Sekretu Ofizialen Legea aldatzeko bideari ekin diote berriz ere Espainiako Kongresuan
Egungo Espainiako Gobernua osatzea ahalbidetu zuten alderdi gehienek onartu dute EAJk hirugarrenez aurkezturiko proposamena Espainiako Kongresuan, baina zalantzak daude hemendik aurrera PSOEk hartuko duen jarreraren inguruan, beste aldietan sozialistek ez baitute urrats gehiago egin legea aldatzeko.
Espainiako Sekretu Ofizialen Legea 1968koa da, erregimen frankistak egina. Besteak beste, horren bidez ezkutuan mantentzen dira 1981eko otsailaren 23ko estatu kolpe saiakerako dokumentuak, baita beste hainbat kasuri buruzkoak ere, hala nola 1976ko martxoaren 3ko Gasteizko langileen sarraskia, 1978ko Sanferminetako polizien erasoaldia, eta Naparra, Mikel Zabalza eta Pertur-ren desagerpenei buruzkoak.
EAJk aurkeztutako proposamen batek lege hori aldatzea ekar dezake, horretarako tramitera onartu da Espainiako Kongresuan, hainbat alderdiren babesarekin, Pedro Sáchezen inbestidura ahalbidetu zuten gehienak hain zuzen. PSOEk ere alde bozkatu du, baina zalantza handiak daude hemendik aurrera zer egingo ote duen. Halako proposamenak egin diren beste aldietan ez baitu urrats gehiego egin lege aldaketa aurrera ateratzeko.
2016an aurkeztu zuen lehen aldiz EAJk Sekretu Ofizialen Legea aldatzeko proposamena, gero 2020an gauza bera egin zuen, baina sekula ez du aurrera egin, azkenean sozialistek blokeatu egin dutelako proposamena.
Bestalde, duela bi urte Espainiako Gobernuko Presidentzia ministro Felix Bolañosen ekimenez Informazio Klasifikatuaren Legea aurrera ateratzeko prozesua abiatu zuten Kongresuan, 1968ko legea ordezkatzeko eta Pegasus auzia ikertzeko, baina hauteskunde orokorrak tarteko ezerezean geratu zen hori ere.
Mikel Legarda jeltzaleak orain Madrilen aurkezturiko proposamenak gehienez ere 25 urtera mugatzen du dokumentu batzuk sekretu bezala sailkatu edo klasifikaturik daudenean ezkutuan mantentzeko aukera, epe hori beste hamar urtez luzatu daitekeen arren: "[Aldaketa proposamena] berriro aurkezten dugu Gobernuak gai hau hiltzen uzteko tentaziorik izan ez dezan", azaldu du EAJko kideak.
PSOEk azaldu du ez dela "erraza" orekak mantentzea "Estatu segurtasun eta defentsa arrazoiengatik klasifikaturik egon behar den informazioaren eta herritarren informazio eta gardentasun eskubidearen artean". Baina legegintzaldi honetan araudi berri bat "errealitate" izan dadin lan egingo dutela hitz eman du.
Legea aldatzeko proposamenaren alde egin dute PSOEk, Sumarrek, baita parlamentuko beren bazkideek ere: Esquerra Republicana, Podemos, EAJ, BNG, Junts eta EH Bildu. Koalizio abertzaleko parlamentari Jon Iñarrituren esanetan, "dena esanda" dago lege frankista horren inguruan: "Iluna da, frankista, ez du bermerik ematen, herritarrei ukatzen die informaziorako eskubidea, ez da gardena eta zigorgabetasuna ahalbidetzen du".
EH Bilduko kidearen ustez, blokeoa dator "Trantsizio baketsu eta eredugarriaren mitoa" ukitzen duelako Sekretu Ofizialen Legea aldatzeak. Horregatik lehenbailehen ponentzia bat martxan jartzea eskatu du, beste herrialdeekiko "homologarria" den lege bat izan dadin.
2025ean 40 urte beteko dira Mikel Zabalza hil zutenetik, eta 47 urte Germán Rodríguez eta Joseba Barandiaran hil zituztenetik. Horiek guztiak Estatuko Segurtasun Indarren biktimak dira, eta Sanfermines78 Gogoan elkarteak Espainiako Gobernuari eskatu dio "Estatuaren... [+]
IRUTXULOKO HITZAk eta Dinamita Tour egitasmoak 36ko gerra Donostian nolakoa izan zen eta hiria beste ikuspegi batetik ezagutzeko ibilaldia antolatu dute elkarlanean, uztailaren 21erako. Elkargunea Bretxako Sarriegi plazako estatua izango da, 19:30ean, eta Amararaino joango dira... [+]
Astelehenean, 40 urte beteko dira Joseba Sarrionandia eta Iñaki Pikabea presoek Martuteneko kartzelatik ihes egitea lortu zutenetik. Egiako pisu batean izan ziren ezkutaturik bi iheslariak, eta oraindik milaka eztarrik abesten dute «kristoren martxa dabil!».
