ARGIA.eus

2022ko irailaren 25a

Zer ondasun dituzte Donostiako alkateak eta zinegotziek?

  • Donostiako udalbatzak legegintzaldiko azken ikasturteari hasiera ematen dioten ondasunen aitorpena aurkeztu du Gipuzkoako Aldizkari Ofizialean. Donostiako alkateak eta zinegotziek adierazi dute 24 etxebizitza dituztela –jabetzan edo partekatutako titulartasunean–, 9 garaje, 5 trasteleku, 2 pabiloi, 7 partzela eta 2 lokal, eta 22 ibilgailu autoen eta motorren artean.

Argazkia: Donostiako Udala
Irutxuloko Hitza @irutxulo  |  Xalba Ramirez @xalbaram
2022ko irailaren 22a
Albiste hau Irutxuloko Hitzak argitaratu du eta Creative Commons BY-NC-ND 4.0 lizentziari esker ekarri dugu.

Ondare higiezinaz gain, Gipuzkoako Aldizkari Ofizialean argitaratutako zerrendak honako hauek ere jasotzen ditu: Banku-gordailuak eta konturako ezarpenak, pentsio planak, akzioak, sozietateetako partaidetzak, hipoteka-zorrak edo mailegu pertsonalengatiko zorrak eta Ogasunaren 2021eko aitorpenen arabera sartutako kopuruak.

Donostiako zinegotzien ondasunak

Ondare-aitorpenean, Eneko Goia alkateak (EAJ) dio 77.068 euroko banku gordailua duela eta jabetzan etxebizitza, garajea, eta bi auto dituela, % 50ean; 318.209 euroko hipoteka-mailegua ere %50ean du. PSE-EEko bozeramaile Marisol Garmendiak ez du ez etxerik ez autorik, eta 52.000 euro ditu, pentsio-plan batean jasotako beste 18.489 euroez gain.

EH Bilduko Reyes Carrere antzeko ondare-egoeran dago –jabetzako etxebizitzarik gabe–, baina ibilgailu bat dauka eta, guztira, 1.294 euro dituela adierazi du kontu partekatu batean.

Borja Corominas Udaleko PPko bozeramailearen adierazpenean, % 45eko hiri-etxebizitza bat, 7.000 euro bankuan, proportzio bereko sozietateetako partaidetza bat eta bi ibilgailu, auto bat eta motor bat ageri dira. Aitzole Araneta Elkarrekin Donostiaeko bozeramaileak adierazi du 160.708 euro dituela kontuan, 16,15 euro akzioetan eta 20.316 euro pentsio-plan batean, baina ez higiezinen jabetzak.

26 zinegotzietatik lauk bakarrik adierazi dute udaleko postutik kanpo jardueraren bat dutela: Jaione Hervas (EAJ) Eusko Jaurlaritzako funtzionarioa da, Ricardo Burutaran (EH Bildu) abokatua da, Mikel Lezama (PP) entrenatzailea eta eski-prestatzailea da, eta Aitzole Aranetak (Elkarrekin Donostia) ikastaroak eta hitzaldiak ematen ditu. Gainera, PPko Jorge Mota pentsiodun gisa agertzen da.

Udaleko karguen artean, alde handia dago batetik bestera. Banku gordailuetan duten diruaren arabera, adibidez, Martin Ibabek (EAJ) 385.000€ dituela adierazi du, Markel Ormazabalek (EH Bildu) 500€ dituen artean.

Kargu publikoen ondasunen aitorpena Toki Araubidearen Oinarriak arautzen dituen 78/5 Legearen 75.7 artikuluan araututako nahitaezko izapidea da. Datu horiek udalaren webgunean ere argitaratzen dira, eta gardentasunaren atarian irakur daitezke; bertan, aurreko ekitaldietakoak ere gordetzen dira.

