Euskaraz bizitzeko eskubidearen aldeko jaialdia eginen dute Iruñeko Anaitasuna pabilioian larunbat honetan. Kontseiluak antolatutako jaialdi honen bidez, aldarrikatuko dute euskarak Nafarroan aurrera egingo badu “beste hizkuntza politika batekin” izanen dela.
“Hizkuntza politika berria eta eragingarria behar du hortaz, euskarak. Axaleko aldaketa baino, egiturazko aldaketa behar da egoera iraultzeko aukera emango diguna”, adierazi du Maite Inda Kontseiluko kideak.
Ekitaldia herritarrei “eskerrak emateko” baliatu nahi dute: “Etengabe lanean, eraikitzen, ikasten, irakasten... zailtasunez beteriko testuinguruan irtenbideak bilatzen jakin dute herritarrek eta etorkizunean ere, haiena izango da protagonismoa”.
Kontseiluak antolatutako ekitaldia bada ere, gero eta atxikimendu eta babes handiagoa jasotzen ari da. Sindikatu ugarik euskaraz bizitzeko lan eremuak euskalduntzeko beharra azpimarratu dute. Era berean, Iruñeko hainbat eragile sozialek salatu dute Nafarroako Gobernuak euskararen kontra egiten duena "onartezina" dela: “Euskaraz bizi nahi dugun herritarrok ez dugu horretarako aukerarik nahi dugun guztietan”. Hori dela eta, apirilaren 25ean Anaiatasunan herritarrak bertaratzeko deia egin dute: “Aldaketa gu guztion bultzadaz etorriko baita”.
Egitarau oparoa prestatu dute larunbaterako. 10:00etan Ezkaba mendian lasterketa “ez lehiakorra” eginen dute. Gero, 14:00etan, bertso bazkaria Julio Soto, Alaia Martin eta Fredi Paiarekin. Bukatzeko, 18:30ean hasiko da ekitaldi nagusia.
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Lazarraga kultur elkarteak jaso du udalaren eskutik 2023ko dirulaguntzaren zuriketaren xedapena: 112.000 euro itzuli beharko ditu. Elkarteak adierazi du “udalaren borondate faltak” Gasteiz Antzokiaren proiektua kolokan jarri duela eta “udalak sortutako... [+]
Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.