Europako Banku Zentralak zor publiko gutxiago erosiko du, pandemiaren inguruko aurreikuspen hobeak eskuan
Covid-19aren krisiari aurre egiteko Europako Banku Zentralaren zor publikoaren erosketa planean aldaketak iragarri ditu Christine Lagarde bankuko presidenteak: inflazioaren gorakadaren eta aurreikuspen hobeen aurrean, erritmo motelagoan erosiko dute zorra.
Europako Banku Zentralak (EBZ) ostegun honetan azaldu duenez, prezioen gorakadak eta pandemiaren bilakaera onak –Delta aldaeraren aurrean europar helduen %70 txertaturik dagoela hartu du kontuan, besteak beste– ahalbidetuko dio erritmo motelagoan erostea zor publikoa. Covid-19aren krisiaren une gogorrenetan onarturiko erosketa planak 1,85 bilioi euroko poltsa dauka, eta hiruhilero errebisatzen dira erosketak. Oraingoan, estatuen bonuak erosteko hilean 80.000 milioi euro bideratu beharrean, 60.000 eta 70.000 milioi artean bideratuko dira. Interes-tasak baina, bere horretan mantendu ditu EBZren gobernu batzordeak: %0.
Inflazioa %3 igo da uda honetan, EBZk markatutako gehieneko %2aren gainetik. Joan den uztailean, erakundeak atea irekita utzi zuen langa hori gainditzeko –neoliberal ortodoxoen atsekaberako–, baina aldi berean ohartarazi zuen pizgarriak murrizteko aukera ere bazegoela, gorakada hori apaltzeko. Halaxe egin du orain, kontuan edukita makro-adierazleak ere onak direla bere ustez: ekonomiak %2,2 egin zuen gora bigarren lauhilekoan eta igoera handiagoa espero du 2021 urtean.
Azken urte eta erdian Europako hainbat herrialdek –Europako hegoaldekoak batez ere– jaulkitako zor berriaren zati handiena EBZk erosi duela kontuan edukita, horrek zuzenean eragin dezake euren ekonomian, horren bidez dirua merke lortu ahal izan baitute pandemiak sorturiko krisiaren gastuei aurre egiteko.
Lagardek, hala ere, garbi utzi nahi izan du Covidari aurre egiteko erosketa planarekin jarraituko dutela 2022ko martxora arte, edo, “koronabirusaren krisi fasea amaitu arte", hau da, agian lehenago ere bai.
Aurten, berriz ere, Euskaraldia izan dugu. Bi astez, gure hizkuntza-ohiturei erreparatu diegu, geure buruari galdetuta zenbat eta nola egiten dugun euskaraz. Baina ariketa horretatik harago, galdera handiago bat ere pizten da: zeren araberakoa da hizkuntza baten biziraupena?... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Astelehen goizean ezagutu da industriarentzat kolpe latza izango den notizia: datorren astean hasiko du enpresak EEEaren negoziazioa, eta kalean geratuko dira 655 langile.
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
Natura aspaldi deuseztatu genuen. Hori da gure kultura, natura deuseztatzea. Oinarrian, nekazaritzaren kultura, goldearen kultura, kultibatzea, berezko natura deuseztatzea da. Guk nahi ditugun mozkinak eta etekinak jezteko moduko “natura” dugu gurean.
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]
Lurraren historian espezie askok komunikazio konplexuak garatu dituzte, baina gutxik dute erleen dantzaren pareko kode sofistikatua. Erle langileek elikagai-iturrien kokapena adierazteko erabiltzen duten dantza ez da soilik naturaren mirari bat, baita zientziaren begietatik... [+]
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Rescoop.eu federazioko Kontseilu Errektorean sartu da Goiener kooperatiba, eta "lorpen handitzat" jo du ardura berri hori. Iragan maiatzaren 22an Krakovian (Polonian) egindako Energia Komunitarioaren Foruman parte hartu ahal izan dute, eta une inportantea izan... [+]
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
Boubacar Dioufek, Mbolo Moye Doole Bizkaiko manteroen eta kalez kaleko saltzaileen elkarteko kideak, Bilboko kaleetan arrazakeria eta abusu poliziala areagotu direla adierazi du.
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]