Murga Osasun sailburua Osakidetzako iruzurraren jakinaren gainean egoteak “ez du garrantzirik” Jaurlaritzarentzat
“Testigantza horrek ez du garrantzi penal edo politikorik”, adierazi du Josu Erkoreka Eusko Jaurlaritzako bozeramaileak Izaskun Obieta kardiologoaren deklarazioaren harira. Oposizioaren ustetan argi geratu da, berriz ere, Osakidetzak eta Eusko Jaurlaritzak iruzurra argitzeko borondaterik ez dutela.
Lan-eskaintza publikoen iruzurren inguruko informazio berria argitaratu du asteartean eldiario.es agerkari digitalak. Osakidetzak abiatutako barne ikerketan Izaskun Obieta kardiologoak egindako deklarazioak argitara atera dira. Azterketen filtrazioak gauza jakina zirela eta Nekane Murga egungo Osasun Sailburuak horren berri bazuela adierazi du Obietak.
Eusko Jaurlaritzak garrantzia kendu dio informazioari, eta Obietaren sinesgarritasuna auzitan jarri du. “Egia balitz ere, ez du ezertarako balio”, adierazi du Josu Erkoreka bozeramaileak Obieta eta Murgaren arteko elkarrizketaren harira. Orain 15 urteko elkarrizketa litzatekela azpimarratu du Erkorekak, eta orduan ez Murgak eta Obietak ez zutela ardura politikorik. Aldi berean, Obietaren aurka egin du Eusko Jaurlaritzako bozeramaileak: “Iruzurra jende guztiak ezagutzen bazuen, Osakidetzan postua duen pertsona batek agian motiboak ditu azaltzeko nola sartu zen bertan. Agian lehen eskuko informazioa dauka”.
Oposizioa, kontu eske
"Murgak sinesgarritasun guztia galdu du eta ezin du Osakidetzako irregulartasunen ikerketa zuzendu", adierazi du EH Bilduko Rebeka Ubera legebiltzarkideak. Haren esanetan, lehendakariak eta Osasun sailburuak ezin dute ez-ikusiarena egin.
Elkarrekin-Podemosetik, Cristina Macazagak “ustelkeria” berriz ere agerian geratu dela adierazi du. Osakidetzaren jarrera ere kritikatu du, fiskaltzari eta Arartekoari “informazio osatu gabea, editatua eta okerra” emateagatik. Ostiralean Gobernuaren kontrol saioa dago Gasteizko Legebiltzarrean, eta bi alderdiek Murga sailburua interpelatzeko asmoa adierazi dute. PPko Laura Garridok esan du Murgak ostiralaren aurretik azalpenak eman behar dituela.
LAB sindikatuaren ustetan ezaguna zena baieztatu da berriz ere: "Osakidetzak ukatu arren, jakina da oposizioetan azterketak aurrez ematen zirela, eta hori Osakidetzako eta Osasun Saileko arduradunek ere bazekiten". Edonola ere, sailburu berriak “sistema ustel” honekin amaitzeko aukera duela nabarmendu du.
Belen Greaves, ikerketa barne mailan ixtearen alde
Eldiario.es agerkari digitalak Osakidetzaren barne ikerketarren audio berriak ere argitaratu ditu asteazkenean. Bertan, besteak beste, ikerketaren buru den Belen Greavesen zenbait adierazpen entzun daitezke.
Greavesek ikerketa barne mailan ixteko desioa azaltzen du audioetako batean. Iruzurraren inguruko berriek Osakidetzaren irudiari egiten dioten kalteez ere kexu da. Greaves Osakidetzako abokatua da egun. Aurretik EAJren Euzkadi Buru Batzarreko idazkaria eta Eusko Jaurlaritzaren Merkataritza, Kontsumo eta Turismo sailburu izan zen, besteak beste.
Erradiodiagnostikoko teknikari espezialistaren eta farmaziako laguntzailearen deialdietan hainbat galdera baliogabetu dira. Horiekin batera, joskintzako ofizialaren eta teknikari informatikoen azterketetan arazoak azaldu dira.
Arabako Auzitegiak atzera bota du LABen errekurtsoa. Hala ere, sindikatuak “aukerak” ikusten ditu epaiketa baterako.
Sindikatua pozik agertu da epaileak ikerketa sei hilabetez luzatzea onartu duelako, baina autoari ebazpena jarriko dio "autoa hobetzeko eta defentsen ekintzak baliogabetzea eragozteko".
3.535 lanpostuko eskaintza egiteko asmoa adierazi du Gotzone Sagardui Osasun sailburuak. ELA sindikatuak, ordea, kritikatu du behin-behineko langileak 24.600 direla eta ez dela “arazoa konponduko”. 9.000 langilek gutxienez zortzi urte daramate aldi baterako... [+]
LAB sindikatuak irailaren 1ean egin zuen eskaera auto bidez. Instrukzio auzitegiak Darpón eta Mugika aztertzea errefusatu du, baina hainbat espezialitatetako beste bederatzi kide ikertuko ditu. Auzia 2022ko urtarrilaren 29ra arte luzatuko da.
Osakidetzako 2018ko oposizioetan atzeman dituzten irregulartasunen sokari tiraka, azterketara aurkeztu ziren beste 30 mediku eta epaimahaikide jardun zuten bi bokal inputatzeko eskatu du ESK sindikatuak. Hainbat froga aurkeztu dituzte eta leporatu diete erantzunak aurrez eskatu... [+]
Anestesista espezialitaterako lan eskaintza publikoan azterketen filtrazioengatik “onurak” jaso zituztela, susmoa du sindikatuak. Datozen egunetan 24 lagunek epaitegietan beren lekukotza emango dute Osakidetzako 2016-2017ko lan eskaintza publikoan jazotako iruzur... [+]
Irailaren 1etik 7ra 16 lagun epaile aurretik igaroko dira lekuko gisa, 2018ko Osakidetzako oposizioetan izandako ustezko irregulartasunak ikertzeko abiaturiko auziaren barruan.
Epaileak ikerketapean zegoen Neurokirurgia arloko presidentea inputatu du, eta hogeita lau lekuko deklaratzera deitu.
Ituarte EAJ alderdiarekin Santurtziko alkate izatera iritsi zen. Ondoren, Osakidetzan aritu zen lanean, arduradun ekonomiko bezala. Bere anaiak 2018ko oposaketan, anestesia arloan, azterketa praktiko perfektua egin zuen 100 puntu lortuz. 2019ko urtarrilan, Osakidetzako bere... [+]
Aurtengo martxoan dimititu zuen Jon Darpon Eusko Jaurlaritzako Osasun sailburuak, Osakidetzako oposizioetan detektatutako irregulartasunak medio. Ondoren, enpresa pribatura pasa zen. Orain, Darpon "fitxatu" zuen enpresak eta haren ingurukoek jasotako diru publikoa... [+]
Gasteizko Santiago ospitalean, 2016tik “gastuen bikoizketa” egon dela jakinarazi du sindikatuak, ikerketa batean oinarrituta.
Marta Machok, Osakidetzako oposizioen iruzurra salatu zuenetariko batek, jakinarazi du formula berriak zaharrak baino kontrol gehiago eman diezaiekeela zerbitzu-buruei.
Alderdi Popularraren abstentzioa salbu, gainerako talde politikoek babestu dute EH Bilduk mahai gainean jarritako proposamena.