alderdien hautagaia izan zen, Crin Antonescu, bozen %20 lortuta. Ondorioz, lehen itzuliaren biharamunean, Errumaniako lehen ministro Marcel Ciolacuk dimisioa aurkeztu zuen, eta Alderdi Sozialdemokrata gobernuko koaliziotik irten zen.
Errumania zintzo bat
Errumania zintzo bat leloa erabili du Nicusor Danek hauteskunde kanpainan. Estatuaren digitalizazioa, burokraziaren murrizketa, kargu publikoen meritokrazia sustatzea eta sistema judiziala modernizatzea gisako neurriak agindu ditu. Nazioarteko politikan, Europar Batasunak ezarri duen gastu militarraren hazkundearekin bat dator. Halaber, Donald Trumpen aldekoa da eta AEBrekin harremanak estutu eta Txinarekiko dependentzia murriztea aurreikusten du, EFEren arabera.
Errusiaren esku hartzea gora eta behera
Hauteskundeak auzi batek zeharkatu baditu, Errusiaren ustezko esku hartzearena da. Errusiaren aldeko Calin Georgescuk azaroan hauteskundeak irabazi zituen eta emaitzak baliogabetu zituen Errumaniako Auzitegi Konstituzionalak, Errusiak irabazlearen alde eragin zuelakoan. Danek, orain, zera salatu du: Telegrameko jabe den Pavel Durov errusiarrak mezu bat bidali ziela erabiltzaile errumaniar guztiei, esanez mendebaldeko Europako gobernu batek eskatu zuela herrialdeko ahots kontserbadoreen ikusgarritasuna mugatzea bozketa baino lehen. Mezuak ogi-barra itxurako emotikonoa zuen, gobernu hori Frantzia dela iradokiz; Naizek jaso duenez.
Presidentetzarako bozen lehen itzulian bigarren gelditu ostean, hautagai independenteak puntu bateko aldea atera dio Trzaskowski egun gobernuan dagoen alderdi europazaleko hautagaiari. Emaitza ofizialak argitaratu arte ez da argi egon zein izan den bozen irabazlea, bigarren... [+]
Botoen %99 zenbatuta, Mark Caney egungo lehen ministroa buru duen alderdiak 168 aulki lortuko lituzke Komunen Ganberan, eta lau gehiagorekin osatuko luke gehiengoa. Alderdi Kontserbadorea izan da bigarren bozetan, 144 eserleku lortuta. Duela lau urteko hauteskundeetan baino... [+]
Astelehen honetan egingo dituzte Kanadako Komunen Ganberarako hauteskundeak, Trudeau lehen ministro ohia ordezkatu duen Mark Caneyk data aurreratu ostean. Liberalen lidergo aldaketak kontserbadoreei aldea nabarmen murriztea eragin du, eta inkesta gehienek bozetan garaile irtengo... [+]
Bozen lehen itzulian pare-parean geratu ostean, inkesta gehienek aurreikusten zutena baino tarte handiagoa atera dio egungo presidenteak Luisa González hautagai correistari. Oposizioak "iruzurra" salatu eta botoak berriz zenbatzea eskatu du.
Inkesta gehienen arabera, Inuit Ataqatigiit alderdi ezkertiar independentistaren eta Siumut sozialdemokrataren arteko aliantzak jarraituko du indarrean parlamentuan. Herrialdeko lehen ministro Mute Egedek hauteskundeak aurreratzea proposatu zuen, AEBen "kanpo presioek"... [+]
Atxuri auzoan 2019ko azaroaren 5ean Voxen kontra egin zuten bederatzi pertsonaren kontrako epaia iritsi da. Akusatuek ez dute espetxean sartu beharko.
EH Bai koalizioak babesturiko Ahetzen zerrenda gailendu da bozen bigarren itzulian, joan den igandean, botoen %44 erdietsirik.
95.000 botogatik gailendu da Fronte Zabala azaroaren 24an eginiko hauteskundeetan. Yamandu Orsi izango da Uruguaiko hurrengo presidentea, Álvaro Delgado eskuineko Alderdi Nazionaleko presidentegaiari aurre hartuta.