Esther Quintanaren auzian “egia osoa” esan ez duten mossoak daudela onartu du komisario buru Josep Lluís Traperok El Matí de Catalunya Rádio saioan. Quintanak 2012ko maiatzaren 14ko greba egunean galdu zuen begia, mossoen jaurtigai baten kolpeak eraginda.
Traperok ezbaian jarri du ikerketaren zilegitasuna, mossoek epaileari “informazio zehaztugabea” eman ziotela eta. Horren aurrean, azaldu du ikerketa berreraikitzea ahalbidetuko duen zantzurik aurkitzen badute, aurrera egingo dutela.
Mossoen inspektore eta Sindicat de Comandamentseko idazkari nagusi Jordi Dalmauk ere jardun du gaiaren inguruan. “Informazio asko denbora murritzean eman nahi izatea izan zen egin genuen akatsa”, adierazi du. “Norbaitek gezurra esan du”, berretsi du.
Dalmauk azaldu du tiroaren egilearen inguruko susmorik izan badutela, baina ez dutela ezer frogatzerik lortu. Azaldu du ez litzatekeela “jokabide ausarta” izango pertsona jakin bati errua botatzea, epaileak berak ere harago joaterik lortu ez duenean.
Ez dago argi zein izan zen Esther Quintanari zauria eragin zion jaurtigaia: salaketak errua gomazko pilota bati botatzen dio arren, zauriaren eragilea “foam”-ezko jaurtigai bat izan zela diote mossoek.
Auziaren epaiketan, absoluzioa mossoentzat
Bartzelonako Auzitegiak absolbitu egin zituen Esther Quintanaren kasuaren harira epaituriko Esquadra Mossoen E-40 unitateko inspektore ordea eta eskopetaria. Bartzelonako Auzitegiaren aburuz, ezin da frogatu Quintanaren begian jo zuen tiroa beraiek bota zutenik.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]
16 urteko gazte billabonatar batek zauri larriak izan ditu begiaren inguruan, Ertzaintzak Tolosan igande gauean kargatu ostean. Tolosaldeko Atariak informatu duenez, pilotakada bat eman zioten.
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]