Notre-Dame-Des-Landesko ZADean jendarmeek ekin diote bigarren erasoari

  • Atzo Matti Txintxurretak aurreratu bezala, ostegun goizean ekin diote jendarmeek Naoned-Nantes inguruko ZADa hustutzeko bigarren erasoari, agintariek iragarri dutenez bihar amaitu nahi duten operazioari.

ARGIA @argia
2018ko maiatzaren 17a

Emmanuel Macronen gobernuak Naoned-Nantes inguruetan urtez luzez saiatutako aireportu berri handiari uko egitea izan da denbora luze honetan Defenditu Beharreko Gune hau (Zone A Defendre, ZAD) sortu, landu eta babestu dutenen garaipena. Ordaina izan da bertan eraikitako etxalde guztiak hustu eta desegiteko eman zuela gobernuak. Apirilean egin zuten 2.500 jendarmek lehenbiziko saioa, aurrean aurkituz erresistentzia tematia.

Aste labur batzuetako hala moduzko su-eten baten ostean dator oraingo bigarrena. Egun horietan gobernuak ZADeko okupatzaileei eskaini die irtenbide malkartsu bat: alde batetik, aireportua egiteko desjabetzea onartu ez zuten baserritar historikoei onartuko zien bertan segitzeko eskubidea eta geroztik etorritako beste guztiek nork bere proiektua aurkeztu beharko zuen egun oso gutxiko tartean. Hauetako gehienak saiatu dira proiektuak aurkezten baina badira irtenbide hori tranpatzat jo eta bertan segitzea deliberatu dutenak. Horien etxaldeak hustu eta suntsitzera sartu da ostegun goizean berriro ere 1.700 jendarmez osatutako oldea.

Lehen erasoaldian baino erresistentzia ahulagoa aurkitu dute militarrek beren aurrean. Aldiz, aurrekoan erabilitako munizio oso bortitza ari dira orduotan ere usatzen: ke negar-eraileez gain leherkaria daramaten granada durduzagarriak eta beste. Gizarte mugimendu asko ari dira agintariei eskatzen erasoa geldi dezaten eta hustu nahi dituzten hamar etxaldeetako biztanleei beren proiektuekin aurrera jarraitzen utz diezaieten.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: ZAD  |  Bretainia

ZAD kanaletik interesatuko zaizu...
2018-09-11 | Amaia Lekunberri
Estrasburgoko ZAD gunea hustu du Frantziako poliziak

Astelehen goizaldean eta istilu ugari tarteko, jendarmeek jendea kanporatu dute Kolbsheim-eko (Frantzia) basoan dagoen ZAD gunetik.


2018-07-02 | Nahia Ibarzabal
Aman Komunak sareak deialdia egin du udan ZADera joateko

Udan ZADen egingo den auzolanean eta nazioarteko topaketetan nahi duen orok parte hartu dezake. Izen ematea zabalik dago.


Errepresioaren dimentsio neurtezinak

Notre-Dame-des-Landesko ZADen, jendarmeen eta ekintzaileen arteko istiluetan, gazte batek eskua galdu zuen. Anputatua, guztiz, poliziak legalki erabiltzen duen granada batek lehertua. Burura etorri zitzaidan zeinen zaila izan daiteken erantzukizuna bere tokian kokatu eta mantentzea: zer egiten nuen nik istilu haietan, jakin behar nuen non sartzen nintzen, ez nuen arriskua ondo neurtu.

Iruñeko istiluetan iaz atxilotutako Oreretako gazteek gauza bera pentsa dezakete. Are zamatsuagoa... [+]


2018-06-10 | Jakes Bortairu
Notre-Dame-des-Landes

NDDL bezala ezagutua den Nantes aldeko herri txikian 50 urtez aireportu proiektu baten kontrako borroka iragan da, bereziki azken hamarkadan. 2009tik goiti ingurumen eta bertako laborarien defentsari klima aldaketaren problematika gehitu zitzaion, eta oro har, produkzio-modu kapitalistaren erabateko kritika. Hasieran mobilizatu ziren jendarteko eragile desberdinei, beste sektore erradikalago batzuk lotu zitzaizkien proiektua oztopatzeko. Borrokaren dinamikak mikro-jendarte alternatiboa sortu... [+]


2018-05-23 | ARGIA
ZAD gunea defendatzen ari zen lagun batek eskua galdu du jendarmeen granada bat lehertu zaiolako

Pertsona bat larri zauritu dute asteartean Notre-Damde-des-Landeseko ZADean, jendarmeek erabilitako granaden erruz.


2018-05-22 | ARGIA
Notre-Dame-des-Landesen gertatzen dena filmatzeko deia egin dute zenbait zinegilek

Adele Haenel, Philippe Garrel, Victor Erice eta Aki Kaurismaki dira Notre-Dame-Des-Landesko ZADean gertatzen denaren irudiak filmatu, landu eta zabaltzea eskatu duten zinegileetako batzuk, “imaginario berriak eraikitzeko borrokatzen den leku erreal bat delako”.


2018-05-08 | Euskal Irratiak
ZAD gunearen alde Amankomunak taldea sortu dute

ZAD-eko borrokaren aldarria, hots, Notre Dames de Landeseko aireportu proiektuaren kontra Breitainian izan den mugimenduak Euskal Herrian ere badu oihartzun.


ZAD
Erresistentzia beltza eta koloretsua

Bretainiako Notre Dame des Landes-eko aireportuaren aurkako borroka luzea da, ia 50 urtekoa. Ingurune natural nasaia suntsituko zuen proiektua geldiaraztea lortu dute ekintzaileek. Garaipen historikoa da inondik inora, baina horrekin batera gerra deklaratu dio Frantziako Gobernuak hainbeste urtez ZADen eraikitako bizi-proiektu komunalari. Gaur gaurkoz Macronek bidalitako 2.500 jendarmeek ez dute lortu erresistentzia gunea desegitea. Itziar Bardajik egunotan ZADen ikusi eta bizi izandakoa... [+]


Zone À Défendre

Notre-Dame-des-Landes herrian, Nantesko aireportutik hogei kilometrora, beste aireportu bat eraikitzeko proiektua diseinatu zen 60ko hamarkadan. Aurkari ugari izan ditu asmoak orduz geroz –ez zen alferrik pasa 68ko maiatza laborari-lur haietatik–. Berrogei urte pasatxoko borrokaldiaren ondoren, bestelako bideak agortuta, lurrak okupatzea erabaki zuten zenbait ekintzailek orain dela hamar urte. Laborantza eremuak berrartu, bizikidetza eredu bat eraiki, lan egin, iraun.

2012an... [+]


Azkenak
EGILEA
Eguneraketa berriak daude