Esquadra Mossoek atxilotu egin dute etxerik gabeko hiru pertsona hil izanaren susmagarri bat. La Directako David Bou eta Miquel Ramos kazetariek informatu dutenez, azken 30 urteetan gutxienez 26 pertsona hil dituzte arrazoi aporofobikoengatik.
Azken asteetan gutxienez etxerik gabeko lau pertsona hil dituzte Bartzelonan, guztiak Eixanple inguruetan. Buruan objektu gogor batekin emandako kolpeekin gorpu aurkitu dituzte Esquadra Mossoek.
Ikertzaileak aztertzen ari dira joan den martxoaren 19an labankadaz hilda aurkitu zuten beste pertsona etxegabe bat ere lotuta dagoen hilketa hauekin.
Homizidio guztiak Espainiako gobernuak alarma egoera aldarrikatu eta herritarren konfinamendua hasi zenetik gertatu dira. La Directan irakur daitekeenez, gorroto delitu gisa identifikatu dituzte, hau da, heriotza eragin duten erasoak. Kasu hauetan gutxiengo jakin bateko kide izateak eragiten dizkion gorroto-sentimenduetan oinarrituta aukeratzen du biktima borreroak, eta bere nagusitasuna baliatzen du oinarrizko giza eskubideak zapaltzeko.
Komunikabideetan gertaerien sailetako orrialdeak betetzeaz harago, gertakari horiek fenomeno sozial zabal bati erantzuten diote, kriminologiaren inguruko irakurketa gaindituz. Aporofobia bitartekorik ez duten eta babesik ez duten pertsonen aurkako gorrotoa edo mespretxua da, bereziki eskaleak. Dozenaka heriotza eragin ditu azken hogeita hamar urteetan Herrialde Katalanetan eta Espainiako Estatuan.
Orain aste gutxi, apirilaren 11n Euskal Herrian ere, Alegian kalean lo egiten duen pertsona bati gasolina botaz eraso egin diote.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]