Euskal Herriko Hitz Gurutzatuen Txapelketa bueltan da
Hamar urteren ostean, Euskal Herriko Hitz Gurutzatuen Txapelketa antolatu dute berriz ere Irunen, Korrika bertatik abiatuko dela baliatuta. Martxoaren 2an egingo da eta lehia kutsurik izango duen arren, lagun giroan denborapasazaleak elkartzea du helburu nagusi. Hizkuntzarekin jolasten maisu den Joxan Elosegik dagoeneko prest ditu probak.
Hitz gurutzatuen zortzi txapelketa egin dira Irunen, eta berrogei lagun inguru batu izan dira edizio bakoitzean, Euskal Herri osotik bertaratuak. Denborapasen Luma aldizkariak antolatu ditu, harik eta edizio gehiago ez egitea erabaki zuen arte. Orain, hamarkada bat igaro denean, Aitzondo Irungo euskara taldeak lekukoa hartu eta txapelketaren bederatzigarren edizioa iragarri du. “Korrika hemen hastea bada erakusleiho polita Irunentzat eta Aitzondon aitzakiatzat hartu dugu txapelketari berriz heltzeko”, adierazi dio ARGIAri Beñat Muguruza Aitzondoko kideak. Hurrengo urteetan ere jarraipena eman nahi diote txapelketari.
"Oso jende gutxik dauka Joxan Elosegik duen euskararen eta hitz gurutzatuen halako ezagutza, maila horretako definizio eta sasi-definizio jostalari eta bihurriak asmatzeko, horrek ematen dio grazia txapelketari"
Korrikaren antolatzaile AEKrekin elkarlanean ari da euskara taldea, eta Irungo Udalaren inplikazioa ere nahi dute. Aurreko edizioetan bezala, Joxan Elosegi denborapasen sortzaile irundarrak prestatu ditu jokoak. “Joxan Elosegi, hitz gurutzatuetan maisu handienetakoa, Irunen dugu, eta Aitzondorentzat luxua da berak eskaintzen duen bermearekin lan egitea -azaldu du Muguruzak-. Probak prest daude dagoeneko eta maila altukoak dira, oso jende gutxik baitauka euskararen eta hitz gurutzatuen halako ezagutza, maila horretako definizio eta sasi-definizio jostalari eta bihurriak asmatzeko, horrek ematen dio grazia txapelketari”.
Proba, txapela eta bazkaria
Aipatu moduan, “giro alaian eta patxadan”, euskarazko hitz-jokozaleei elkarrekin topo egiteko eta elkar ezagutzeko aukera eskaini nahi die txapelketak. 14 urtetik gorakoek hartu ahal izango dute parte, 5 euro ordainduta eta www.hitzgurutzatuak.eus webgunean edo 685783470 telefono bidez izena emanda, otsailaren 29a baino lehen. Animatuko direnek jakin dezatela hiztegi-liburua erabili ahal izango dutela, ez ordea hiztegi elektroniko, telefono edo ordenagailurik. 10:30en bueltan egingo dute hasierako proba eta 12:30ak aldera, finala, jendaurrean.
Ondoren, txapela jantzi eta sariak banatuko dituzte, eta bazkaria antolatu dute parte-hartzaile eta lagunentzat, 20 euroan.
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
2024ko irailean, herritar batek salatu zuen Erandioko udaltzain batek arreta euskaraz ukatu eta jokabide hori behin baino gehiagotan errepikatu zela, baita telefonoz kexatu zenean ere. Salaketak erakusten duenez, hasiera batean, arreta eta dokumentazioa gaztelaniaz bakarrik eman... [+]
Joan den maiatzaren 23an iragan da, Baigorriko elizan, aparteko kontzertu bat: 180 haurrek, 7 eta 15 urte artekoek, maila handiko kantu emanaldia eskaini diote eliza mukuru bete zuen jendeari. Haur horietarik batzuk Donazaharre eta Baigorri aldean kokatua den Iparralai musika... [+]
Azkoitian egindako aurtengo lehenengo batzar nagusian batu dira UEMAra ondoko bost herri hauek: Donamaria, Ibarrangelu, Mundaka, Mutiloa eta Ormaiztegi.
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
2025eko Aberri Egunean, Imanol Pradales lehendakari jaunak “Euskadi Nazioa da” eta “hemen jarraitzen dugu eta jarraituko dugu, gure hizkuntzarekin eta gure nazio nortasunarekin, ez izan zalantzarik”, ozenki esan zituen.
Euskalduna naizen aldetik,... [+]
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Udako Euskal Unibertsitateak hogei jardunaldi eta topaketa antolatu ditu ekainaren 11tik hasita hilabete batez, hausnarketari bide emateko eta "arnasgune akademikoa" izateko helburuarekin. Inguma datu-base berrituan unibertsitate mailako jakintza alor ugaritako ia 50.000... [+]
Aurten, berriz ere, Euskaraldia izan dugu. Bi astez, gure hizkuntza-ohiturei erreparatu diegu, geure buruari galdetuta zenbat eta nola egiten dugun euskaraz. Baina ariketa horretatik harago, galdera handiago bat ere pizten da: zeren araberakoa da hizkuntza baten biziraupena?... [+]
Erdaraz hitz egiten duzu, Francok nahi zuen bezala’ kamiseta dut gogoan egunotan, OlaXonMario Galiziako sortzaile digital kuir eta independentistaren diseinua.
Gogora ekarri dut, lehenengo, Isabel Díaz Ayusok alde egin duenean Imanol Pradales lehendakariak... [+]
Euskararen Erabilera Biziberritzeko Biltzarra iragarri dute 2027rako. Irail honetan hasiko dute bidea. Hainbat arlotako 270 lagun bildu dira ekitaldian, eta herritar guztiei luzatu die gonbita Imanol Pradales lehendakariak: "Asmoa da bi urteko epean lanketa zabala eta... [+]
Datorren ikasturtetik aurrera, euskaltegietan A2 mailan matrikulatzen direnek orain arte bezala 310 euro ordaindu beharrean, 70 euro ordainduko dituzte. Maila gaindituz gero, ordaindutakoa itzuliko zaie ikasleei.
Euskaltzaindiak, EHUko Gabriel Aresti Katedrak, Gabriel Aresti kultura elkarteak eta Bilboko Koral Elkarteak elkarlanean antolatu dute egitaraua. Ostiral honetan, adibidez, Bilboko Udalaren Txistularien Bandak Aitaren Etxea emanaldia joko du Euskaltzaindiaren... [+]