Eusko Jaurlaritza da "banku ustela"-ri etxeak erosi dizkion Espainiako Estatuko lehen gobernu autonomikoa
Eusko Jaurlaritzak hainbat etxebizitza erosi dizkio Banku Berregituraketatik datozen Aktiboak Kudeatzeko Sozietateari (SAREB, gaztelaniazko sigletan), “banku ustela” gisa ere ezagutzen den erakundeari. Finantza erakundeen aktibo toxikoekin lotutako etxebizitzak kontzentratzeko sortu zuten erakunde hori eta EAEko Gobernua da Espainiako Estatu osoan hari etxebizitzak erosi dizkion lehenbizikoa.
Jaurlaritzak Alokabideren bitartez alokairu sozialean jartzeko erabiliko ditu “banku ustela”-ri erositako etxebizitzak. 742.000 euro gastatuko ditu etxe horien erosketan. Operazioa ez da ekonomikoki oso handia Araba, Bizkaia eta Gipuzkoako Gobernuarentzat. Nabarmentzekoa dena, ordea, zera da: EAE izango dela SAREBi etxeak erosiko dizkion Espainiako Estatuko lehen autonomia erkidegoa.
2007tik aurrera lehertu zen finantza eta ekonomia krisiak etxebizitzaren alorrean sortu zuen egoerari erantzuteko sortu zuten SAREB edo “banku ustela”. Krisiaren urte gogorrenetan, etxebizitza asko geratu ziren finantza produktu toxikoei lotuta eta horri irtenbide gisa, denak “banku ustel” bakarraren eskuetan kontzentratzeko apustua egin zuen Espainiako Estatuak, erabakiak eztabaida asko eragin zuen arren.
Jaurlaritzak erosi dituen etxebizitzei dagokienez, 2017tik lagapenean zeuden, Urkulluren exekutiboak eta SAREBek hitzarmena sinatu baitzuten etxe horiek alokairu sozialean jartzeko. Aurrerantzean, etxeen jabetza Jaurlaritzarena izango da eta Alokabideren bitartez kudeatuko dira pisuak.
Eusko Jaurlaritza etxebizitza ugari erosten ari da azkenaldian: 2019an ere 506 pisu erosi zituen alokairu sozialean jartzeko. Guztira 50,1 milioi euro gastatu zituen Jaurlaritzak operazio horretan. SAREBi erositako etxeak gehituta, Araba, Bizkaia eta Gipuzkoan 23.000 etxek osatzen dute alokairuan dauden pisuen parke publikoa –batzuk Jaurlaritzarenak dira eta besteak berriz udalenak–.
Eusko Jaurlaritzako Segurtasun sailburuaren arabera, gazteek ertzainei “bortizki eraso” zieten, eta “erabat gaitzetsi” ditu jokabideak.
Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]
Eusko Jaurlaritzak, sindikatuekin egindako bileran, hamar konpromiso hartu ditu. Bilera ontzat eman badute ere, hauteskundeak egitear direnez, denborarik eza azpimarratu dute sindikatuek. ENBAk adierazi du denbora gutxi dutela neurriak gauzatzeko, eta UAGAk nabarmendu du... [+]
Buruan foam jaurtigai batekin kolpea jasotako emakumeaz gain, bigarren pertsona bat zauritu zen Donostian asteartean ertzainek Realeko zaleen aurka egindako oldarraldietan. Ertzaintzak jakinarazi du kasu hau ere ikertzen ari dela.
Emakumea Donostia ospitalean ingresaturik dago, foam jaurtigaiak buruan jo eta odol isuria eragin ostean. Realaren eta Paris Saint Germainen arteko futbol partiduaren aurretik polizia agenteek egindako kargetan zauritu dute. Ertzaintzak barne ikerketa zabaldu duela jakinarazi... [+]