Udaleko alkate eta zinegotzien ondare-ondasunen aitorpena:

Eneko Goia (EAJ)

Higiezinak: etxebizitza bat (% 50) eta garaje bat (% 50). Banku-gordailuak eta kontuko ezarpenak: 77.068,67 euro (% 50). Pentsio-plana: 1.996,84 euro. Automobilak: Toyota Pirus/Mercedes Viano (% 50). Hipoteka: 318.209,24 euro (% 50). 2021eko PFEZ: 74.938,44 (zerga-oinarria).

Nekane Arzallus (EAJ)

Higiezinak: etxebizitza bat (% 50), industria-pabiloi bi (% 50), landa-lur bi (% 8,8) eta landa-lur bat (% 1,6). Banku-gordailuak eta kontuko ezarpenak: 78.665 euro. Beste ondasun higigarri batzuk: % 34ko partaidetza sozietate batean, 184 akzio sozietateetan. Pentsio-plana: 12.971,42 euro. Automobilak: Audi Q3/Mini Countryman eta Piaggio Vespa Medler motor bat 125. Hipoteka: 210.000 euro (% 50). 2021eko PFEZ: 66.878,80 euroko zerga-oinarria.

Juanra Viles (EAJ)

Higiezinak: etxebizitza bat, garaje bat eta trasteleku bat. Banku-gordailuak eta ezarpenak: 286.407,72 euro. Pentsio-plana: 2.800 euro. Ondare higigarria: egile-eskubideak, betearazle-eskubideak eta royalty-eskubideak. Automobila: BMW 1. saila. PFEZ 2021: 68.485,58 euroko zerga-oinarria.

Pilar Arana (EAJ)

Higiezinak: etxebizitza bat, garaje bat eta trasteleku bat. Banku-gordailuak eta kontuko ezarpenak: 143.000 euro. Akzioak: 6.000 euro. Pentsio-plana: 31.000 euro. 2021eko PFEZ: 70.881,18 euroko zerga-oinarria.

Aitziber San Roman (EAJ)

Higiezinak: bi etxebizitza (horietako bat % 80an). Banku-gordailuak eta kontuko ezarpenak: 17.446 euro (% 50). Pentsio-plana: 48.822,65 euro. 2021eko PFEZ: 70.893,12 euroko zerga-oinarria.

Martin Ibabe (EAJ)

Higiezinak: etxebizitza bat eta lursail bat. Banku-gordailuak eta kontuko ezarpenak: 385.000 euro. Akzioak: 99.570. Pentsio-planak: 145.000 euro. Automobila: BMW 330. Motor BMW RS100. PFEZ 2021: 66.906,59 euroko zerga-oinarria.

Jon Insausti (EAJ)

Higiezinak: etxebizitza bat. Banku-gordailuak eta kontuko ezarpenak: 55.540,52 euro. Pentsio-planak: 30.276,99 euro. Hipoteka: 104.685,38 euro. 2021eko PFEZ: 60.457,56 euroko zerga-oinarria.

Mariaje Idoeta (EAJ)

Higiezinak: landa-lurra (% 25). Banku-gordailuak eta kontuko ezarpenak: 29.058,78 euro. Bizi-aseguruak: 130.000 euro. Mailegu pertsonala: 4.988,77 euro. 2021eko PFEZ: 45.073,20 euroko zerga-oinarria.

Jaione Hervas (EAJ)

Higiezinak: etxebizitza bat (% 50). Banku-gordailuak eta kontuko ezarpenak: 10.500 euro (% 50). Sozietate-partaidetzak: % 50. Pentsio-planak: 7.415,75 euro. Automobila: Seat Ibiza. 2021eko PFEZ: 34.357,40 euroko zerga-oinarria.

Marisol Garmendia (PSE-EE)

Banku-gordailuak eta kontuko ezarpenak: 52.000 euro. Pentsio-plana: 18.489 euro. 2021eko PFEZ: 61.962,92 euroko zerga-oinarria.

