"Ez dute lortuko", ZADekin elkartasun mezua Gasteizen

  • Lagun ugari bildu dira asteazken arratsaldez Gasteizko erdialdean Notre- Dame-des-Landes-eko ZAD proiektuari babesa adierazteko. “2012an estatuaren arduragabekeri txikitzaileak ez zuen lortu eta oraingoan ere ez dute lortuko”, adierazi dute.

Hala Bedi @halabedi
2018ko apirilaren 12a

Eguraldi txarrari aurre egin eta lagun ugari bildu dira Gasteizko Andra Maria Zuriaren plazan, ZADeko kideei babesa adierazteko eta desalojo saiakera gaitzesteko.

Gogoratu dutenez, 2009an eman zioten hasiera zadistek erresistentziari; bizitzaren aldeko eta kapitalaren kontrako erresistentzari, makro proiektuen kontrako erresistentziari, lurraren defentsaren aldeko erresistentziari… 9 urteren ostean, desalojo saiakera bat geldiarazi dute jada eta Notre- Dame-des-Landes-eko nekazari eta biztanleekin batera komunitate erraldoi bat egonkortu dute zonaldean.

“Urte luze hauetan eginiko lan emankorra ikusita, zein azken hilabetean Gobernu frantsesak aireportuaren eraikuntza geldituko zelaren berria ikusita, askok pentsa genezakeen momentu hau saiez zitekeela, baina heldu da: ZAD-en bigarren desalojo saiakera astelehenean hasi zen ate joka”, adierazi dute deitzaileek.

Salatu dutenez, prentsari ez zaio ZADen sartzen utzi. Zabaldu daitezkeen irudi bakarrak jendarmeek harturikoak omen dira.

“Egoerak ez gaitu harritzen; gobernuak ezinezko zuen ZADen eta Notre-Dame-des-Landes-eko herritarren presiopean aireportuaren proiektua bertan behera uztea. Hori egin izan balu, arriskutsuegia litzatekeen aurrekaria ezarriko luke”, baieztatu dute.

ZADekoen esanetan “bertan bizi gara, bertan errotu eta hazi gara. Lur hauei, baso hauei, loturik gaude eta ez gara inolaz ere joango”. Eta, zentzu honetan, babes mezuarekin amaitu dute elkarretaratzea: “2012an estatuaren arduragabekeri txikitzaileak ez zuen lortu eta oraingoan ere ez dute lortuko”.

Autobusa

ZADera joateko autobusa antolatu dute. Ostiralean aterako da, 14:00etan Errekaleorretik. Itzulera, aldiz igandean izango da. Izena emateko zerrenda Txapelarri tabernan egongo da.

Albiste hau Hala Bedi irratiak argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: ZAD  |  Gasteiz

ZAD kanaletik interesatuko zaizu...
2018-12-06 | Hala Bedi
I˝aki Etxeleku
"ZADen okupazio, autogestio eta autonomia mugimenduko bizipenak jaso ditugu"

Notre-Dame-des-Landes-ko ZAD Defendatu Beharreko Eremuaren inguruan liburua argitaratu du Iñaki Etxeleku kazetariak: “ZAD, bizi dutenen ahotik”. ZADaren inguruan dabiltzan profil ezberdineko pertsonei egindako elkarrizketetatik abiatuta idatzi du liburua.


2018-09-11 | Amaia Lekunberri
Estrasburgoko ZAD gunea hustu du Frantziako poliziak

Astelehen goizaldean eta istilu ugari tarteko, jendarmeek jendea kanporatu dute Kolbsheim-eko (Frantzia) basoan dagoen ZAD gunetik.


2018-07-02 | Nahia Ibarzabal
Aman Komunak sareak deialdia egin du udan ZADera joateko

Udan ZADen egingo den auzolanean eta nazioarteko topaketetan nahi duen orok parte hartu dezake. Izen ematea zabalik dago.


Errepresioaren dimentsio neurtezinak

Notre-Dame-des-Landesko ZADen, jendarmeen eta ekintzaileen arteko istiluetan, gazte batek eskua galdu zuen. Anputatua, guztiz, poliziak legalki erabiltzen duen granada batek lehertua. Burura etorri zitzaidan zeinen zaila izan daiteken erantzukizuna bere tokian kokatu eta mantentzea: zer egiten nuen nik istilu haietan, jakin behar nuen non sartzen nintzen, ez nuen arriskua ondo neurtu.

Iruñeko istiluetan iaz atxilotutako Oreretako gazteek gauza bera pentsa dezakete. Are zamatsuagoa... [+]


2018-06-10 | Jakes Bortairu
Notre-Dame-des-Landes

NDDL bezala ezagutua den Nantes aldeko herri txikian 50 urtez aireportu proiektu baten kontrako borroka iragan da, bereziki azken hamarkadan. 2009tik goiti ingurumen eta bertako laborarien defentsari klima aldaketaren problematika gehitu zitzaion, eta oro har, produkzio-modu kapitalistaren erabateko kritika. Hasieran mobilizatu ziren jendarteko eragile desberdinei, beste sektore erradikalago batzuk lotu zitzaizkien proiektua oztopatzeko. Borrokaren dinamikak mikro-jendarte alternatiboa sortu... [+]


2018-05-23 | ARGIA
ZAD gunea defendatzen ari zen lagun batek eskua galdu du jendarmeen granada bat lehertu zaiolako

Pertsona bat larri zauritu dute asteartean Notre-Damde-des-Landeseko ZADean, jendarmeek erabilitako granaden erruz.


2018-05-22 | ARGIA
Notre-Dame-des-Landesen gertatzen dena filmatzeko deia egin dute zenbait zinegilek

Adele Haenel, Philippe Garrel, Victor Erice eta Aki Kaurismaki dira Notre-Dame-Des-Landesko ZADean gertatzen denaren irudiak filmatu, landu eta zabaltzea eskatu duten zinegileetako batzuk, “imaginario berriak eraikitzeko borrokatzen den leku erreal bat delako”.


2018-05-17 | ARGIA
Notre-Dame-Des-Landesko ZADean jendarmeek ekin diote bigarren erasoari

Atzo Matti Txintxurretak aurreratu bezala, ostegun goizean ekin diote jendarmeek Naoned-Nantes inguruko ZADa hustutzeko bigarren erasoari, agintariek iragarri dutenez bihar amaitu nahi duten operazioari.


2018-05-08 | Euskal Irratiak
ZAD gunearen alde Amankomunak taldea sortu dute

ZAD-eko borrokaren aldarria, hots, Notre Dames de Landeseko aireportu proiektuaren kontra Breitainian izan den mugimenduak Euskal Herrian ere badu oihartzun.


Azkenak
EGILEA
Eguneraketa berriak daude