Euskal Herrian inoiz epaitu den ustelkeria kasu handienetakoa da De Miguel auzia. Besteak beste, dirua zuritu, legez kanpoko komisioak jaso eta hirigintza operazioekin iruzurra egitea egozten diete Alfredo de Miguel Arabako EAJko buruzagi ohiaz gain auzipetutako beste 25 laguni, horietako asko alderdi jeltzaleari oso lotuak. Ikusteke dago euskal Gürtelak zer faktura ekarriko duen, baina Sabin Etxean aspaldi ari dira altzariak estaltzen alderdia ahalik eta gutxien zipriztintzeko.

Administrazio publikoan lanean ari diren hainbat laguni antzeko komentarioa aditu izan diet azkenaldi honetan: “Gure zerbitzuak gainezka daude”. Pentsatzekoa da egoera ez dela bera erakunde edota arlo guztietan; nolanahi ere, joera orokor samarra dirudi eta, krisiak utzitako orbain itxi gabeak tarteko, lanez lepo aritzea ohiko errealitate bihurtu zaie hainbat langile publikori. Gainera, kasu frankotan, langile horiek bitartekoak dira, interinoak.

Sindikatuen lelo ezagunak... [+]

Publizitate instituzionalen eta babesletzen bidez, zein komunikabidek jasotzen du diru gehien eta zein dira bazterrean geratzen direnak? Zein dira banaketarako irizpideak? Gipuzkoako Aldundiaren kasua aztertu du ARGIAk, datu publikoak ematen hasi baita –bera da bakarra–. Aperitibo gisa: diru gehien El Diario Vasco egunkariari eman zion iaz ere Aldundiak, 399.075 euro; eta konparaziorako, ARGIAri 4.293, ia ehun aldiz gutxiago. Herritarren ezagutzatik urrun, diru publikotik ehunka... [+]

Espainiako Kontuen Auzitegiak zalantzan jarri du alderdi politikoek segurtasunerako jasotzen duten diru publikoa, ETAren amaieraren ondoren.

Hiriko auto elektrikoa sustatu zuen konpainiako arduradunak enpresaren kiebraren erruduntzat jo ditu Gasteizko merkataritza-epaitegiak. Jesus Echave, Iñigo Antia, Jose Luis Bengochea eta Fernando Achaerandiok 530.000 euroko indemnizazioa ordaindu beharko diete hartzekodunei.

Urtean 90.750 euro gastatzen ditu Eusko Jaurlaritzak Twitterreko kontu ofiziala kudeatzen. Enpresa pribatu bat arduratzen da horretaz. Hala ere, sailburuek eta organo independenteek beste aholkularitza enpresa bat izateko eskumena dute. Iñaki Arriola Etxebizitza eta Garraio sailburuek eta Pedro Azpiazu Ogasun sailburuek, esaterako, euren kontu pertsonalaz arduratzen diren enpresa bana dute. Orotara, 114.495,85 eurotakoa izan da hiru Twitter kontuen orain arteko kostua.

Astelehenean onartu zuten Eusko Legebiltzarraren aurrekontua EAJ, PSE eta PPk. Aurten ere mantenduko dute parlamentariei kultur ekitaldietako sarrerak erosteko 25.000 euroko partida.

Kutxa Fundazioa Tabakaleran edukitzen ari den jarrera “guztiz desegokia” salatu du EH Bilduk. Finantza erakundea ia bi urtez ezer ordaindu gabe egon da kultura garaikideko zentroan, Amaia Almirallek salatu duenez.

Bizkaiko Batzar Nagusietako Ahal Duguren taldeak jakinarazi eta eldiario.es-ek zabaldu duenez, Bizkaiko Foru Aldundiko sozietate publiko bik –Interbiak eta Azpiegitura– 111 milioiko likidazioak ordaindu behar izan dizkiete hainbat bankuri, 2006an egindako swap kontratuen ondorioz. “Zulo” horren zatirik handiena Interbiaki dagokio Ahal Duguren esanetan: ia 105 milioi euro.     

2014ko maiatzaren 28an, NBC telebista kate estatubatuarrak 40 minutuko elkarrizketa zabaldu zuen Edward Snowden CIA eta NSA agentzietako kide ohiarekin. Elkarrizketa astebete lehenago grabatu zen Moskun —grabazioa bost ordutan egin zen, hotel batean—, eta bertan Snowden-ek defendatu egin zuen salatu izana AEBetako gobernuak ezarritako zaintza masiboko programak.

Brian Williams kazetariak egin zuen elkarrizketa, NBC Nightly News albistegiko aurkezlea, eta bertan, Snowden-ekin... [+]