Duñike Agirrezabalaga (PSE-EE)

Higiezinak: etxebizitza bat eta bi merkataritza-lokal (horietako bat % 33,3an). Banku-gordailuak eta kontuko ezarpenak: 10.200 euro. Pentsio-plana: 150.000 euro. Automobilak: Seat Toledo TDI/Peugeot 106 Sport. Hipoteka: 138.000 euro. 2021eko PFEZ: 63.434 euro.

Miguel Angel Diez (PSE-EE)

Higiezinak: etxebizitza bat (% 50), lau garaje (% 50) eta trasteleku bat (% 50). Banku-gordailuak eta kontuko ezarpenak: 114.000 euro (% 50). Akzioak: 59.655,64 euro (% 50). Pentsio-plana: 43.169 euro. Automobila: Mercedes DCL 250 Automatic (% 50). 2021eko PFEZ: 57.022,15 euroko zerga-oinarria.

Cristina Lagé (PSE-EE)

Higiezinak: etxebizitza bat. Banku-gordailuak eta kontuko ezarpenak: 2.000 euro. Akzioak: 117.000 euro (% 39). Automobila: Renault Scenic. Hipoteka: 143.000 euro. Higiezina konpontzeko mailegua: 10.000 euro. PFEZ 2021: 44.064,76 euroko zerga-oinarria.

Ane Oyarbide (PSE-EE)

Higiezinak: etxebizitza bat (% 33,3), trasteleku bat (% 33,3) eta garaje bat (% 33,3). Banku-gordailuak eta kontuko ezarpenak: 38.000 euro (horietatik 14.000 % 50ean). Bizi-asegurua: 3.900 euro. Pentsio-plana: 8.238,25 euro. Ibilgailua: Fiat 500 1.2 Lounge 69cv. Hipoteka: 399.247,07 euro (% 50). 2021eko PFEZ: 31.066,54 euroko zerga-oinarria.

Reyes Carrere (EH Bildu)

Banku-gordailuak eta kontuko ezarpenak: 1.294,11 euro (% 50). Automobila: Opel Zafira. 2021eko PFEZ: 65.844,54 euroko zerga-oinarria.

Markel Ormazabal (EH Bildu)

Higiezinak: landa-lurra (1/6). Banku-gordailuak eta kontuko ezarpenak: 500 euro. Beste ondasun higigarri batzuk: egile- eta betearazle-eskubideak. 2021eko PFEZ: 35.265,47 euroko zerga-oinarria.

Ricardo Burutaran (EH Bildu)

Higiezinak: etxebizitza bat (% 50). Banku-gordailuak eta kontuko ezarpenak: 72.700 euro (% 50). Pentsio-plana: 41.836,88 euro. Automobila: Opel Insignia GS XFT Innovation (% 50). Hipoteka: % 50. 2021eko PFEZ: 40.582,38 euroko zerga-oinarria.

Olaia Duarte (EH Bildu)

Higiezinak: etxebizitza bat. Banku-gordailuak eta kontuko ezarpenak: 1.287,18 euro. Bizi-asegurua: 141.395,60 euro. Pentsio-plana: 988 euro. Hipoteka: 141.883,80 euro. 2021eko PFEZ: 36.149,76 euroko zerga-oinarria.

Zigor Etxeburua (EH Bildu)

Higiezinak: etxebizitza bat (% 50). Banku-gordailuak eta kontuko ezarpenak: 51.184,97 euro (% 50). Pentsio-plana: 3.576,19 euro. Automobila: Opel Combo 1.3 CDTI Tour (% 50). Motorra: Peugeot LXR 125 (% 50). Hipoteka: 50.162,75 euro (% 50). 2021eko PFEZ: 30.783,13 euroko zerga-oinarria.

Garbiñe Alkiza (EH Bildu)

Higiezinak: etxebizitza bat (% 50). Banku-gordailuak eta kontuko ezarpenak: 12.500 euro. Istripu-asegurua. Automobila: Opel Vivaro. Hipoteka: 99.405,83 euro (% 50). 2021eko PFEZ: 31.111,54 euroko zerga-oinarria.

