ZAD gunea defendatzen ari zen lagun batek eskua galdu du jendarmeen granada bat lehertu zaiolako

  • Pertsona bat larri zauritu dute asteartean Notre-Damde-des-Landeseko ZADean, jendarmeek erabilitako granaden erruz.

ARGIA @argia
2018ko maiatzaren 23a
Astearte goizeko istiluak ZAD inguruko zelaietan (argazkia: Reporterre).

Reporterrek informatu duenez, ZAD gunea defendatzen ari zirenek aurre egin diete jendarmeei, hauek guneko eraikinak botatzeko lanak babesten ari zirenean. Jendarmeek granadak jaurtiz erantzun diete zadistei eta 30 urteko gizon batek granada horietako bat jaso du, lehertu egin zaio eta eskua galdu du.

Philippe Marestin jendarmeriako teniente-koronelak zenbait zehaztapen eman dizkio Reporterreri. Azaldu duenez, 50 bat lagunek indarkeriaz  egin diete aurre. Molotov koktelak jaurti dizkietela esan du, baita “zenbait jaurgitai” ere. Horren aurrean jendarmeek negar egiteko gasak bota dituztela adierazi du, horretarako GLI-F4 motako granadak erabiliz. Marestinen arabera, granada horietako bat izan da eskuan lehertu zaiona.

Zauritutako pertsona azkar eraman dute Nanteseko ospitalera. Gertakariei buruzko inkesta martxan da, jendarmeriako bozeramaileak aditzera eman duenez.

Arratsaldean, ZADeko talde medikuak agiri bat publikatu du, esanez gertakaria deitoratzen dutela, baina ez daudela harrituta. “Dagoeneko 300 zauritu baino gehiago artatu behar izan ditugu azken asteetan, besteak beste, GLI-F4 granadengatik”, azaldu dute. Gobernuak ZADaren kontra martxan jarri duen operazioak “egunero hildako bat” eragin dezakeela baieztatu dute, “eta dena etxeak eta bizitokiak suntsitzeko”.

Gaineratu dute, aurrekariak ezagututa, justiziaz ez direla asko fidatzen, gertakariak argitzeko jendarmeriaren ikerketari buruz mesfidantza adieraziz.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: ZAD

ZAD kanaletik interesatuko zaizu...
2018-12-06 | Hala Bedi
I˝aki Etxeleku
"ZADen okupazio, autogestio eta autonomia mugimenduko bizipenak jaso ditugu"

Notre-Dame-des-Landes-ko ZAD Defendatu Beharreko Eremuaren inguruan liburua argitaratu du Iñaki Etxeleku kazetariak: “ZAD, bizi dutenen ahotik”. ZADaren inguruan dabiltzan profil ezberdineko pertsonei egindako elkarrizketetatik abiatuta idatzi du liburua.


2018-09-11 | Amaia Lekunberri
Estrasburgoko ZAD gunea hustu du Frantziako poliziak

Astelehen goizaldean eta istilu ugari tarteko, jendarmeek jendea kanporatu dute Kolbsheim-eko (Frantzia) basoan dagoen ZAD gunetik.


2018-07-02 | Nahia Ibarzabal
Aman Komunak sareak deialdia egin du udan ZADera joateko

Udan ZADen egingo den auzolanean eta nazioarteko topaketetan nahi duen orok parte hartu dezake. Izen ematea zabalik dago.


Errepresioaren dimentsio neurtezinak

Notre-Dame-des-Landesko ZADen, jendarmeen eta ekintzaileen arteko istiluetan, gazte batek eskua galdu zuen. Anputatua, guztiz, poliziak legalki erabiltzen duen granada batek lehertua. Burura etorri zitzaidan zeinen zaila izan daiteken erantzukizuna bere tokian kokatu eta mantentzea: zer egiten nuen nik istilu haietan, jakin behar nuen non sartzen nintzen, ez nuen arriskua ondo neurtu.

Iruñeko istiluetan iaz atxilotutako Oreretako gazteek gauza bera pentsa dezakete. Are zamatsuagoa... [+]


2018-06-10 | Jakes Bortairu
Notre-Dame-des-Landes

NDDL bezala ezagutua den Nantes aldeko herri txikian 50 urtez aireportu proiektu baten kontrako borroka iragan da, bereziki azken hamarkadan. 2009tik goiti ingurumen eta bertako laborarien defentsari klima aldaketaren problematika gehitu zitzaion, eta oro har, produkzio-modu kapitalistaren erabateko kritika. Hasieran mobilizatu ziren jendarteko eragile desberdinei, beste sektore erradikalago batzuk lotu zitzaizkien proiektua oztopatzeko. Borrokaren dinamikak mikro-jendarte alternatiboa sortu... [+]


2018-05-22 | ARGIA
Notre-Dame-des-Landesen gertatzen dena filmatzeko deia egin dute zenbait zinegilek

Adele Haenel, Philippe Garrel, Victor Erice eta Aki Kaurismaki dira Notre-Dame-Des-Landesko ZADean gertatzen denaren irudiak filmatu, landu eta zabaltzea eskatu duten zinegileetako batzuk, “imaginario berriak eraikitzeko borrokatzen den leku erreal bat delako”.


2018-05-17 | ARGIA
Notre-Dame-Des-Landesko ZADean jendarmeek ekin diote bigarren erasoari

Atzo Matti Txintxurretak aurreratu bezala, ostegun goizean ekin diote jendarmeek Naoned-Nantes inguruko ZADa hustutzeko bigarren erasoari, agintariek iragarri dutenez bihar amaitu nahi duten operazioari.


2018-05-08 | Euskal Irratiak
ZAD gunearen alde Amankomunak taldea sortu dute

ZAD-eko borrokaren aldarria, hots, Notre Dames de Landeseko aireportu proiektuaren kontra Breitainian izan den mugimenduak Euskal Herrian ere badu oihartzun.


ZAD
Erresistentzia beltza eta koloretsua

Bretainiako Notre Dame des Landes-eko aireportuaren aurkako borroka luzea da, ia 50 urtekoa. Ingurune natural nasaia suntsituko zuen proiektua geldiaraztea lortu dute ekintzaileek. Garaipen historikoa da inondik inora, baina horrekin batera gerra deklaratu dio Frantziako Gobernuak hainbeste urtez ZADen eraikitako bizi-proiektu komunalari. Gaur gaurkoz Macronek bidalitako 2.500 jendarmeek ez dute lortu erresistentzia gunea desegitea. Itziar Bardajik egunotan ZADen ikusi eta bizi izandakoa... [+]


Azkenak
EGILEA
Eguneraketa berriak daude