Etxeko errefortzua kontuan hartu gabe emango bagenu klasea?
"Eskolan ikasgaia azaldu, etxean eskolako lanak egin eta azterketa jarri" formula aldatzea erabaki du José Antonio Herranz irakasleak: irakaskuntza-ikaskuntza osoa eskola-orduetara mugatu du, etxeko errealitatearen erruz ez daitezen ikasle batzuk atzean geratu. Bere esperientziaren argi-ilunak kontatu ditu.
Lehen Hezkuntzako irakaslea da Herranz, eta berak dio eskola eta etxea batzen dituen formulak ikasle askori balio diela, baina ez denei, batzuek eta besteek etxean duten egoera sozioekonomikoa, gurasoen laguntza, jarrera eta moduak oso ezberdinak baitira. Etxean ikasten ez duten edo etxean (klase partikularretan?) behar bezalako errefortzua ez duten horien ikasketa murrizten doala eta pixkanaka desmotibatzen, gero eta atzerago gelditzen doazela dio (etxeko egoerak hezkuntzan sortzen dituen desoreka eta arrakalez erreportajea idatzi genuen ARGIAn).
Horiengan pentsatuz aldatu zuen formula irakasleak: helburua, ikasketa prozesua ahalik eta gehien eskola-orduetan bertan ematea, irakasleak berak kudeatuta eta zuzenduta.
Zaila dela aitortu du, klasean ikasleen araberako maila eta erritmo ezberdinetan lan egiteko antolatu beharra dagoelako, material ezberdinak prestatu behar direlako, denbora tarte gehiago hartzeko prestatu, ikasle batzuek besteei elkar laguntzeko moduak bideratu… “‘Ez duenez etxean ikasten, ezin dut klasean miraririk egin’, pentsamolde horrek dagoeneko ez du balio, helburua da ikasle guztiek ikas dezatela, nor bere kontura utzi gabe”. Horretarako, pedagogia, didaktika, soziologia eta psikologia arloak oso baliagarri izan zaizkiola dio, eta ez dagoela formula magikorik, beti ez dela asmatzen; "batzuetan, ez dugu lortzen hainbat ikasle harrapatzea".
Ikasle guztiak ez ditu harrapatu, baina esperientziak ekarri du txikitzea paso egiten duten ikasleen kopurua, desmotibatuta dauden edota espektatiba eta autoestimu gutxi duten ikasleen kopurua.
"Azkenean erabaki egin behar duzu, ea curriculum guztia eman nahi duzun edozein modutan dela ere, ala zati batzuk patxada handiagoz landuko dituzun, beste gauza batzuk kanpoan utzi arren"
Traba nagusietakoa, denbora falta
Irakasleak dio ikasketa prozesua eskola-orduetara mugatzeak denbora falta eragiten duela curriculum guztia emateko. "Nire muga handienetakoa hori da, eta azkenean erabaki egin behar duzu, ea curriculum guztia eman nahi duzun edozein modutan dela ere, ala zati batzuetan gehiago zentratu eta gehiago landu nahi dituzun, patxada handiagoz, beste gauza batzuk kanpoan utzi arren". Bestelako eztabaida bati atea irekitzen dio gaiak: curriculum luzeegiak eta edukiz beteegiak al ditugu hezkuntzan?
Guraso batek José Antonio Herranzi esan dio Lehen Hezkuntzan etxean ikasteko ohitura sustatzen joatea ez dela txarra, gero Derrigorrezko Bigarren Hezkuntzan eskolako ikasgaiak etxean indartu eta sakondu behar izaten dituztelako, eta aurretik ohitura hori hartu ez duenarentzako ziklo batetik besterako kolpea handia izan daitekeelako. Herranzen ustez, lehenengo ikasten ikastea aproposagoa da (eta Lehen Hezkuntzan egin daiteke) eta gero ikasteko ohitura indartu daiteke (Bigarren Hezkuntzan). Zentzu horretan, Haur Hezkuntzako adibidea jarri du beste guraso batek: txikiek eskolan gauza asko ikasten dituztela eta aurrerapauso handiak ematen dituztela dio, etxerako lanak egin behar izan gabe.
