Martxoaren 2tik 10era bitartean, Euskal Herriko egoera politikoa ezagutaraztea xede duen Nazioarteko Elkartasun Astea egingo da hainbat herrialdetan. Dozena bat kolektibok egin dute bat Askapenak eta Euskal Herriaren Lagunak elkarteak antolatutako egitasmoarekin. Euskal preso eta iheslarien egoera izango dute ardatz.
Zazpigarrenez deitu dute Nazioarteko Elkartasun Astea. Besteak beste, Bilgune Feminista, Etxerat, Herrira, EHE, Ahaztuak, Ikasle Abertzaleak, Elkartzen eta Gazteak taldeetako kideek hitzaldi eta mahai-inguruak egingo dituzte Europako herrialde batzuetan. Barrura begiratzeko leihoak dokumentala ere proiektatuko dute.
Elkartasun asteari amaiera emateko, euskal presoen aldeko elkarretaratzeak egingo dira Europan eta Latinoamerikan.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.