Euskaltegien esku utziko du Jaurlaritzak ekaineko HABEko azterketen ahozkoa ebaluatzea

  • B2, C1 eta C2 mailetako azterketak ostiral honetan egingo dira, baina koronabirusaren krisiak eraginda, salbuespenezko neurria iragarri du Jaurlaritzak: ekaineko deialdian, euskaltegiek erabakiko dute ikasle bakoitzak ahozko azterketa gainditzen ote duen.


2020ko ekainaren 10an - 10:20
Barakaldoko BECen egingo dira HABEko azterketak ostiral honetatik aurrera.

HABEko azterketak egingo dituzte ostiral honetan Barakaldoko BECen eta COVID-19aren pandemiak eraginda, neurri bereziak hartu ditu administrazioak. B2, C1 eta C2 mailak lortu nahi dituzten ikasleei ez zaie ahozko azterketarik bertan egingo. Salbuespenezko erabakia izan da Eusko Jaurlaritzako Hizkuntza Politikarako sailburuordetzak jakinarazi duenez. Beraz, aurten euskaltegiak izango dira ikasle batek ahozko maila nahikoa duen edo ez erabakiko dutenak.

Jaurlaritzak Noticias de Gipuzkoa egunkariari azaldu dionez, ahozko azterketak ohiko moduan egingo balira –koronabirusak eskatzen dituen segurtasun neurri guztiak kontuan hartuta–, ez litzateke bideragarria udazkeneko deialdia garaiz egitea eta 2021erako hiru deialdi kudeatu beharko lituzkete.

Hori bai, deialdi honetan bakarrik aplikatuko da salbuespena. Aurtengo udazkeneko azterketak, adibidez, ohiko moduan egingo direla ziurtatu dute EAEko Gobernuko iturriek.

Neurri berezia beraz, urte berezian: beste urte batzuetan baino jende gehiago matrikulatu da aurten hiru mailetako azterketetara. 12.161 lagunek pasako dute azterketa guztira. Gorakada horren zergatia: EAEko administrazioan enplegu eskaintza publiko asko datozela laster eta plaza lortu ahal izateko hizkuntz eskakizunen premia daukate funtzionariogaiek.


Kanal honetatik interesatuko zaizu: Hizkuntza politika
EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Hamabi hizkuntzatan banatuko du UEMAK Korrikari buruzko informazioa

23. Korrikaren atarian, udalerri euskaldunetako bizilagun guztiek Korrikaren berri izatea garrantzitsua dela iritzita, diptikoa banatuko du UEMAk hamaika hizkuntzatara itzulita.


2024-03-04 | ARGIA
Udalekuak egingo ditu UEMAk euskaraz bizi diren gazteentzako

Beste urte batez, uda garairako, Salto! udaleku ibiltariak antolatu ditu UEMAk. Udalerri euskaldunetako gazteak elkartuko dira aisialdiaz gozatzeko. UEMAren helburua da “euskaraz bizi diren gazteek inertziatik kontzientziarako saltoa ematea eta horrekin efektu... [+]


Euskara Ipar Euskal Herrian
Azken sokatirak, hizkuntza politika eraginkor baten alde

2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]


Azkoitiko Udala UEMAko kide izango da

EAJren, EH Bilduren eta Azkoitia Bairen aldeko bozkekin hartu dute erabakia. Udalbatza osatzen duten hamazazpi zinegotzietatik hamaseiren aldeko botoa jaso du Udalerri Euskaldunen Mankomunitatera (UEMA) sartzeko eskaerak.


Eguneraketa berriak daude