Emakumeak borrokan

G7 gailurra: borroken eta alternatiben bateratzearen alde

  • 2018ko urtarrilaren 17an, frantses gobernuak Notre-Dame-des-Landesko aireportu proiektuaren bertan behera uztea iragarri zuen. Hamarkadetan burutu erresistentziari esker lortu garaipena izan zen hura.

Camille Laforet
2019ko apirilaren 04a

Bertan behera geratze hau lortzeko antolatu ehunka bilkuretan eta hitzorduetan, denek gauza asko ikasi ditugu. Agertu estrategia, ideologia baita ezadostasun ugariek afera konplexua eta aberatsa bilakatu dute. Garaipena tendentzia edo korronte zehatz bateko inork ezin du bere egin, kolektiboa izan delako. Nekazari historikoek, naturalistek, zadistek, bertako eta urruneko militanteek, sindikalistek, juristek... Elkarrekin geldiarazi genuen proiektu kapitalista eta klimatizida hau. Gaur, denak ados gara errateko indarren batuketak eta taktiken aniztasunak dituela aireportuaren aldeko erabakitzaileak galgatu.

Urte bereko azaroaren 17an, sare sozialetan, erregaien zergen igotzearen kontra protestatzeko hedatu mezu batek bazterrak harrotu zituen. Jaka horien mugimenduak, ohituraz kanpokoak eta gurpil askean ibilki, botere politikoa krisian jarri du eta epe luzera egituratzen saiatzen dabil. Borroken eta alternatiben bateratzea, azken urte hauetan hainbat kolektibok eta erakundek plazaratu gogoa, leku askotan ageriko beharra bilakatu da eta baseek horretara tiratzen dute.

Aurten, abuztuaren 24tik 26ra, Biarritz ikusgarri ilun baten lekukoa izango da. Macronen gobernantza ekonomiko liberala eta autoritarioa gero eta gutxiago onartua bada ere, azken honek beste sei estatuburu gomitatuko ditu Trump AEBetako liderraren inguruan, liberalismo ekonomikoaren munduko gailurrera. Denek ikusten ditugu hautu politiko horren efektu hazkundeak dakartzan ondorio suntsigarriak, biztanleen %99entzat baita planeta osoarentzat. Macronek, bere konplizeekin, klimari, jendeen eta herrien eskubideei, kapitalismoaren alternatibei, Euskal Herriko borroka independentistari kolpe berria eman nahi die. 15.000 poliziaz inguraturik, berriz ere aurpegira txistu egin nahi digute, errepresio indar basatien gibelean babesturik, guztien ongizatearen alde ari direla sinestaraziz.

Duela bi urte, Notre-Dame-des-Landes-ko ZADen eta Euskal Herriko kolektibo batzuen arteko loturak sakondu egin dira. Ambazada munduko herri eta borroken lotzeko etxola eraikitzeko burutu bi urteko auzolan, topaketa eta festek elkar ezagutza eta laguntzak bideratu dituzte. Auzolan berria iraganen da laster han, apirilaren 15etik 21era,  lauzak eta baldosak jartzeko.

Datorren udan, hirugarren ediziorako, aste intergalaktikoa Euskal Herrira lekutuko da. ZADen iragan aurreko bi edizioetan, lurralde urrunduetako ehunka lagunek hartu zuten parte, euren dinamika eta proiektuez trukatzeko. Beste hurbilketa batzuk sortu dira geroztik eta etorkizunean, Ambazada helburu komunak dituzten kolektibo militante eta kulturalei ireki lekua izanen da, ZADeko gune berezian : nahiz iaz kanporatze operazio bortitza jasan eta lurren atxikitzeko traba administratiboak ugaritu, elkarrekin bizi eta topaleku izaten segitu nahi duen gunean.

ZAD beti hor egonen da eta ez dugu abandonatuko ; ez ditugu ere gure adiskidantzak ahaztuko. Bertako oihanetik atera armazoi berria prestatzen ari gara Euskal Herrira ekartzeko, eta beste askok bezala, Euskal Herrian G7aren kontra prestatzen ari diren mobilizazioetan parte hartuko dugu. Nahiz eta ETAk armak utzi, errepresioak dirauen herrian, taberna batean gertatu liskarra urteetako kartzelatzea bilakatzen delarik, etxetik urrun dauden ehunka preso politikok kondena luzeak pairatzen dituztelarik.

Beraz, aurten, euskal hondartzen hegietara. Datorren urtean itzuliko gara gure ZADera. G7aren kontra, borroken bateratze eta aste intergalaktikoaren alde, zatozte Euskal Herriko indar biziak sostengatzera, abuztuaren 19tik 26ra.

