Euskal filologia desagerrarazi nahi du Espainiako Gobernuak unibertsitateetan, arlo espezifiko gisa
Unibertsitateen legea onartu du Espainiako Gobernuak eta prest duen errege-dekretua aurrera ateraz gero, hainbat ezagutza-arlo murriztu eta desagerraraziko ditu, tartean euskal filologia (eta katalana eta galiziarra): beste ezagutza-arlo zabalago batzuen menpe geratuko da. Irakasleen profilari eta prestakuntzari eragingo dio erabakiak, etorkizunean euskal filologian espezializatutako irakasleak izateari traba jartzen baitio. “Edozein aldaketa benetan zaurgarri izan daiteke”, ohartarazi dio ARGIAri Eneko Zuloaga irakasleak.
Uneotan, 190 ezagutza edo jakintza-arlo dituzte unibertsitateek, baina murriztu egin nahi ditu Espainiako Gobernuaren errege-dekretu proposamenak. “Murrizten diren arloak batez ere arte eta humanitateei loturikoak dira, berriz ere enpresen zerbitzura dagoen unibertsitatean sakontzen duelako legeak”, salatu dio ARGIAri EHUko irakasle Miren Larrionek.
Euskal filologia (eta katalana eta galiziarra) ezagutza-arlo gisa desagertzea erabaki politikoa dela iritzi dio Larrionek: “Lenguas modernas y sus literaturas” eta “Filologías hispánica, clásicas y del mundo antiguo” ezagutza-esparruen barruan kokatzen ditu aipatu filologiak, eta hortaz, “ahuldu egiten ditu”. Praktikan, irakasleek izango duten profilaz ari gara. Adibidez, jakinik unibertsitateko edozein irakasle/ikertzaile ezagutza-arlo batera atxikita dagoela, ezagutza-arlo zabalago horietakoren bat ikasi duen irakaslea ikusi dezakegu Euskal Ikasketak irakasten (adibidez, filologia alemaniarra ikasi duen euskalduna), espezifikoki euskal filologia ikasketak izan ordez, kontatu digu Larrionek.
Euskal Ikasketak egin nahi dituenari eragingo dio? Eragin diezaiokeela uste du Larrionek: Euskal Filologia Saila beharrean sail zabalagoa egongo bada, etorkizunean edukiez, norabideez eta abarrez erabakiko dutenek ez dute zertan euskal filologian espezializatuta egon (irakasleen profila zabalagoa izango da). “Jakintza-arloak murriztuta, ikasketa horiek desagertzea errazagoa da”.
Eneko Zuloaga Euskal Filologia Saileko irakaslearentzat ere, filologiek berezko duten espezifikotasuna galtzeak ekar dezake “irakasleen espezializazioari hainbesteko tarterik ez uztea, irakaskuntzaren/departamentuen berregituraketa... Euskal Filologiaren kasuan, edozein aldaketa benetan zaurgarri izan daiteke, oro har unibertsitate gutxitan ikas baitaiteke gaur-gaurkoz”.
"Euskal Filologiaren beregaintasun aldarrikatzen dugu, esparruak dituen beharrizanei (ikerketan, irakaskuntzan, ikasle-irakasleen prestakuntzan...) behar bezala erantzun ahal izateko"
EHUko Euskal Ikasketak Sailetik alegazioa
Hori dela-eta, dekretuari alegazioa aurkeztuko diote, EHUko Hizkuntzalaritza eta Euskal Ikasketak Sailetik: alegazioan, “Euskal Filologia eta Hizkuntzalaritza orokorra arloen beregaintasuna defendatu dugu. Euskal Filologiari begira, ikerketa-esparru bezala berez eta tradizioz duen beregaintasuna nabarmendu dugu; areago, beregaintasun horren beharrizana aldarrikatu dugu, Euskal Filologia deitzen dugun esparruak dagokion lekua izan dezan eta esparruak berak dituen beharrizanei (ikerketan, irakaskuntzan, ikasle-irakasleen prestakuntzan...) behar bezala erantzun ahal izateko”, azaldu digu Zuloagak.
Kataluniako Gobernua: “Atzerapauso historikoa da”
Dekretuak filologia katalanari ere eragingo dion heinean, Kataluniako Gobernuak aurreratu du alegazioak aurkeztuko dituela, erabakia “atzerapauso historikoa” dela eta “onartezina” dela iritzita. Filologia katalanaren ikasketei gogor eragiten diola adierazi du Unibertsitateetako konstseilariak. Junts alderdiak berriz, senatura eramango du gaia, dekretuak filologiak “ikusezin” bihurtzen dituela-eta.
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
2023an B1 maila eskatu zuen udalak kale garbitzailea posturako, baina horren kontrako epaiak eman zituten Donostiako Administrazioarekiko Auzien 2. eta 3. zenbakiko epaitegiek. Epai horien aurkako helegiteak atzera bota dituzte orain. Hizkuntza eskubideen urraketei... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
"Poloniar bat etortzen bada eta bost urte pasako baditu proiektu batean, joder agian ez zaio egoki irudituko seme-alabek euskaraz ikastea, ezta?", bankuko lehendakari Anton Arriolak adierazi duenez. Euskalgintzako eragileek gogor kritikatu dute eta esandakoa... [+]
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]
Gasteizko 1 zenbakiko Auzitegi Kontentzioso-Administratiboak emandako epaia berretsi du EAEko Justizia Auzitegi Nagusiak. Lan poltsan parte hartzeko euskara maila altuenaren baliokide diren 3. eta 4. eskakizunak indargabetu zituen Gasteizko Auzitegiak.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.
Euskarazko B2 eskakizuna zuten bi udaltzain lanpostu baliogabetu zituzten epaileek iazko urtarrilean, euskara eskatzea "diskriminatzailea" izan zitekeela iritzita; eta aitzineko astean, Donostiako Udalak aurkezturiko helegitea ez aztertzeko erabakia hartu du EAEko... [+]