EAEko euskararen aurrekontu publikoen bilakaera positibotzat jo du Baztarrikak
EAEko Hizkuntza Politikarako sailburuorde Patxi Baztarrikak agerraldia egin du Eusko Legebiltzarreko Kultura, Euskara, Gazteria eta Kirol Batzordean, eta Euskararen aurrekontu eta baliabide publikoen estatistika 2014 txostenaren ondorioak aurkeztu ditu. Txostenean aztertutako erakundeek 150.111.606 euro erabili zituzten 2014an euskara sustatzeko. Aurrekontu osoaren %63,8 Eusko Jaurlaritzak jarri zuen (95,8 milioi euro), %20,3 udalek (38,7 milioi) , %10,4 foru aldundiek (10 milioi) eta %5,5 hiru hiriburuek (6 milioi).
Orokorrean, erakunde publikoen euskara aurrekontuen bilakaera positibotzat jo du Baztarrikak 2012-2014 epealdirako. Eusko Jaurlaritzaren aurrekontu osoa %1,9 jaitsi den arren, euskarari dagokiona %2,9 hazi da. Foru aldundi bakoitzak ezberdin jokatu du: Araban, euskara aurrekontua erakundearen aurrekontu osoa baino gehiago hazi da; Bizkaian, berriz, aldundiaren aurrekontu osoa igo arren, txikitu egin da euskarara zuzendutakoa; azkenik, Gipuzkoako Foru Aldundiaren aurrekontuak zertxobait gora egin badu ere, ez da handitu euskarari dagokion zatia.
Hiriburuei dagokionez, Gasteizko eta Donostiako Udalek bilakaera positiboa izan dute, Bilbokoak ez bezala: txostenaren arabera, 2008tik hona, euskara aurrekontu likidatuak asko murriztu dira eta euskararen pisu erlatiboak nabarmen egin du behera Bizkaiko hiriburuan. Dena den, 5.000 biztanlez gorako udaletako euskararen aurrekontuek bilakaera positiboa izan dute, 2008tik 2010erako tartean izan ezik.
Ikerketa bi urtetik behin egiten dute, eta Gipuzkoa, Bizkaia eta Arabako erakunde publikoek euskara sustatzeko jartzen dituzten baliabideen bilakaera neurtzea du helburu. Araba, Bizkaia eta Gipuzkoako administrazio publikoen datuak aztertu dituzte. Hain zuzen, Eusko Jaurlaritzako, hiru foru aldundietako, hiru hiriburuetako eta 5.000 biztanletik gorako 68 udaletako –herri horietan bizi dira herritarren %90– aurrekontu likidatuak ikertu dituzte.
“Euskara sektore bat gehiago da euskal ekonomian”
Euskararen balio eta eragin ekonomikoa txostena ere aurkeztu du Patxi Baztarrikak. “Euskal Autonomia Erkidegoko ekonomiari euskarak egiten dion ekarpena ezagutzea, eta euskarak sortzen duen aberastasun ekonomikoa neurtzea” izan da ikerlanaren helburua.
Ikerketaren arabera, EAEko Barne Produktu Gordinaren %4,19 dagokie euskararekin zuzenean eta zeharka loturaren bat duten sektore ekonomikoei. Hau da, 2.800 milioiko BPGa sortzen du. Era berean, euskarak zuzenean eta zeharka 56.142 lanpostu sortzen ditu, EAEko lanpostu guztien %6,3.
Baztarrikak adierazi duenez, “administrazioari lotutako enplegu eta baliabideez gain, euskararen inguruan lan egiten duten sektore ekonomikoek enplegu asko eta balio erantsi handia sortzen dute. Euskara sektore bat gehiago da euskal ekonomian. Euskarak merkatu gero eta zabalagoa du, eta berezko industria bat”, gaineratu du.
Euskararen biziberritzeari buruz asko hitz egiten ari azken urteetan eta horren inguruan ari da lanean Euskaltzaindiko talde bat. Talde horretan dago Jon Sarasua ere eta galdetu diogu zeregina zertan den. Galdetu diogu, halaber, udaberrian idatzi zuen Puprilusoko artikulu... [+]
Zientzia-dibulgazioa saritzeko erreferentziazko sariak izan dira CAF-Elhuyarrekoak. Antolatzaileek 31. edizioa martxan zegoela etetea erabaki dute, "sariketa behar bezala egiteko baldintzarik ez dagoelako".
