Duero ibaitik gora otsoa berriz ehizatzea onartu du Espainiako Kongresuak
PP, Vox, Junts eta EAJren botoekin Espainiako Kongresuak onartu du otsoa espezie babestuen zerrendatik ateratzea eta, horren ondorioz, berriz ehizatu ahal izango dute Duero ibaitik iparrera.
Otsoa ehizatzea beti izan da legezkoa Espainiako Erresuman, 2021eko irailera arte, ehun bat otso hiltzen ziren urtero Duerotik iparrera. Orduan onartu zen otsoa Duerotik gora babestea, otsoaren ikerketa eta babesa bultzatzen duen Ascel erakundearen eskariz. Horrela, basa espezien babes berezia arautzen duen zerrendan sartzea erabaki zuen Trantsizio Ekologikorako ministerioak.
Horretarako ezinbestekoa izan zen ministerioaren menpe lanean diharduen Landare eta Faunaren Batzorde Zientifikoaren diktamena, zeinetan onartzen zen otsoak "kultur eta zientzia ondarearen ikuspegitik" duen balioa, eta aitortzen ziren "ekosistema naturaletan ematen dituen zerbitzuak".
Berez, orain ere antzeko prozedura beharko litzateke eman egoera iraultzeko, argudio zientifikoetan oinarrituta, baina bide hori saihestu da, eta ostegun honetan Kongresuan onartu den Elikagaiak alferrik ez galtzeko Legearen testuinguruan onartu da.
Onartutako legearen zuzenketa batek dioenez, otsoak 14.000 txahal, txekor, behi, moxal eta ardi hil ditu, eta horrek lau milioi kilo haragiren inpaktu bat du abereen haragi ustiaketan; horrela, "kontrolatu nahi da otsoak abereen ustiaketan duen eragina". Legearen defendatzaileen ustez, otsoaren ehiza baimentzea da otsoa eta abere estentsiboen ustiaketa bateragarri egiteko modu bakarra.
Iberiar penintsulan otsoaren jarraipena egiten duten ikertzaileen ustez, dena den, otsoaren dietaren %80tik %87ra –ikerketen eta lekuaren arabera– basurdeetan eta orkatzetan oinarritzen da. Theo Oberhuber Ekologistak Martxaneko kidearen ustez, horrelako legeak onartzeko esaten da otsoen kopurua goraka doala, baina bere ustez ez dago hori frogatzen duen errolda daturik, ez bestelako datu zientifikorik.
Neurri honekin epe motzean Espainiako Estatu osoko lurraldean otsoa ehizatu ahal izango da. Oraingo egoeran, Duerotik hegoaldera otsoa ehizatzeko debekuak indarrean jarraituko du, 2021aren aurretik moduan. Epe motzera, aldiz, Europak babes maila jaitsiko dio otsoari eta orduan Duerotik hegora ere ehizatu ahal izango da.
BiziLagunEkin plataformak desazkunde turistikoaren aldeko Euskal Herriko topaketak iragarri ditu, Donostian, elkar ezagutzea, esperientziak partekatzea eta gogoeta kolektiboa egitea helburu. Egitarauaren xehetasunak datozen asteetan jakinaraziko dituzte.
Marurin kokatutako proiektua da Mustai Ortua, Gorka Areitio Elorduik eta Marcela Pava Gomezek bultzatua. Diseinu grafikoko ikasketak egin zituen Areitiok eta horretan ari zen lanean, baina gainezka eginda zebilen. Pava, berriz, abokatua da lanbidez, baina ezin zuen horretan... [+]
Ekainak akainak ekarri ditu: uda iritsi da. Udaberriko egun beroetan hasten dira akainak ehizean, udako ehizaldi nagusirako hankak prestatzen. Garo arruntaren (Pteridium aquilinum) garomenetan izaten da batez ere, bide ertzera zintzilik diren orri muturretan kulunka, gustuko... [+]
Tarteka bada ere, inoiz ikusiko zenuten hego beltzeko “erle erraldoi” eta potolo bat zuen inguruan hegan. Hala bada, ziur izan intsektuen artean ikusgarrienetako bat ikusi duzuela. Eta ziur izan, baita ere, ez duzuela inongo arriskurik, itxura itzeleko erlastar honek... [+]
Euskal Herrian zein munduan, gero eta ugariagoak dira lurraren defentsan sortzen diren mugimenduak, bizitzari eusteko ezinbestekoa den lurraren balioa aldarrikatzen dutenak. Borroka hauek ez dira soilik erresistentzia; itxaropenaren eta konplizitatearen oinarri ere bihurtu dira... [+]
"Kalte nabarmena" eragingo luke proiektuak, alkatearen esanetan. Abantoko EAJ, ""eragin txikiagoko" alternatiben alde kokatu da, "nahiz eta aukera horien kostu ekonomikoa handiagoa izan".
