Euskal Filologiak ez dio arlo espezifiko izateari utziko, Espainiako Gobernuak EH Bilduri baieztatu dionez
Unibertsitateetako hainbat ezagutza-arlo murriztu edo desagerrarazteko asmoa zuen Espainiako Gobernuak, tartean Euskal Filologia: beste ezagutza-arlo zabalago batzuen menpe geratuko zen. EH Bilduk, baina, ziurtatu du Unibertsitate Ministerioak konponbidea agindu diola auziari: “Euskal Filologia eremu orokorrago baten parte izango da eta, ondoren, ezagutza arloen barruan, ezagutza arlo zehatz gisa txertatuko dute, ikasketei, fakultateei eta lanpostuei eragin gabe”.
Uneotan, 190 ezagutza edo jakintza-arlo dituzte unibertsitateek, baina murriztu egin nahi ditu Espainiako Gobernuaren errege-dekretu proposamenak, tartean Euskal Filologia, Filologia Katalana eta Galiziar Filologia. Irakasleen profilari eta prestakuntzari eragingo lioke erabakiak, etorkizunean euskal filologian espezializatutako irakasleak izateari traba jartzen baitio, artikulu honetan xeheago azaldu genuenez.
Gaiak hautsak harrotu ditu, eta alegazioak aurkeztu dituzte Kataluniako Gobernuak eta EHUko Euskal Ikasketak Sailak, Euskaltzaindiarekin batera.
Astearte honetan, baina, Euskal Filologiak ezagutza arlo izaten jarraituko duela iragarri du EH Bilduk, Unibertsitate Ministerioak hala helarazi baitio Bel Pozueta diputatuari: “Azken egunotako hartu-emanean ostean, ministerioak Pozueta diputatuari bermatu dio konponbidea emango diola sortutako arazoari, eskuartean duen dekretu berriak ez dezan eragin negatiborik izan unibertsitateko ezagutza arloetan, ezta Euskal Filologian, Katalan Filologian eta Galiziar Filologian ere, hiruak egoera berean baitaude”.
Unibertsitatera sartzeko proba egitear da milaka ikasle. Gure gizarte desorekatuan, azken helduleku eta esperantza beti da hezkuntza: aukera berdintasunaren ikur, igogailu sozialerako amets. Errealitatean, baina, pribilegiatuak pribilegiatu eta zapalduak zapaldu mantentzen... [+]
2023-2026 aldirako Unibertsitate Sistemaren Plana aurkeztu du Eusko Jaurlaritzak. 2.246,2 milioi euroko inbertsioa aurreikusten du eta hortik 1.642,4 milioi zuzenean Jaurlaritzak jarriko ditu: 1.569,7 milioi EHUri, 40,2 Deusturi eta 32,4 Mondragon Unibertsitateari.
UEUk 51. Udako Ikastaroak aurkeztu ditu Iruñean. Iazkoaren haritik, 17 jardunaldi eta topaketa antolatu ditu hainbat eragileekin elkarlanean, euskal gizartearentzat garrantzitsuak diren gaien inguruan hausnartzeko helburuarekin. Arnasgune akademiko eta euskaldunen... [+]
Unibertsitatean sartzeko proba egingo dute laster Euskal Herriko milaka ikaslek. Lehia sustatu eta memorizazioa lehenesten duen proba dela salatu du Ikama ikasle mugimenduak: “Espektatiba eta desira jakin batzuk sortzen ditu ikasleongan, etorkizuna gure esku dagoela... [+]