Euskararen normalizazioaren motorrak herri dinamikara bueltatu behar du aurrera egin nahi badugu
Euskararen balizko etorkizunari buruzko ikerketa bat ezagutzera eman da berriki, eta zalaparta eragin du bertan irudikatzen den paisaia beltzak. Asaldamendu hori auzitan jarriz abiatuko dut nire ekarpena. Zergatik da harrigarria datu hori? Zein mundutan bizi gara, gure egoeran... [+]
Euskara badago Bilbon, baina non? Eta zertarako? Nork sortzen du euskarazko kultura, eta nork sostengatzen? Galdera horien aurrean, udalaren azken urteetako erabakiei begira, argiago ikusten da euskara eta kultura bizirik nahi ditugunontzat kezkagarriak diren erabakiak hartu... [+]
Sasijakintsua, jakineza eta franco txikia: horiexek dira aurrekoan Gotzon Lobera jaunak, Bilboko kale batzuen izenak aldatzeko ekimenaren kariaz, Deia egunkarian zuzendu dizkidan epitetoak. Ez du nire izena aipatu, egia, baina neu izan naizenez urte eta erdi luzeko borrokan... [+]
Euskalgintzaren Kontseiluak deituta, Espainiako Auzitegi Gorenak joan den astean ebatzitako sententzia salatzeko prentsaurreko bateratua egin dute Bilbon. Sententzia "euskal gizartearen eta euskal erakundeen borondate demokratikoaren aurkako eraso zuzena" dela... [+]
Lizarrako Udalak udarako antolatu dituen bost musika ikuskizunetan eta beste horrenbeste film emanaldietan bat bera ere ez da euskaraz izanen; datorren astean hasiko diren festen egitarauan haurrentzako ekitaldi bat dago euskaraz programatua, justu, erraldoi eta buruhandien... [+]
Hankak lurrean dituzte gure solaskideek. Euskalgintzaren eta herri mugimenduen joko-zelaian dabiltza etengabe eta eskarmentu horretatik hitz egiten dute euskarari eusteaz, hizkuntza zapalkuntza ez normalizatzeaz eta erdaldunengandik espero beharko genukeenaz. Gorka Torrek ez du... [+]
Gu gara euskara. Euskara gure baitan bizi da. Guk biziarazten dugu. Euskara bizi dugu eta euskarak bizi gaitu. Guk elikatzen dugu eta gu elikatzen gaitu. Euskara gara. Euskara egiten dugunean euskarak egiten gaitu. Guk dugu, euskarak gaitu.
Euskararik gabe ez gara, eta hori... [+]
Euskarazko B2 maila dutela ez ziurtatzeagatik Eibarko Egogain zaharren egoitzako lan eskaintza publikotik kanpo utzi zituzten bi langileen alde ebatzi du Donostiako Lehen Auzialdiko 3. Epaitegiak, CCOOk jakinarazi duenez. 2024ko urrian, Gonzalo Pérez Sanz epaileak... [+]
Europar Batasuneko estatu kideen gehiengoak atzera bota du euskara, katalana eta galiziera EBn hizkuntza ofizialak izateko eskaera. Finantzazio eta arlo legalean hainbat "zalantza" dituztela plazaratu dute.
Igande goizean elkarretaratzeak egin dituzte Euskal Herrian Euskarazek deituta, Geldi euskara zapaltzea! lelopean.
UEMAk antolatuta egin dituzte kontzentrazioak larunbat eguerdian, Espainiako Auzitegi Gorenaren azken epai euskarafoboaren aurka eta euskararen alde. Euskara “benetan” babesteko “adostasun sendoak” eskatu ditu UEMAk, “euskarak eta euskaldunok... [+]
Espainiako Gobernuak Europako Batzordeari egindako eskaerari Euskal Herriko, Kataluniako eta Galiziako 28 unibertsitatek babesa eman diote. Salvador Illa Kataluniako Generalitateko presidenteak eta Imanol Pradales lehendakariak eskutitz bat sinatu dute eskaerari babesa... [+]