Garraioaren sektorea da gaur egun Euskal Herrian berotegi efektuko isurketen erantzule nagusia (%35), energia gehien kontsumitzen duena (%47) eta petrolio kopuru handiena erretzen duena (%74). Gainera beste sektore batzuetan isuriak apurka-apurka murrizten diren bitartean,... [+]
220 milioi tona plastiko sortzen ditugu munduan eta %10a soilik birziklatu. Zifra hori, gainera, hamar urtez jarraian ez da aldatu. Iaz zabor plastiko horren herenak gaizki kudeatzeagatik gure inguruko bazter, erreka, itsaso eta atmosferan bukatu zuen. Greenpeacek salatu... [+]
Azken asteko sapa lehergarri egunetan gure zereginen egitarauak aldatu beharrean aurkitu gara. Freskura erlatibo batek seietan atera gaitu ohetik, gosaldu eta lan gehienak bederatzietarako plegatu ditugu eta hamarretan jalgi gara oinezko ibilaldia egitera. Eta ez ginen bakarrak... [+]
Palentziako amama oso emakume soila zen hitzetan. Bazituen zenbait hitz dena adierazteko balio zutenak, tartean bitxo hitza: berba horren baitan kabitzen ziren zomorroa, behia, txakurra... eta batzuetan baita gizakia ere. Bitxoek auzokide latzak dituzte gizakiongan, ez baikara... [+]
HoBBea proiektua hiru elkarte hauek elkarlanean egina da: Biharko Lurraren Elkartea (BLE), Biolur eta Hazialdeko. Nekazari-okinaren figura indartu nahi dute HoBBea proiektuaren bidez, eta lurraldeko ogi ekologikoa kontsumitzearen balioak eta onurak ezagutarazi nahi dituzte... [+]
Ukenduak egiten dituen orok solstizio bueltako data hauetan zeruari begiratu dio: bateko beroa eta besteko ekaitzak, sendabelarrak noiz bildu erabakitzen komeriak izan dira. Ikusten denez, San Joan eguna ez da edozein egun, indar eta sinbolismo bereziko eguna dugu. Edozein... [+]
Eguna mozten hasten den hilabetea, ekaina. Festa aparretan gabiltza baina xorro-xorro, hau esku artean duzunerako dagoeneko hamalau minutu moztu da egun argia. Gu gure eroan, batzuek bere txoroan, ez gara jabetzen baina landareak bai ederki asko! Eguna mozten hasi da eta ez dio... [+]
Aramaioko Beñat Ibarguren Arrizabalaga da Larrinbarri ahabi ekologikoak ekoizteko proiektuaren bultzatzailea, eta 2012tik ari da Anbotopeko bere lursailetan fruitu gorri landareak eredu ekologikoan lantzen. “Lagun batek eta biok sortu genuen proiektua, hasiera batean,... [+]
Sugea eta eguzkia: pertsona askoren buruan banandu ezinak diren bi hitz. Sugea entzuten dugun aldiro, egun bero eta argi bat irudikatzen dugu. Buruak hala funtzionatzen baitu: asoziazio horiek egiten ditu duen informazioarekin. Eta ez da arraroa, bestalde; izan ere, sugeak... [+]