Etxebizitza lortzeko murrizketek “sektore prekarizatuenei” eragingo dietela salatu dute
Argilan ESK-k, Berri-Otxoak eta Euskal Herriko Etxebizitzaren Sindikatu Sozialistak murrizketa berriak aldera batera uztea eskatu dute, eta “bizi baldintza duinak” aldarrikatu dituzte.
aurre egingo dieten hedabide independenteak
Eusko Jaurlaritzak etxebizitza lortzera bideratutako gizarte prestazioetan murrizketak egin izana salatu dute Argilan ESK-k, Berri-Otxoak eta Euskal Herriko Etxebizitzaren Sindikatu Sozialistak. Eusko Legebiltzarreko atarian asteartean egindako agerraldian adierazi dutenez, neurriak herritarren sektore ahulei eragingo die, eta milaka pertsona etxebizitza duin bat lortzeko laguntzarik gabe utziko dituzte.
“Denbora daramagu esaten, hainbat erreforma onartzen ari direla isilean, etxebizitza eskuratzeko prestazioak murrizten dituztenak." Prestazio horiek pertsona eta bizikidetza-unitate prekarizatu, pobretu eta kalteberenei kendu dizkietela adierazi dute.
Erreforma berriak
Eragileek “funtsezko” bi neurri kritikatu dituzte. Alde batetik, joan den martxoaren 29an indarrean sartutako Inklusiorako eta Diru-sarrerak Bermatzeko Euskal Sistemaren Lege berria (DSBE), “bizilakuaren” kontzeptua birdefinitzen duena. Horren arabera, "ez da bizilekutzat hartuko etxebizitza baten titulurik gabeko erabilera”, eta beraz, ezin izango dute DSBEa jaso alokairu kontratua edota jabetza-titulurik ez duten etxebizitzek.
Bestalde, 2023ko urrian onartutako Etxebizitzaren Prestazio Ekonomikoa (EPE) ere aipatu dute. Laguntza berria 2024ko apirilean sartuko da indarrean, eta “ordezkatu” egingo ditu aurretik zeudenak, ez zaie gehituko. Gauzak horrela, bertan behera geratuko dira Etxebizitzarako Prestazio Osagarria (EPO) eta alokairurako Gizarte Larrialdietarako Laguntzak (GLL). Gainera, prestazio berria jasotzeko “irizpide saihestezina” izango da hiru urtez etenik gabe Etxebiden izena emanda egotea.
Eragileek adierazi dute aldaketa horiek eragin negatiboa izango dutela "ehunka etxebizitza eta milaka pertsonengan". Azpimarratu dute kaltetuenak “sektore prekarizatuak eta pobreak” izango direla: “Errenta txikienekoak dira murrizketa-politika horrek zuzenean gehien kaltetutako sektoreak; migratzaileak, hilaren amaierara iristeko zailtasun gehien dituzten familiak, enplegu prekarioak dituztenak, gazte langileak, guraso bakarreko familiak...”.
Alderdi politikoen babesa
Nabarmendu dutenez, politika horiek “pobretze orokorreko testuinguru batean” garatu dira, eta instituzioek gastu publikoa murriztea "bilatu" dute prestazio-sistema sektore prekarizatuenei murriztuta. Halaber, adierazi dute alderdi politiko guztiek babestu dituztela neurriak: “Horren erakusle da erreforma horiek EAJren, PSEren eta Elkarrekin-Podemosen aldeko bozkarekin eta EH Bilduren abstentzio konplizearekin onartu dela Diru-sarrerak Bermatzeko Errentaren Lege berria. Era berean, Etxebizitza Legeak aurreikusitako murrizketak PSEk eta EH Bilduk onartu zituzten”. Gainera, salatu dute aldi berean alderdi horiek “kanpaina” egiten dutela etxebizitza-arloan “hobekuntzak sustatu dituztela esanez”.
Egoeraren aurrean, hainbat erakundek manifestazioa deitu dute otsailaren 24rako, 12:00etan, Bilboko Moyua plazatik abiatuta. Gizarte prestazioen murrizketa berriak baztertzea eta bizi-baldintza duinak eskatu nahi ditu protestak: “Gizarte-prestazioetan murrizketa berriei ez!”.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Ekainaren 6an Presidente Autonomikoen Konferentzia egin zen Bartzelonan, Pedro Sánchez eta Felipe VI.a erregea –emeritu ustelaren oinordekoa, beti da ona gogoraraztea– buru zirela. Isabel Díaz Ayuso faxistak uko egin zion Salvador Illaren eta Imanol... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
Etxea euskal ohitura zaharretan hildakoen eta bizirik zeudenen espazioa zen. Hilda jaiotzen ziren umeak edo bataiatu aurretik hildakoak kanpoko horma baten ondoan lurperatzen ziren, teilatuaren babesean. Abizenak ere etxe bati lotuta zeuden, etxeak ematen zion izena bertan bizi... [+]