Estrasburgoko ZAD gunea hustu du Frantziako poliziak
Astelehen goizaldean eta istilu ugari tarteko, jendarmeek jendea kanporatu dute Kolbsheim-eko (Frantzia) basoan dagoen ZAD gunetik.
Estrasburgo mendebaldeko saihesbidearen (GCO) aurkako gunea da Moulineko ZADa. 2017 urtetik egon da okupatuta, Vinci enpresak aurrera eraman asmo duen errepideari bidea moztu asmoz. Astelehenean, baina, Frantziako poliziaren 500 agentetik gora bertaratu ziren eta hustu egin zuten eremua.
Reporterrek jakitera eman duenez, goizaldeko bostak bueltan sirena hotsak hartu zuen Kolbsheimeko basoa, jendarmeen bisita iragarriz. ZADeko kideak eta inguruko herrixketako hainbat lagunek basoaren ertzean hartu zuten tokia, eremua inguratuz. Lehen karga polizialen ostean, baina, ZADeko sarrerara erretiratu ziren.
Liskarrak hasi eta ordu betera, une batez giroa baretu zela aprobetxatuz, saihesbidearen aurkako borrokako kide bat polizia agenteengana hurbildu zen, beste zenbait kargu politikorekin batera, Dany Karcher Kolbsheimeko alkatea tartean. Negoziaketa saiakerak ez zuen arrakastarik izan ordea, eta liskarrak beste bi orduz iraun zuen. Poliziak zauritu eta gaseztatu zituenen artean Kamina Delli eurodiputatu ekologista;
Poliziaren ke negar-eragile eta kargei erresistentzia egiten jardun zuten bertan zeuden ekintzaileek, baina goizeko zazpiak bueltarako hustu zuten ZADa jendarmeek. Astelehen arratsaldean bertan manifestazioa egin zuten, eta polizia ostera ere oldartu egin zitzaien ekintzaileei.
Proiektuak zertan datzan
Estrasburgo mendebaldeko saihesbidearen proiektua 70eko hamarkadan jaio zen, eta ordutik hona eztabaida piztu du proiektuaren aurkari eta aldekoen artean. Hasiera batean alboratu egin zen proiektua, baina hogei urteren bueltan berriz mahaigaineratua izan zen.
Bi dira Vendenheim eta Duttlenheim arteko proiektuaren helburuak: Estrasburgo zeharkatzen duen A35 autobideko garraioa arintzea eta Europako iparraldetik hegoaldera doazen kamioien garraioa erraztea. Halabaina, proiektuaren aurkako ekintzaileek, zenbait ikerketa publikok, eta Naturaren Babeserako Kontseilu Nazionalak zein Biodibertsitate Agentziak publiko egindako iritzi negatiboek zalantzan jarri dituzte GCOaren ustezko onurak.
Eztabaidak eztabaida, abuztuaren amaieran proiektua onartua izan da eta saihesbidea egiteko obra lanak baimendu egin dira.
Angeluko amodioaren ganbaratik hurbil, Robert Alday etxegileak eraiki luxuzko erresidentzien aitzinean zazpi egunez eta sei gauez antolatu dugun okupazioak egoera bitxi zein adierazleak ekarri ditu. Baita perspektibak ere.
Richard Lizurey, 2018an Notre-dame-des-Landeseko Zad-aren ebakuazioko buru izan zen militarra izendatu du Edouard Philippe lehen ministroak koronabirusaren kudeaketaren ikuskatzaile Frantziako Estatuan. “Oso ona da krisien kudeaketan”, dio lehen ministrotik hurbil... [+]
Aurreko bi edizioetan nazioarteko topaketak Notre-Dame-des-Landeseko ZADen egin dira. Hendaian antolatu dira aurten, abuztuaren 21etik 23ra, G7aren aurkako ekimenekin bat eginez.
2018ko urtarrilaren 17an, frantses gobernuak Notre-Dame-des-Landesko aireportu proiektuaren bertan behera uztea iragarri zuen. Hamarkadetan burutu erresistentziari esker lortu garaipena izan zen hura.
Donazaharre, 1977. Berria-ko kazetaria da. ZAD bizi dutenen ahotik (Gatuzain / Txalaparta) liburuaren egilea: “ZAD ezagutu nuen EHZ-k antolatutako brigada batekin joan nintzelako. Garatzen ari ziren proiektuen baliabideek jakinmina sortu zidaten”.
Ambazadak nazioarteko etxola berriak eraikitzeko asmoa aditzera eman du eta horretarako brigada bat antolatu du. Auzolan ekimena Notre-Dame-des-Landes herriko ZAD gune autogestionatuan gauzatuko da apirilaren 15tik 21era bitartean.
Toki desberdinak bisitatuko dituzte, Maravillas gaztetxea (Iruñea) edo Errekaleor auzo okupatua (Gasteiz) horien artean. Urtarrilaren 26an egingo duten batzarrean ere parte hartuko dute.
Notre-Dame-des-Landes-ko ZAD Defendatu Beharreko Eremuaren inguruan liburua argitaratu du Iñaki Etxeleku kazetariak: “ZAD, bizi dutenen ahotik”. ZADaren inguruan dabiltzan profil ezberdineko pertsonei egindako elkarrizketetatik abiatuta idatzi du liburua.
Udan ZADen egingo den auzolanean eta nazioarteko topaketetan nahi duen orok parte hartu dezake. Izen ematea zabalik dago.
Notre-Dame-des-Landesko ZADen, jendarmeen eta ekintzaileen arteko istiluetan, gazte batek eskua galdu zuen. Anputatua, guztiz, poliziak legalki erabiltzen duen granada batek lehertua. Burura etorri zitzaidan zeinen zaila izan daiteken erantzukizuna bere tokian kokatu eta... [+]
NDDL bezala ezagutua den Nantes aldeko herri txikian 50 urtez aireportu proiektu baten kontrako borroka iragan da, bereziki azken hamarkadan. 2009tik goiti ingurumen eta bertako laborarien defentsari klima aldaketaren problematika gehitu zitzaion, eta oro har, produkzio-modu... [+]
Pertsona bat larri zauritu dute asteartean Notre-Damde-des-Landeseko ZADean, jendarmeek erabilitako granaden erruz.
Adele Haenel, Philippe Garrel, Victor Erice eta Aki Kaurismaki dira Notre-Dame-Des-Landesko ZADean gertatzen denaren irudiak filmatu, landu eta zabaltzea eskatu duten zinegileetako batzuk, “imaginario berriak eraikitzeko borrokatzen den leku erreal bat delako”.
Atzo Matti Txintxurretak aurreratu bezala, ostegun goizean ekin diote jendarmeek Naoned-Nantes inguruko ZADa hustutzeko bigarren erasoari, agintariek iragarri dutenez bihar amaitu nahi duten operazioari.
ZADeko gune okupatua husteko polizia-ekintzak abiatuko dira ostegunean, Frace3 hedabideak ministerioko iturriak aipatuz jaso duenez.