Euskara lege-estatus gabe gelditu da Ipar Euskal Herrian, boto bakarrarengatik
Frantziako Asanblea Nazionalak atzera bota du, boto bakarrarengatik, Frantziako Estatuko hizkuntza gutxituak bultzatzeko proposamena. Bultzatzaileek hezkuntzan, bizitza publikoan eta hedabideetan korsikera, bretainiera, katalana, euskara eta gainerako hizkuntza minorizatuen erabilera sustatzea zuten helburu. Frantzian 75 hizkuntza gutxitu autoktono daude.
Aspaldi ireki zen hizkuntza minorizatuen auzia eta ez da lege-estatusa ukatzen zaien lehen aldia. 2012an, 90eko hamarkadan sinaturiko testua berresteko konpromisoa hartu zuen François Hollande presidenteak, baina prozesua uste baino gehiago luzatu eta babesa galdu zuen ekimenak. 2015ean, ostera, hizkuntza minorizatuen Karta Europarra berrestearen aurka azaldu zen Senatua.
Proposamena bertan behera gelditu zela ikusita, Asanblea Nazionaleko kide Paul Molacek ez zuen bere harridura ezkutatu: “Hizkuntza erregionalen aldeko neurria errealitate bilaka zitekeela zirudien, baina, azkenean, aldeko 13 eta aurkako 14 boto izan ziren. Momentu horretan presente ez zeuden zenbait diputatu sozialisten bozka zenbatu egin zuten gainera”. Hizkuntza minorizatuen aldeko ekintzaileek ere ez zuten PSFren erabakia espero; batez ere, aurka agertu diren diputatu batzuk beren jaioterrian –Dordoinan– okzitaniera bultzatzearen alde azaldu izan direlako.
Erabakiaren aurkako ahotsak
Euskal Konfederazioko bozeramaile Sebastien Castetek salatu du eskuinak eta ezkerrak modu alderdikoiean darabiltela hizkuntza minorizatuen auzia. Era berean, gogorarazi du “frantsesa eta euskara maila berean jarriko dituen legea exijitzen” jarraituko dutela.
Bestetik, ezkerreko diputatu batek bultzatzaileak zorotzat hartu izana salatu du Akitaniako sailburu ohi David Grosclaudek: “Zoratuta al daude, ba, Manuel Valls, Justizia ministro ohi Christiane Taubira eta beste hainbeste diputatu beren ingurune pribatuan frantsesa ez den beste hizkuntza bat erabiltzeagatik?”.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Urtero bezala Amikuzeko gazteek libertimendua prestatu dute Donapaleuko inauterietan. Zirtzilek urtearen laburpen kritikoa egin dute, ondoren bolantek urtaro berriari hasiera emateko. Gazteek soilik antolatzen dute ekitaldia, euskara hutsean, eta tokian tokiko gaiak ekartzen dituzte plazara.
20 urte beteko ditu aurten ahalmen urritasun egoeran diren haurren gurasoen eta lagunen elkarteak. Gaur egun, Seaskako ikastoletako 111 haur laguntzen ditu.
Xiberotarraren egoera linguistikoa aztertzeko Dylan izeneko ingles bat ebilten da heben gainti.
Urdiñarbe, 1987. Euskal Filologian lizentziatua; liburuzaina lanbidez.Iragan urrian, Euskaldun bat, bi euskara izenburuko hausnarketa aurkeztu zuen Arantzazun (Oñati), Euskaltzaindiaren XVII. Biltzarrean. Hitzaldiaren lema hauxe izaki: “Zuberera eta batua, zuberotar gazteen ahotan gaur egun”. Bere aburuz, zuberotar azken belaunaldi euskaldunak –demagun, 1987. urteaz geroztik sortutakoak– zuberera eta batuaren arteko lehia bizi du.
Marie Darrieussecq (1969, Baiona) idazle emankorren artean dago Frantziako bere belaunaldiko idazle nagusien klub hetsian. Psikoanalista, alor politiko eta sozialeko kausa ezberdinetan inplikatua, idazle lapurtarraren ibilbideak « Truismes » (1996- POL) eleberriari esker hartu zuen abiada. Bi haurren ama, Parisen bizi den arren Lapurdiko sortetxera itzultzen da maiz. Biarritzeko mediatekan eskaini elkarrizketa honetan, sorterriarekiko, ama hizkuntzarekiko loturaz ari... [+]
Euskararen Erakunde Publikoak postuen ukapenari buruzko problematika konpontzeko dagokion 140.000 euroko aurrekontua bere gain hartzeko eskatu zion Hezkuntza Ministerioari.
Ehun urte beteko dira azaroaren 11n Lehen Mundu Gerra amaitu zela Europan. Hark utzitako zauri eta arrakalak oraindik agerian ditugu gurean eta kontakizun historiko ofizialari aurre egiteko antolatu dute 1914-1918 euskal oroitzapena itzaletik argira ekitaldia Baionan.
Euskal Elkargoak euskara eta gaskoia ofizialki ezagutu dituen arren, Euskal Herrian Euskaraz (EHE) erakundearen iritziz, ez da aski. Kari horretara, larunbat honetan, manifestazioa deitu du goizeko 11:00etan, Baionako Herriko Etxe aitzinean.
Euskal Herriko laborantza biologiko eta herrikoiaren 18. topaketa igande honetan –irailak 2– iraganen da Lekorneko Garroan. BLE Biharko Lurraren Elkartea eta Emazteek Diote elkartea dira Asunak egun honen antolatzaileak.
