Etxebizitzaren aldeko mugimenduaren aurkako polizia operazioa ari dira gauzatzen Katalunian
Gutxienez lau pertsona atxilotu ditu Mossos d'Esquadrak Bartzelonan, denak etxebizitzaren aldeko mugimenduko kideak. Atxiloketek iazko maiatzean gauzatutako Bloc Llavors eraikinaren hustearekin dute zerikusia.
Kataluniako etxebizitzaren aldeko mugimenduaren aurkako polizia operazioa abiatu dute asteartean. Goizean goizetik, Mossos d'Esquadra atxiloketak gauzatzen ari da, eta momentuz lau dira atxilotutako pertsonak, guztiak etxebizitzaren aldeko mugimenduko kideak. Alerta Solidària errepresioaren aurkako antolakundeak jakinarazi duenez, lehenbiziko atxilotua Sindicat d'Habitatge de Cassoles eta Endavant-OSAN-eko militantea da. Atzetik etorri dira beste hiru pertsonaren atxiloketak, eta tartean daude beste etxebizitza sindikatu eta antolakunde batzuetako kideak ere, Sindicat d'Habitatge de la Verneda i el Besòs-ekoak edota Arran-ekoak kasu. Atxiloketa guztiak Bartzelonan jazo dira.
La Directak jaso duenez, Poliziak jakinarazi du atxiloketak iazko maiatzaren 25ean Bartzelonako Poble Sec auzoko Bloc Llavors eraikineko hustearekin lotura dutela. Egun hartako gertakarien harira, "agenteen aurka atentatu izana" egotziz hiru pertsonaren aurkako salaketa jarri zuten mossoek, eta desordena publikoak leporatuz beste bederatzi pertsona ere salatu zituzten. Horrez gain, hirurogei pertsona gehiagoren aurkako salaketa administratiboa ere jarri zuten, "autoritate agenteak desobeditzearren, hau da, mozal legea bezala ezagutzen dena aplikatuz".
Mossos d'Esquadrak La Directari luzatutako informazioaren arabera, hiru delitu leporatzen dizkiete atxilotuei: kalteak, agintaritzaren aurkako atentatua eta derrigortzeak.
Astearteko atxiloketak ez dira kasu isolatua, eta etxebizitzaren aldeko mugimenduaren aurkako errepresio jarraitu baten baitan kokatu behar dira. Sindicat Habitatge Raval-ek sare sozialen bidez adierazitakoaren arabera, urtebetean 30 kide atxilotu dituzte, eta 240.000 eurokoa da jarritako isunen kostua, besteak beste.
Ja som a Les Corts fent una roda de premsa. Més de 30 detinguts en un any, 240.000€ en multes, perfils ideològics, criminalització i intent de desgast davant una forta organització sindical. Però no ens aturarán. pic.twitter.com/ZDL7YWGCPY
— Sindicat Habitatge Raval (@RavalSindicat) February 2, 2022
Zeresana eman zuen hustea
Bloc Llavors-en hustea ez zen oharkabean pasa. Eraikina etxebizitzaren aldeko mugimenduaren sinbolo bilakatua zelako, batetik. Eta Pere Aragonèsek Generalitateko presidente kargua hartu eta biharamunean gauzatu zelako, bestetik. Egun hartan ERCko egoitza okupatu zuten etxebizitza mugimenduko hainbat kidek, etxe kaleratzea salatu eta gelditzen saiatzeko, eta baita ere "ageriko egiteko ERCk ezin duela ezein askapen proiekturen parte izan etxebizitza eskubidea bermatzen ez duen artean", Endavant-OSAN-en hitzetan.
Més tard les protestes populars es traslladarien a la seu d'ERC per a denunciar no només l'operació de desnonament sinó per evidenciar que ERC no podia formar part de cap projecte d'alliberament mentre no garanteixi el dret a l'habitatge. #OrganitzemNos #SolidaritatILluita pic.twitter.com/ovkeqlQrwg
— Endavant OSAN (@Endavant_OSAN) February 2, 2022
Eraikina Vauras Investment funts putrearen jabetzakoa da 2016az geroztik, baina 2017ko abuztuan Obra Social BCN-k eraikineko sei etxebizitza okupatu zituen familia zaurgarrien bizileku bilakatzeko. Hala pasa zen eraikina Bloc Llavors izenez ezagutua izatera eta etxebizitzaren aldeko mugimenduaren sinbolo bilakatzera. Hurrengo urteetan, etxe kaleratze eta okupazio bat baino gehiago gauzatuko zen eraikinean, harik eta 2021eko maiatzean azken bizilagunak etxe kaleratu zituzten arte.
