Gutxieneko pentsioa 1.080 eurora arte osatzeko EH Bilduk Eusko Legebiltzarrean egindako legez besteko proposamenak ez du aurrera egin, EAJk, PSEk eta PPk kontra bozkatu dutelako.
Pentsionisten etengabeko mobilizazioaren erdian, pentsio duinen inguruko eztabaida EAEko parlamentura iritsi da ostegunean. EH Bilduk proposatu 1.080 eurora arteko gutxieneko pentsio bat izateko neurriak hartzea, ordainsari eskasa jasotzen dutenei "progresiboki" laguntza igoaz. Horretarako Diru Sarrerak Bermatzeko Errentan aldaketak egitea iradoki du koalizio abertzaleak, errenta hori aipatu gabe nolanahi ere.
Eztabaida Madrilek eta Gasteizek dituzten eskumenen inguruan itzulinguruka ibili da ordea, eta EAJ, PSEk eta PPk poposamenaren kontra bozkatu dute azkenean. Amaia Arregi EAJko heledunak "demagogia populista" izatea egotzi dio EH Bilduri eta arazoa DSBE bidez ez dela konponduko adierazi du. Elkarrekin-ahal Duguk, bere aldetik, babestu egin du eskaria.
Legebiltzarraren kanpoaldean ehunka lagun bildu dira Euskal Herriko Eskubide Sozialen Aldeko Pentsionisten plataformak deituta.
LAB: "Gaur EAJ, PSOE eta PPk mozorroa kendu dute"
LABek prentsa ohar bidez bere haserrea azaldu du Eusko Legebiltzarrean hartutako erabakiarekin: "Konprobatu ahal izan dugu nola mespretxatu dituzten Euskal Herriko kaleetan protestak ari diren milaka pentsionista", adierazi du.
Sindikatuak gogorarazi du bigarren aldia dela pentsionistei "barre" egiten dietela etxe berean, 71.724 sinadurak aurkeztu zituztenean ere "lepoa eman" zietela esanez. Mobilizazioekin segi eta kalera ateratzeko deia egin du.
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.