Hilaren bukaeran jokatuko da Biarritzen Munduko Pilota Txapelketa, baina euskal pilotariek ezingo dute haiek nahiko luketen taldearekin lehiatu. Ekintzak eskatu dizkiete instituzio, eragile eta alderdi politikoei.
Urriaren 23tik 29ra Biarritzen Munduko Pilota Txapelketa jokatu aurretik, Euskal Herriko selekzioaren ofizialtasuna aldarrikatu dute pilota klub eta erakundeetako ordezkariek. Durangon bildu dira eta “Euskal pilota selekzioaren aldeko manifestua” aurkeztu dute, Mundiala bai, Euskal Herria ere bai eta Inposaketarik ez, ofizialtasuna lelopean.
Nazioarteko txapelketa ofizialetan euskal pilotariek Espainiako, Frantziako edo ofiziala den beste selekzioren batekin jokatu behar izaten dute. Nazioarteko Euskal Pilota Federazioaren irizpideak dira, eta euskal kirolariek ez dute aurten aldatuko dituen itxaropenik. “Gure herrian, gurea dugun eta gure izena daraman kirolean, hau gertatzea lotsagarria eta penagarria dela deritzogu”, salatu du Endika Barrenetxea erremontistak.
Hori posible egiteko urratsak eskatu dituzte. Lehenik, Munduko Pilota Batzarrari eta euskal pilota federazioei zuzendu zaizkie, erabakiak har ditzaten, eta horietako bat zehatza da: Nazioarteok Euskal Pilota Federazioari berriz ere eskatzea Euskal Pilota Federazioa ofizial egiteko.
Bestetik, instituzioei ere dei egin diete haien “tresna juridiko, politiko eta pertsonalak” martxan jartzeko. Baina argi dute arazoa “politikoagoa dela judiziala baino”. Hortaz, alderdi politikoak ere, eta bereziki “aldarrikapenarekin bat egiten dutenak”, ekintzara bultzatu dituzte. Azkenik, euskal pilota komunitateari babesa ematen jarraitzeko eskatu diote.
Aurpegi ezagunak batu dira ofizialtasunaren alde: besteak beste, Euskadiko Euskal Pilota Federakuntzako lehendakaria eta bi lehendakari ohi; Araba, Bizkaia eta Gipuzkoako federazioetako lehendakariak Iparraldeko Pilota Batzordeko lehendakaria; eta pilota modalitate ezberdinetako hainbat kirolari.
Esquerra Republicanak egindako lege proposamena onartu du Espainiako Kongresuak, eta 2022ko Kirol Legea aldatuko dute.
Nazioarteko Euskal Pilota Federazioak batzarra egingo du, lehen aldiz euskal pilotarien estatusaren aldaketa aztertzeko prest azaldu ostean. Espainiako Pilota Federazioak bere aurkako "iraintzat" jo du asmoa, eta gaineratu du "izaera nazionalista aitortzea"... [+]
Ostegun arratsaldean dira onartzekoak legea Diputatuen Kongresuan. Aurretik ere Espainiako Selekzioarekin lehiatzeari ezezkoa ematen zion kirolariak zigorra zuen, baina lege berriak klubei ere ezarriko dizkie. Bi eta hamabost urte bitartez federazio lizentzia galtzea ekar... [+]