ARGIA.eus

2021eko martxoaren 01a

Etxeko langileen lan-prekarietatea handitu da pandemia garaian

Ixone Arana
2021eko otsailaren 08a
Argazkia: ATH-ELE

Etxeko Langileen Elkarteak elkarrizketatutako ia %98 emakumeak izan dira, %65 kanpo langileak eta %43 barne langileak. Barne langileen %31k ez du alta emanda gizarte-segurantzan, egoera irregularrean baitaude. 2017tik 2019ra portzentaia ia 15 puntu igo zen, eta 2020an beste 0,40 puntu gehiago igo da. Kanpo langileen kasuan, %14 egoera irregularrean dago, 2019. urtean baino ia 2 puntu gehiago.

Elkarrizketatutako barne langileen %96k ez dute lanorduengatik dagokion gutxieneko soldata kobratzen. 2020an, lehen 40 orduengatik 1.108,33 euro zen soldata eta hortik aurrera egindako ordu bakoitzarengatik 7,43 euro. %2,3k 800 euro baino gutxiagoko soldata jasotzen du. Beraz, aste barruan etxeetan egoiliar moduan lan egiten duten langileek ez dute dagokien soldata kobratzen egiten dituzten lanorduak kontuan hartuta. Bestalde, asteko 40 orduak baino gehiago egiten dituzte askok, 60 ordutik gora ere bai. Egoera administratibo irregularrean dauden langileen kasuan, %83k egiten ditu 60 ordu baino gehiago astean.

Atsedenaldiei dagokienez, langileen %26,1ak astean zehar etxetik ateratzeko aukerarik ez du. %25ak bi ordu baino gehiagoko atsedena egin dezake eta %45,7k bi orduko atsedena du egunero.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Emakume langileen eskubideak kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude