Gurtel auziko epaiak eztanda politikoa lehertu du Espainian. Ostegun goizean PPren Gobernuaren aurkako zentzura mozioa izango da Kongresuan, eta Mariano Rajoyk presidente izateari utzi lekioke bozketaren arabera. EAJk ez-ohiko bilera du Gasteizen, euren botoa zein izango den erabakitzeko. Alderdi sozialistak kargua hartuko balu zein intentzio dituen jakin nahi dute jeltzaleek, eta PPren aurrekontuak estrategia horretan egotea begi onez ikusten dute.
Pedro Sánchez prest dago jeltzaleen aldeko botoa lortze aldera aurreko astean onartutako PPren aurrekontua bere horretan uzteko. Euren babesik gabe, hauteskundeak aurreratu beharko lirateke, eta aurreikuspen guztiek Albert Riveraren eskuineko alderdiari ematen diote garaipena. EAJk bide hori baztertu nahi du kosta ala kosta, adostutako 540 milioi euro ezerezean utzi ez ezik, Espainiako Kongresuan duen giltza ere galduko bailuke.
Zentsura mozioaren gakoak
176 diputaturen babesa behar du alderdi sozialistak zentsura mozioa aurrera ateratzeko. Podemosek bere babesa adierazi dio, 155 boto eskuratuz. Aldiz, ERCren, PDeCATen eta EAJren laguntza ere beharko du, ez baita aurreikusten Ciudadanosek bere alde bozkatuko duenik.
Ikusteko dago EAJk zer erabakitzen duen. Gasteizen daude bilduta Euzkadi Buru Batzarreko kideak, eta badirudi Pedro Sánchezen hitzaldiaren ostean esango dutela zein izango den haien botoa.
Beste aukera bat Mariano Rajoyk berak dimititzea litzake, eta hauteskundeak deitzea. Baina ez dirudi halakorik gertatuko denik.
Orain Senatura bidean joango da legea, han PPk ahal duen neurrian atzeratuko du –bi bat hilabetez– eta gero berriz itzuliko da Espainiako Kongresura azken onarpena izan dezan.
Egungo Espainiako Gobernua osatzea ahalbidetu zuten alderdi gehienek onartu dute EAJk hirugarrenez aurkezturiko proposamena Espainiako Kongresuan, baina zalantzak daude hemendik aurrera PSOEk hartuko duen jarreraren inguruan, beste aldietan sozialistek ez baitute urrats gehiago... [+]
Espainiako Kongresuan egiten ari diren eztabaidan oihartzuna izan du Iruñeko alkatetza aldatzeko PSNren eta EH Bilduren arteko akordioak. Alberto Nuñez Feijóok esan du "akordio enkaputxatu" bat dela. Patxi Lópezek, berriz, ukatu egin du... [+]
Espainiako Kongresuan hizkuntza gehiago mintzatu daitezke joan den astetik: euskara, galiziera eta katalana, aldibereko interpretazioarekin norabide bakarrean. Asturierak eta aragoierak, estatus txikiagoa erdietsi dute: diputatuek erabil ditzakete, itzulpena jarraian ematen... [+]
11:30ean izan da kargua hartzeko ekitaldia Nafarroako Parlamentuan, eta gonbidatu gisa joan dira hainbat ordezkari politiko, tartean Iñigo Urkullu EAEko lehendakaria. Kontseilari berriak ere izendatu dituzte: lau Geroa Baik gidatuko ditu eta bat Zurekin Nafarroak;... [+]