Etxegabe bat hil da Durangon
Igande eguerdian aurkitu dute gizonaren hilotza kutxazain automatiko batean. Urtea hasi denetik, etxerik gabeko bigarren hildakoa da.
49 urteko gizon bat zendu da Durangon, Fray Juan de Zumarraga kaleko kutxazain automatiko batean. Etxegabea zen gizona, eta kutxazain horretan pasa ohi zituen gauak.
Segurtasun Sailak jakinarazi duenez, SOS Deiak-era egindako dei batek ohartarazi zuen gertakariaz. Osasun langileak bertaratu ziren, baina gizonaren heriotza baieztatu besterik ezin izan zuten egin.
Urtea hasi denetik zendutako bigarren etxegabea da. Lehena urtarrilaren 3an hil zen Donostian, lotarako erabili ohi zuen kutxazain automatikoan hura ere.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]