Eusko Jaurlaritzak B eredua sortuko du Lanbide Heziketan

  • Derrigorrezko Bigarren Hezkuntzan, A, B eta D ereduak daude, eta D eredua da nagusi. Lanbide Heziketara jauzi egindakoan ordea, D eredura baino A eredura jotzen dute ikasleek. Horixe Patxi Baztarrika Hizkuntza Politikarako sailburuordeak B eredua sortzeko emandako argudioetako bat, helburua euskarazko irakaskuntza sustatzea baita.


2014ko urriaren 3a - 07:00
Azken eguneraketa: 2015-02-26 13:37
Lanbide Heziketako ikasleen hiru laurdenak A eredua aukeratu zuen iazko ikasturtean. Argazkia: Dani Blanco.
Zure babesik gabe independentzia ezinezkoa zaigu

2013-2014 ikasturtean, Derrigorrezko Bigarren Hezkuntzan, ikasleen %61,3k ikasi zuen D ereduan, %26,75ak B ereduan eta %11,3k A ereduan. Ikasturte berean, Lanbide Heziketako datuak ondokoak dira: A ereduan %75 eta D ereduan %23,4. Hasi berria den ikasturteko datuen arabera, ikasleen %27ak aukeratu du D eredua; iazkoarekin alderatuta hazkundea %12,5ekoa da.

HPSko sailburuordeak emandako azalpenen arabera, gazteak DBHn hiru ereduetan aritzen dira, eta Lanbide Heziketarako pausoan gehienek A eredura jotzen dute, bai DBHn A ereduan ibilitakoek, bai B eredukoek, baita D eredukoek ere. Baztarrikak dioenez, “lan mundurako hizkuntza gisa euskara prestigiatzea beharrezkoa dugu, eta euskarazko irakaskuntzaren eskaintza areagotzea”.

Eusko Jaurlaritzak legealdi honetan Euskadiko Lanbide Heziketako Legea aurkeztuko du eta hor kokatuko du B ereduaren sorrera.


Irakurri gehiago: Euskara lan munduan Euskara
Euskara lan munduan kanalean gehiago
Eguneraketa berriak daude
Kontsultatu Hemeroteka berria
1919tik gaur arteko aldizkari guztiak online
150.000 orrialdetik gora dira, euskaraz eta Euskal Herriari idatziak. Mende bat baino gehiagoz, Euskal Herriko historiaren lekuko eta euskal kazetaritzaren eragile izan da ARGIA. Ondare hori euskal komunitate osoaren zerbitzura jarri dugu lizentzia libreekin.