Europako Batasunak urte amaierarako COVID-19aren aurkako txertoa espero du

  • Europako Batasunaren Osasun Komisioko buru Stella Kiriakidesen arabera, “txertoak ez lituzke arazo guztiak konponduko”. Bere ustez, “normalitaterako itzulera graduala” ahalbidetuko luke, baldin eta biztanleriaren sektore zaurgarriak txertatu ezkero.

Stella Kyriakides. Argazkia: Wikimedia Commons

2020ko abuztuaren 10an - 12:06

Stella Kiriakides Europako Batasuneko Osasun Komisioko kideak igande honetan adierazi duenez, 2020. urtearen amaierarako prest egongo da COVID-19ren aurkako txertoa. "Iragarpenak egitea une honetan arriskutsua bada ere, adierazle onak ditugu hasierako txerto bat urte honen amaierarako edo datorren urtearen hasierarako eskuragarri egon litekeela esateko", adierazi dio komisarioak Handelsblatt egunkari alemaniarrari. Kiriakidesek ohartarazi duenez, "txerto batek ez ditu arazo guztiak berehala konponduko", baina normaltasunera “pixkanaka” itzultzea ahalbidetuko lukeela dio, baldin eta "herritarren masa kritikoa txertatzen bada, batez ere arrisku-taldeetan daudenak".

Zientzialariek, ordea, ez dute argi noiz eskuratu dezaketen txertoa, izan ere, garapen prozesual “urteak” behar lituzkeela esan dute maiz, edo are gehiago, ezinezkoa izan daitekeela. Bestalde, komisarioak ohartarazi du EBko hainbat estatutan geroz eta ugariagoak direla berragerpenak. Horren harira, gobernuei dei egin die "infekzio iturria tokian-tokian berehala isolatzeko, probak eginez, kontaktuak bilatuz eta kaltetuak berehala isolatuz".

Azken zifrak Euskal Herrian

Hego Euskal Herrian 431 positibo berri atzeman dira igande honetan, konfinamenduaren osteko aste txarrena osatuz. Gaur arte Bizkaia izan da herrialde kaltetuena, han identifikatu baitira kasuen erdia baino gehiago: 248, zehazki. Araban, 43 izan dira gutxienez kutsatu berriak, eta Gipuzkoan ere zifra berbera utzi du igandeak. Nafarroan, aldiz, 89 zenbatu dituzte. Orotara, 7.725 PCR proba egin dituzte, orain arteko zifra altuena.


Kanal honetatik interesatuko zaizu: Covid-19ren biharamunari so
2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


2022-04-12 | ARGIA
Downing Streeten pandemia garaian festak egiteagatik isuna jaso du Boris Johnsonek

Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.


2022-04-06 | ARGIA
Apirilaren 20tik aurrera Hego Euskal Herrian ez da maskararik beharko barrualdeetan

Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.


2022-02-11 | ARGIA
Osasun larrialdiaren amaiera iragarri du Jaurlaritzak

Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.


COVID-19 pasaportea 2022ko uda arte mantentzearen alde bozkatu du Frantziako Legebiltzarrak

Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.


Eguneraketa berriak daude