Etxerat Europako Legebiltzarreko lehendakariordearekin bildu da
Astearte goizean Dimitrios Papadimoulis (Syriza) Europako Legebiltzarreko lehendakariordeetako batek harrera egin die Bruselan Etxerat elkarteko ordezkariei. Flandriako Legebiltzarreko ordezkaritzak ere hartu ditu presoen senideak.
Etxerat elkarteko ordezkaritza astelehenean abiatu zen Bruselara. Elkartearen helburua sakabanaketa politikaren berri ematea da eta Europako Batasunak ere berau amaitu dadin lagundu dezan lortzea: "Ez da posible gaur egungo Europan 500 familia gabiltzan bezala ibiltzea, kilometroak eginez, ekonomikoki esan nahi duen guztiarekin, eta Europak beste aldera begiratzea", adierazi zuen astelehenean Maider Alustiza bozeramileak Loiuko aireportuan, ordezkaritza Bruselara abiatu aurretik.
Sakabanaketaren kaltea oso handia dela iritzi dio elkarteak eta haien ustez presoen senideei ere aitortu egin behar zaie 25 urtetan eragindako mina. Ordezkaritzaren ustez, honek balio beharko luke Espainiak duen jarrera Europan ere zabaltzeko eta Madrilentzat kostu politiko bat izan dezan.
Orain arte Bruselan egindako bisitak honakoak dira, Etxeratek prentsa oharrean jakinarazitakoaren arabera:
"Etxerateko ordezkaritza banatu behar izan da agendan aurreikusita zeuden zita guztietara iristeko. Horrela, Flandriako Legebiltzarreko harrera ofizialarekin hasi da eguna. Ostean, Flemish Peace Institute –ean bilera izan dute ere euskal preso politikoen senide eta lagunek. Bitartean, Europako Legebiltzarrean interpelazio lanean ari zen taldeak Malin Bjork, Lidia Senra, Bart Staes eta Marck Demesmaeker europarlamentariekin bilerak ospatu ditu. Malin Ventespartiet alderdiko kidea da eta GUE/NGL taldeko presidente ordea, Lidia Senra ANOVA-ko kidea, Bart Staes flandestarra De Groen alderdiko kidea da, Greens / EFA taldekoa eta Mark Demesmaeker N-VA taldekoa".
Etxeratek jakinarazi duenez, halaber, astelehenean jaso zuen Covitek zuzendutako gutuna. Bertan, Covitek eskatzen dio Etxerati dei egiteko ETAko presoei erakunde armatua gaitzetsi eta beren senitartekoen hilketak argitzen lagun dezaten. Presoen senideen esanetan, prest dira elkarte honekin bildu eta batzuen zein besten minaz hitz egiteko.
Euskal presoen aldeko elkartea ekimen ugari ari da bideratzen azken asteotan eta otsailaren 25ean Iñigo Urkullu lehendakariarekin bildu zen, EAEko lehendakari batekin egindako lehen bilera ofizialean.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Martxoaren 13an lau urte bete dira Fran Balda arbizuarra istripuz hil zela. Preso, iheslari eta deportatuen etxeratzearen alde egin zuen lan, eta haren bost kidek idatzi diote gutun hau.
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.