Ez nago ados
Booktegi, 2018
Booktegin badago harribitxi bat, 2018an eskegi zutena, Thoreauren poemak (benetako zein apokrifoak), Antonio Casado da Rochak apailatua. Hitzaurrean Casado da Rochak dio Henry David Thoreau (Concord, Massachusetts, 1817-1862, estatubatuar filosofo, idazle eta naturalista) ez zela poeta ona. Egia esan, antologoak Thoreauren beraren iritzia jaso besterik ez du egin: “Eskolako maisua izan naiz, baita tutorea, lur-neurtzailea, lorezaina, baserritarra, pareta-margotzailea, arotza, igeltseroa, jornalaria, arkatz egilea, idazlea eta sasipoeta ere”.
Ez nago ados, hala ere.
Zer da, bada, poeta ona izatea?
Hamasei urterekin Harvarden hasi zenean ez zen eulirik sartzen Thoreauren ahoan. Handik atera zenean, bost hizkuntzatan irakurtzen zituen idazle behinenak. Eta Concordera itzuli zenean, Ralph Waldo Emerson poetaren eskutik transzendentalismorantz egin zuen. Emersonek esan zion bere baitan zeramala zeruko izpi bat, eta modu landu eta jasoan ekin behar ziola bizitzari. Bakartu egin zen. Eguneroko bat estreinatu zuen: “Apirilak 1. Eguzkiak jota,/ berrabiatu da natura osoa,(…) eguzkiak eta apirilak jota”.
Eta horrela ibili zenez, kontenplaziora emana, giza natura ezagutu zuen. Gizakia otsoa dela ere bai, ulertu zuen ederto: abolizioaren alde egin zuen, zerga objekzioa praktikatu zuen. Biak konbinatu zituen: desobedientzia zibilaren inguruko teoriak, zein dena utzi eta lakuan arrantza egitearen plazera. Thoreau, era horretan, geroko idazle askoren iturburu klasiko bihurtu zen, bakea naturaren bakean bilatzen duen pentsamendu-korronte baten adierazle. Otutzen zait Rexroth. Otutzen zait batez ere Snyder. Otutzen zait Artze.
Poeta ona izan zen beraz Thoreau. Baina, noski, poesia bere obra guztian zehar bilatu behar da, edo areago bere etsenpluan: “Zabal/ sentitzea, zabal ulertzea, zabal adieraztea naturaren edertasuna,/ poesiaren zeregin bakarra da”. Antonio Casado da Rochak liburu zoragarria opatu digu, beraz, eskuragarri duzuena Booktegin, iruzkin eta guzti.
Lautadako mamua
Xabier Montoia
Elkar, 2024
112 orrialde
Eleberri labur honetan egileak XIX. mendeko Euskal Herrira garamatza, sekulako sona hartu zuen Juan Diaz de Garaio hiltzailea duela protagonista. Arabako landa guneko jendarte tradizional eta giro hotzean barneratzen... [+]
Kanbodiako enbaxada
Zadie Smith
Itzulpena: Garazi Ugalde
Igela, 2022
-----------------------------------------------------
Batek baino gehiagok askatu ezin duen ideia faltsua da Europa jende berdinez soilik dagoela eraikita. Eta ez bakarrik faxistek. Egiatan, gutako... [+]
Carmilla
J. T. Sheridan Le Fanu
Itzulpena: maialen berasategi
Erein, 2025
------------------------------------------------------------------------
Literatura unibertsala bilduman argitaratu berri dute J. T. Sheridan Le Fanu irlandarraren 1872ko Carmilla. Maialen... [+]
Agur Karibu
Marian Porcel
Elkar, 2025
SIMULAKRO BAT
Leire Ugadi
Elkar, 2025
---------------------------------------------------------------------
Hitzak hautsi egin dezake, kolpatu, arrakalatu eta apurtu. Simulakro bat (Elkar, 2025) izendatu du Leire Ugadik (Urduña, 1996) simulakro hutsetik harago... [+]
Zoriona, edo antzeko zerbait
Karmele Mitxelena
Elkar, 2024
------------------------------------------------------------------
Helduentzat bigarren liburua du Karmele Mitxelenak. Lehenengoa ipuin liburua izan zen, eta honetan ere nabari zaio ipuingile eskua; izan ere,... [+]
Lur jota Parisen eta Londresen
George Orwell
Igela, 2025
George Orwell Abereen etxaldea (Animal farm, 1945) eta 1984 (1949) eleberriengatik ezagutzen dugu, euskarara itzuliak biak. Baina horien aurretik Down... [+]
Antzinako berri-berriak
Kae Tempest
Igela, 2022
-----------------------------------------------------------------
This poem was written to read aloud / Poema hau ozen irakurtzeko idatzi zen.
Horrela hasten da Kae Tempesten Antzinako berri-berriak liburua, lehen... [+]
Txori Gorri. Andre siux baten idazlanak
Zitkala- Sa
Testu zaharrak, 2022
Zitkala-Sa hegoaldeko Dakoten erreserban (AEB) jaio zen 1876an. Eskolan asimilazioan oinarritutako hezkuntza jaso zuen, eta horren... [+]
TARTARO
Testuak: Xantal Barnetxe
Ilustrazioak: Leire Perret
Ikas, 2025
--------------------------------------------------------------------
Tartaro infernuaren antzeko tokia dugu antzinako Grezian, baita pertsonaia mitologikoa ere, Virgiliok aipatua aspaldian eta... [+]
Amaieratik hasi. Euskal feminismoa, aldaketarako paradigma
Naia Torrealdai Mandaluniz
Txalaparta, 2025
-----------------------------------------------------------
Naia Torrealdai Mandalunizek Amaieratik hasi. Euskal feminismoa, aldaketarako paradigma saiakera argitaratu... [+]
hezur berriak
Ane Labaka Mayoz
Susa, 2025
Tapakia
Maite gurrutxaga
Erein, 2025
-----------------------------------------------------------
Tapakia liburu honen azala ikusten badugu, bertan sagu pipertu bat ikus dezakegu lehortzen ari den tapaki zuri-zuri baten ondoan. Gero, normalean kasu gutxi egiten diegun... [+]
Zuzi iraxegia. euskal emakume idazleak eta literatura klasikoa
Amaia Alvarez Uria
Testu zaharrak, 2024
----------------------------------------------------------------
Liburua esku artean izan aurretik ere arnas luze bat atera zitzaidan barru- barrutik: “ze... [+]
Martin Martina eta urrezko orraziaren misterioa
Amancay Gaztañaga
Elkar, 2024
-----------------------------------------------------
Amancay Gaztañagak Martin Martina eta urrezko orraziaren misterioa kaleratu du Alain Martinezen ilustrazioek lagunduta... [+]