Guardia Zibilak "jardunaldi irekiak" antolatu ditu irailaren 27an Bilboko Ramon de la Sota moilan, Karola garabi ezagunaren ondoan, eta armak eta ibilgailuak erakutsiko dituzte, besteak beste. Naiz-ek argitaratu duenez, erakustaldia egiteko Bilboko Udalaren baimena dauka... [+]
Iratzar eta Olaso Dorrea fundazioek antolatu duten erakusketa ibiltaria ezin izango da Zarauzko areto publikoetan ikusi. Udalak argudiatu du errelato "partziala" eta "ideologizatua" eskaintzen duela. EH Bilduren lokalean paratuko dute azkenean.
Duela mende erdi frankismo gotorrenak bere aurkako ahotsak isilarazi nahi izan zituen ETAko eta FRAPeko bost militante hiltzen. 1975a zen, eta irailak 27 zituen. Baina alderantzizkoa lortu zuen, eta zenbaitek nahi luketenaren kontrara, askatasunaren aldeko borrokalari gisa... [+]
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Bere konpromiso politikoagatik eta unibertsitatean zuen militantziagatik, eskuin muturreko taldeen hainbat eraso pairatu zituen 1987 eta 1988 urteetan. Hemezortzi urterekin pairatu zuen lehen erasoa, Bilboko Santutxu auzoan bizi zen eraikineko igogailuan; geroztik, hiru eraso... [+]
Ehunka lagun mobilizatu dira asteazken arratsaldean Gasteizko Alde Zaharreko kaleetan barrena, Korda espazioaren desalojoaren aurka. Manifestazio amaierako hitzartzean, goizeko desalojoan ertzainek buruan zauritu duten Kordako kidea jada etxean eta "ondo" dagoela... [+]
11:30ean burutu du Poliziak desalojoa, atea rotaflexarekin ireki eta barruan zeuden pertsonak aterarazi ondoren. Ertzaintzak pertsona bat zauritu du buruan eta furgoneta batean eraman du. Herritarren "babes itzela" eta Ertzaintzak erabilitako "biolentzia handia"... [+]
Salvador Puig Antich frankismoaren kontrako militantea izan zen. Askapen Mugimendu Iberikoko kidea, 1973ko irailaren 25ean atxilotu zuten. Gerra-kontseilua egin zioten, eta garrotez exekutatu zuten handik sei hilabetera, 1974ko martxoaren 2an. Aurtengo otsailean baliogabetu du... [+]
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
2023an Zaballako espetxean euskal presoen alde egindako martxarengatik ezarri zizkieten isunak. Helegiteen ezeztapenaren aurrean epaitegietara joko dutela adierazi du antolakundeak, eta Poliziaren inpunitatea salatu du.
49 urte eta gero Espainiako Poliziak Gasteizko Maria Sortzez Garbiaren katedralean eraildako bost langileak oroitu dituzte beste behin astelehen arratsaldean. Milaka pertsona batu dira Zaramagatik abiatutako eta katedralean amaitutako manifestazioan. Manifestari guztiek ez dute... [+]
Aiaraldeako Ideien Faktorian egindako hitzaldia da honakoa, Eztizen Artolaren Gurpilak liburua aitzakia hartuta. Bertan hitza hartu zuten eleberriaren egileak, Joxe Blanco euskal preso politiko ohiak, Ilazki Ussia motxiladun umeak eta Ainhoa Ayesta presoen aldeko elkartasun... [+]
Iñigo Cabacas Herri Harmaila taldea eta Athleticen arteko harremana nahaspilatuta dago azkenaldian. Iñigo Cabacas Herri Harmailako Iñigorekin hitz egiteko aukera izan dugu astelehenean.
Asiak jarraitzen du izaten kazetari gehien atxilo dituen kontinentea: 2024an atxilotutako kazetarien %30 baino gehiagorekin. Txina, Israel eta Myanmar izan ziren berriemaile gehien espetxeratu zituzten estatuak iaz. Osotara, 200 kazetari baino gehiago hil eta ehunka zauritu eta... [+]