Euskaltel txirrindularitzara itzuli da. 2013an utzi zion Euskadi taldearen babesle nagusia izateari, 1997an abiatutako bidea amaitutzat edo, orain ikusi dugun moduan, denbora baterako etenaz. Garai batean Miguel Madariagak eta gaur egun Mikel Landa ziklistak zuzentzen duen Euskadi Fundazioa babestuko du, hainbat hedabidek zabaldu dutenez.
2014an sortu zen taldea, eta Euskaltel hiru urte geroago sartu zen babesle moduan. Denboraldi honetan, Orbea eta Etxeondo marken babesaz gain, Euskadiko Kutxarena eta DBA Bilbao Port erakundearena ere badauka Fundazioak. ProTeam mailara egin du jauzi eta, hortaz, WorldTour kategoariako lasterketetan parte har dezake gonbidapen bidez. Espainiako Vueltak, esaterako, bi gonbidapen banatuko ditu aurten Burgos BH, Caja Rural-RGA eta Euskadi Fundazioaren artean.
Pedal kolpe eta momentu ahaztezin ugari elkarrekin.
— FundaCiclistaEuskadi (@FundaCiclisEusk) February 27, 2020
Jarrai dezagun historia egiten. Ongi etorri @euskaltel !
Elkarrekin indartsuagoak gara --#AupaEuskadi #IndarrakBatuta #UnimosFuerzas pic.twitter.com/XiJ9hhIvwP
Euskaltel: Virgin marka erabiltzeko akordioa
Hilaren 12an, Euskaltelek jakinarazi zuen akordioa sinatu zuela Virgin konpainiarekin, haren marka baliatzeko Espainiako Estatuan. Plazaratutako oharrean, Euskaltelek zioen Virgin marka "funtsezko elementua" dela Euskaltelek oraindik presentziarik ez duen Espainiako lurraldearen %85era hedatzeko egin duen planean. Gaineratu zuen Virgin "marka oso ezaguna" dela Espainian, eta 15 milioi telekomunikazio-bezerok baino gehiagok erabiltzen dutela mundu osoan: "Euskaltelen gaitasun operatiboak, Virgin markaren sendotasunarekin batera, erreferentziazko operadore nazional baten sorrera bultzatuko du".
2019an 62 milioi euro irabazi zituen Euskaltelek, 2018an baino 0,8 milioi euro gutxiago.
Martxoaren 22an, Frantziako Tourra hasteko 100 egun falta zirenean, Bilboko San Mames estadioan lur hartu zuen Juan Mari Aburto alkateak. Hainbat lagunek osatutako tropelaren erdian zihoan, Bilbaobizi alokairu-zerbitzuaren logoa zuen bizikleta elektriko gorri batean, erakusteko... [+]
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Pello Bilbao txirrindulari gernikarrak irabazi du astearteko Frantziako Tourreko lasterketa. Txapelketaren Twitter kontutik Espainiako bandera batekin zoriondu dute hasieran, baina bi minutu pasa ostean txio hori ezabatu eta ikurrina jarri diote. Pozez hartu dute batzuek, baina... [+]
Asteburuan Frantziako Tourraren 2023ko edizioa Bilbotik abiatuko da, eta lasterketak Euskal Herria zeharkatuko du lehenengo hiru etapetan. Ibilbidea Bilbon hasi eta, besteak beste, Gasteiz, Donostia eta Baiona hirietatik pasako da. Donostiako Bizilagunekin Plataformak Tourraren... [+]
Frantziako Tourra hastera doan honetan, Bilbon hotelen prezioak izugarri garestitu dira eta luxuzko jatetxeetan tokirik ez dago aspaldi. Bizkitartean, ostalaritzako langileak greban dira, inflazioaren eta behin behinekotasunaren ondorioz galdutakoa berreskuratu nahian.