Txio hari honetan kontatu du esperientzia José Antonio Herranz irakasleak.
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Adituen irizpideei jarraituko dien pantailekiko deseskalatzea premiazkoa da eskolan eta etxean. Osasunaren bueltako Espainiako Estatuko erakunde garrantzitsuenek sortu berri duten plataformak hala dio. Internet eta sare sozialekiko “hiperkonexioa da pandemia berria”... [+]
Erakundeek, beren helburua bete ondoren ere, bizirik irauteko ahalegina egiten dute, Max Weber-ek zioen modura. Baina porrotaren kontzeptuaren eremutik haratago joan eta jakinduria eta ausardia behar dira elkarte bat amaitzeko, Alan Badiou gogoratuz.
Euskal Herrian ere... [+]
2025-2026 ikasturtean, Medikuntza eta Erizaintza Fakultatean euskarazko 32 ikaspostu gehiago eskainiko ditu EHUk. Erakundeak adierazi du kopuru hori lortzea Eusko Jaurlaritzako Osasun Sailarekin eta Zientzia, Unibertsitate eta Berrikuntza Sailarekin izandako... [+]
Azterketak euskaraz gaia aktualitatean jarri zen berriz ekainean, baxoaren hilabetean. Etxepare lizeoko ikasleek aldarrikatzen segitu dute Baionako suprefeturaren edo herriko etxearen aitzinean eta euskaraz ari diren irakasleek prentsaurreko bat eskaini dute azpimarratzeko... [+]
Ikastetxeetako ikasgelak, tamalez, espazio gatazkatsuak izaten dira askotan eta, gatazka gehienetan gertatzen den moduan, emozio intentsuak eta minak izaten dira. 2022an, ikastetxeetan aritzen diren beste eragile batzuekin batera, azken urteetan ikasgela askotan bizirik dagoen... [+]
Datu latza utzi du Ijito Idazkaritza Fundazioaren azken ikerketak: ijitoen %0,8ak baino ez du unibertsitate titulua lortzen. Espektatiba eta erreferentzia falta, eskola-segregazioa, aurreiritziak, arrakala ekonomiko eta kulturala… faktore garrantzitsuak dira,... [+]
EHUk eginiko ikerketaren arabera, Araba, Bizkaia eta Gipuzkoako etxeko langileen %43,10ak ez du inoiz lan kontraturik izan, baina enplegatzaileen %70ak uste du "baldintza ezin hobeak" ematen dizkietela beren etxeko langileei. Etxeko langileen %27,4 egoera... [+]
Unibertsitatera sartzeko azterketa eredu berria estreinatu eta gutxira, datorren ikasturterako azterketa berriz ere “goitik behera” aldatuko dietela eta probak eskakizun maila altua izango duela salatu du EAEko Historiako irakasle talde batek. Azterketa eredua... [+]
Kanbon egin duten urteko biltzar nagusian ontzat jo dute lizeo berriaren garapenari buruzko txostena. Donapaleuko ikastolaren ondoan egongo da, eta hasiera batean 180 ikasle hartu ahal izango ditu, Seaskako arduradunen arabera. Lizeo berriaz gain, urteko biltzarrean azken... [+]
Kooperatibismo bat komunitateari begira UEUko topaketek, komunitatea ahaldundu eta lurraldeetako beharrei erantzuteko tresna direla gogorarazi ziguten. Halaxe da, bai, baina ekaina ez da kooperatibetan idealizaziorako garai egokiena, ez behintzat kooperatibetako kudeaketa... [+]
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu... [+]
Errektoretzaren erantzun ezan, ehun bat irakaslek berriz eskainiko diete ikasleei ahozko froga euskaraz pasatzeko aukera. Guraso elkarteek ere bat egin dute ekimenarekin, errektoretzaren inplikazioa eskatuz.
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]