Eusko Jaurlaritzak 114.000 euro gastatu ditu hiru Twitter konturen kudeaketan
Urtean 90.750 euro gastatzen ditu Eusko Jaurlaritzak Twitterreko kontu ofiziala kudeatzen. Enpresa pribatu bat arduratzen da horretaz. Hala ere, sailburuek eta organo independenteek beste aholkularitza enpresa bat izateko eskumena dute. Iñaki Arriola Etxebizitza eta Garraio sailburuek eta Pedro Azpiazu Ogasun sailburuek, esaterako, euren kontu pertsonalaz arduratzen diren enpresa bana dute. Orotara, 114.495,85 eurotakoa izan da hiru Twitter kontuen orain arteko kostua.
Eldiario.es-ek argitaratu duenez, @Gob_eus kontuaren kudeaketa Sociálitas S.L. aholkularitza enpresaren esku dago. Jaurlaritzak 90.750 euro ordaintzen dizkio enpresari agenda politikoa eguneratuta eramateagatik.
Ogasun sailburuak eta Garraio sailburuak kontratu berri dituzten zerbitzu berriak gain kostu bat dira, ez baitaude aurrekontu berean: Arriolak urtarrilean jarri zuen martxan bere Twitter kontu pertsonala. Cuatrobarras enpresak kudeatzen du, urtean 21.562,20 euroren truke. Abenduaren 19an 1.413 txio eta 593 jarraitzaile zituen: 15,25 euroko kostua du txio bakoitzak.
Prezioz garestiagoa da Ogasun sailburuaren zerbitzu berria: urtean 32.183,64 euroko kostua du Azpiazuk kontratatutako Sarean Sar enpresaren zerbitzuak. Azken datuen arabera, 2017ko azaroan 105 txio idatzi dituzte bere izenean, 885 jarraitzaile lortuz. Txio bakoitzak 25,54 euro balio ditu.
2013an Eusko Jaurlaritzak estrategia digitala zehazteko beharra ikusi zuen. Horretarako, bi kontratu sinatu zituzten, 78.000 euroko gastuarekin: bat EiTBko zuzendaritza batzordeko aditu batekin, planifikazioaren inguruko txosten bat jorratzearen truke; eta bigarrena, Sociálitas S.L. enpresa pribatuarekin. Sarea indartzeko asmoa ez zen hor geratu: departamentu bakoitzaren webgune ofizial eta Twitter kontuak sortzeagatik 173.329 euro gastatu zituen Jaurlaritzak 2014ko lehen hiru hilabeteetan.
Jaime Gómez-Obregón ingeniariak oso tresna baliagarria sortu du Jaurlaritzaren diru publikoaren erabileraz gehiago jakiteko. 2018tik 2022ra erakunde horrek hedabideen artean banatu dituen publizitate kanpaina guztien datuak prozesatu, aletu eta era ulergarrian... [+]
Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.
Euskarazko hedabideei euskara sustatzeagatik legez dagokien dirulaguntzak Eusko Jaurlaritzarekin negoziatzen luze aritu da Hekimen, Euskal Hedabideen Elkartea. Baina euskarazko komunikabideentzat lortutako dirulaguntza nahikoa ez den bitartean sektorea egonkortzeko, 6 milioi... [+]
Donostiako udalbatzak legegintzaldiko azken ikasturteari hasiera ematen dioten ondasunen aitorpena aurkeztu du Gipuzkoako Aldizkari Ofizialean. Donostiako alkateak eta zinegotziek adierazi dute 24 etxebizitza dituztela –jabetzan edo partekatutako titulartasunean–, 9... [+]
Eusko Jaurlaritzak uztailaren 5ean egindako Gobernu Bileran erabaki zuen Kultura eta Hizkuntza Politika sailaren bitartez 15.000 euroko diru-laguntza ematea Elkano Fundazioari.