Borja Corominas (PP)

Higiezinak: etxebizitza bat (% 45). Banku-gordailuak eta kontuko ezarpenak: 7.000 euro. Sozietateetako partaidetza: % 45. Automobila: Renault Space. Motoa: Honda Scoopy. 2021eko PFEZ: 65.463 euroko zerga-oinarri orokorra.

Mikel Lezama (PP)

Banku-gordailuak eta kontuko ezarpenak: 13.000 euro. Akzioak: 2.689,70 euro. Automobila: Subaru Impreza. Hipoteka-mailegu ez-zorduna. 2021eko PFEZ: 36.093,87 euroko zerga-oinarria.

Jorge Mota (PP)

Higiezinak: lau etxebizitza (% 50ean, % 33,3, % 13,99 eta % 13,99), garaje bat (% 50) eta landa-lur bat (% 33,33). Banku-gordailuak eta kontuko ezarpenak: 132.400 euro (% 50). Bizi-aseguruak: 95.788,84 euro. Pentsio-plana: 23.365,76 euro. Automobila: Peugeot 3008 GT Line. Motorra: SYM Joymax 125. Hipoteka: 107.784,26 euro. Ibilgailuaren finantzaketa: 15.000 euro. 2021eko PFEZ: 34.977,08 euroko zerga-oinarria.

Aitzole Araneta (Elkarrekin Donostia)

Banku-gordailuak eta kontuko ezarpenak: 160.708,42 euro. Akzioak: 16,15 euro. Pentsio-plana: 20.316,19 euro. 2021eko PFEZ: 49.433,65 euroko zerga-oinarria.

Haizea Garay (Elkarrekin Donostia)

Higiezinak: bi etxebizitza (% 50) eta garaje bat (% 50). Banku-gordailuak eta kontuko ezarpenak: 26.858,76 euro. Automobila: Citroen C4 Grand Picasso. 2021eko PFEZ: 35.992,80 euroko zerga-oinarria.

Marta Huarte (Elkarrekin Donostia)

Banku-gordailuak eta kontuko ezarpenak: 8.500 euro. 2021eko PFEZ: 34.721,65 euroko zerga-oinarria.

Kanal hauetan artxibatua: Donostia  |  Gardentasuna

Donostia kanaletik interesatuko zaizu...
2022-09-25 | June Fernández
Río Paraná, kuir artista antikolonialak
“Kolonizazioaren biktimak ohoratzen ditugu, ez heroi irabazlea”

Katalina/Antonio Erausoren ahotsa eta aurpegia ezagutzen ditugu, baina ez dakigu ezer bera moduko kolonoek sarraskitutako eta esklabo bihurtutako genero-disidenteei buruz. Lapurtutako memoria eta duintasuna berreskuratzeko artxibo historikoetan murgiltzea da Rio Paraná-ren... [+]


2022-09-25 | June Fernández
Moja Alferezaren ikonoa, eztabaida trans eta antikolonialerako akuilu

Erauso, Katalina (Moja alfereza deitua). Gipuzkoar abenturazalea”. 1603. urtean, nerabe izanda, komentutik alde egin eta, geroztik, gizonezko jantziekin bizi izan zela kontatzen digu Lur Entziklopediak. Ameriketan gizon zuriekin izan zituen liskarrak eta horiek eragin... [+]


2022-09-25 | June Fernández
Erauso, gure buruaren ispilu

Mercedes Azpilicueta jatorri euskalduneko artista argentinarrak Londresen aurkeztu zuen joan den urtean Bondage of Passions erakusketa. Katalina/Antonio Erausoren historiatik tiraka, kolonialismoaren eta generoaren performatibitatea landu zituen han oihalgintzaren bidez.


2022-09-22 | Ixone Santamaria
Donostia Zinemaldia. 6. eguna
Londresen parranda, Norvegian ajea



Irakurrienak
Argia buletina
Egunaren laburpena
zure e-postan
Eguneraketa berriak daude