Altzagatik itsasadarraren parean doan BI-711 errepidearen Jose Luis Goyoaga etorbidearen izena aldatzeko herritarren parte-hartze prozesuaren ondoren, kale horren izen berria Zirgariak etorbidea izango da.
78ko Sanferminak Gogoan plataformak eta Gasteizko Martxoak 3ko ekimenak bat egin dute espainiar estatuak gertakari latz horietan bere erantzukizuna onartu eta biktimen aitortza ofiziala egin dezan. 'Estatua Erantzule!' izena darama kanpainak.
Inor gutxik ukatuko du ziurgabetasunez beteriko garai batean gaudenik. Krisi ekonomikoaren, ezegonkortasun politikoaren eta klima-aldaketaren inguruko mezuez inguraturik gaude. Ikaraturik bizi gara. Hori guztia gutxi balitz, globalizazioaren ondorioz, nazioen izaera zalantzan... [+]
Belaunaldi oso baten liburua da Palinpsestoa. Idazten dakien modura idatzi du Arrieta Ugartetxeak, eta horixe dateke alde gaitza. Gainerakoan, hortxe gure iragan hurbila, gerra ondoa, apaiz giroa, euskara, militantzia… eta ez hain hurbila ere, senide nagusien gerra... [+]
Datorren irailaren 25ean 40 urte beteko dira GALek Baionako Monbar hotelean egindako atentatutik, non lau euskal errefuxiatu hil zituen. Horren karietara, Gogora Memoria, Elkarbizitza eta Giza Eskubideen Institutuak oroimen ekitaldi bat egingo du udazkenean.
Donostiako Udaleko Memoria Historikoaren Aholku Batzordeko Sinbologia Lantaldeak dokumentazioa aurkeztu du, eskultura frankista dela frogatzeko. Eskulturaren jatorriaren inguruko eztabaida ireki nahi dute hirian, eta udal gobernuari zenbait eskaera egin dizkiote.
Salvador Puig Antich frankismoaren kontrako militantea izan zen. Askapen Mugimendu Iberikoko kidea, 1973ko irailaren 25ean atxilotu zuten. Gerra-kontseilua egin zioten, eta garrotez exekutatu zuten handik sei hilabetera, 1974ko martxoaren 2an. Aurtengo otsailean baliogabetu du... [+]
Nazismoaren biktimak izandako euskal herritarrak oroitzeko Eusko Jaurlaritzak egin duen lehen aitorpen instituzionala da. Hego Euskal Herriko 253 pertsona deportatu zituzten 1940 eta 1945 urteen artean. 113 bertan hil ziren eta beste asko, handik bizirik irten baziren ere... [+]
Oraindik ikusgai dago Donostiako San Telmo museoan Memoriaren Basoak erakusketa, maiatzaren 11ra arte. Totalitarismoek gizartea kontrolpean hartzeko erabiltzen dituzten metodo eta tekniken inguruko hausnarketa bat da, espresio artistiko ugariren bidez ondua.
50 urte bete dira Polizia frankistak Mikel Gardoki Azpiroz ETApm-ko kidea tirokatuta hil zuenetik. Egiari Zor fundazioko kideek eta Gardokiren kide Juan Miguel Goiburu Mendizabal 'Goiherri'-k hartu dute parte ekitaldian.
1945ean Neuengammeko nazien kontzentrazio esparruan hil zen Jean Iribarne gamerearraren diru-zorroa berreskuratu eta bere senideei eman diete. Ipar Euskal Herrian gutxienez 350 herritar deportatu zituzten erresistentzian parte hartzeagatik, eta ia erdia ez ziren bizirik atera.
Kirola eta oroimena uztartuko dituzte, bigarrenez, mendi-martxa baten bitartez. Ez da lehiakorra izanen, helburua beste bat delako. La Fuga izeneko mendi martxak 1938ko sarraskia gogorarazi nahi du. Ezkabako gotorlekuan hasi eta Urepelen amaituko da. Maiatzaren 17an eginen dute.