Camille Laforet, Ambazadako kidea

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: G7ren aurkako mugimendua  |  Iritzia  |  Biarritz  |  G7  |  ZAD

G7ren aurkako mugimendua kanaletik interesatuko zaizu...
2019-05-17 | ARGIA
Macron Miarritzeko Herriko Etxera heldu da

Frantziako presidentea Emmanuel Macron eguerdian bildu da Euskal Elkargoko lehendakari eta Baionako auzapez Jean-René Etchegaray-rekin. Bileran, Miarritzeko Michel Veunac eta Angeluko Claude Olive auzapezak ere izan dira.


2019-05-15 | ARGIA
"G7an izango den errepresioari" aurre nola egin jakiteko tailerrak antolatu dituzte

Munduko aberatsenak Biarritzen bilduko dira abuztuan, eta G7 gailurra babesteko “frantses gobernuak matxinada soziala zanpatzeko erabiltzen dituen indar polizial eta judizialak indarrean jarriko ditu”, dio Aman Komunak sareak. Horren aurrean nola jokatu jakiteko tailerrak antolatu ditu.


2019-05-07 | ARGIA
Biarritzen egingo den G7ren bilerarako kontrol polizial bereziko eremua handitu du prefetak

Hasieran adierazitakoa baino handiagoa izango da zaintza bereziko perimetroa Biarritzen, G7ak abuztuaren 23tik 26ra Biarritzen egingo duen goi-bileran. Hala jakinarazi du Pirinio Atlantikoetako prefetak asteartean publiko egin duen oharrean.


G7aren kontragailurra, baimenarekin ala baimenik gabe

G7koenaren aitzinean, kontragailurra non egin negoziatzen ari dira G7 Ez plataforma eta Frantziako estatuko zerbitzuak. Mobilizaziorako deialdiak emendatzen ari dira.


2019-04-10 | ARGIA
Biarritz blindatzeko neurriak iragarri dituzte, G7aren bilkurak eragingo dituen protesten aurrean

Munduko zazpi potentzia ekonomiko nagusiak abuztuaren 24tik 26ra Biarritzen elkartuko dira G7aren bileran. Bestelako politiken aldeko eragileek hainbat mobilizazio iragarri dituzte, baina antolatzaileak ere ez daude geldirik: hauek dira Lapurdiko hiria prostesten aurka blindatzeko hartuko dituzten neurriak.


Desarmons-les kolektiboko kide bat atxilotu dute Euskal Herritik Pariserako trenean

Oldartu gazte dinamikak antolatuta hitzaldia eman zuen igandean Itsasun. Elkarretaratzea eginen dute atxiloketa salatzeko, gaur 18:30ean, Baionako San Leon itzulgunean.


2019-03-07 | Topatu.eus
Kutxazain automatikoak erabilgaitz utzi dituzte Bilboko gazteek, G7aren aurka

Larunbatean egin zuten ekimena Bilboko Alde Zaharreko kutxaizain automatiko guztietan. “Kapitalismoari aurre egiteko modu bakarra antolatzea eta borrokatzea delako, Bilboko eta Euskal Herriko txoko guztietako gazteriari antolatzeko deia luzatzen diogu, G7rik ez dugulako nahi ez hemen ez inon”.


2019-02-20 | Topatu.eus
G7aren aurkako Oldartu dinamika abiatu dute Ipar Euskal Herriko gazteek

“G7ko gailurra Miarritzen antolatzeak suposatzen duen inposaketa eta probokazioari aurre egiteko bildu gara gazteok”, adierazi dute.


G7 EZ, ez hemen, ez inon!

G7ren aurka mobilizatzera goaz sinbolizatzen duen mundua errotik aldatu behar delako lehenbailehen. Eta hori guk Donostiatik egin nahi dugu. Bestelako mundu horri Donostiatik egin nahi diogu gure ekarpena, beraiek inposatzen diguten hiri ereduari aurre eginez. Turismo aberatsari, Inditexi, kontsumo basatiari, metroari, abiadura handiko trenari, kulturaren komertzializazioari eta erdarei eskainitako beraien San Sebastiani guk Donostiarekin aurre egin nahi diogu, herritarren, komertzio txikien,... [+]


2019-01-29 | ARGIA
"G7 ez!" dinamika aurkeztu dute asteburuan Bizkaian

, eta abuztu amaieran Biarritzen munduko herrialde boteretsuenen goi gailurraren aurka egiteko dei egin dute.


Azkenak
EGILEA
Eguneraketa berriak daude