ARGIA.eus

Bultza kazetaritza independentea

40 urte preso egin ostean, espetxean denbora gehien zeraman palestinarra askatu dute

  • 66 urteko Karim Younis Israelgo kartzeletatik aske atera da ostegunean, soldadu israeldar bat hiltzea egotzita 40 urteko zigorra bete ostean. Espetxean denbora gehien egin duen preso politiko palestinarra da eta erresistentziaren ikurretako bat bilakatua zen. Ongi etorri jendetsua egin diote bere herrian.

Karim Younisek 40 urte egin ditu Israelen menpeko espetxeetan.

2023ko urtarrilaren 05a - 17:27

Tel Aviv iparraldeko Hadarim espetxean zeukaten askatu dutenean. 1983an atxilotu zuten eta Israelgo epaitegiek egotzi zioten hiru urte lehenago Siriako Golango Gain okupatuan soldadu israeldar bat hiltzea. Younis ez da Zisjordania edo Gazakoa, Israelgo estatuaren menpean geratu den Ara herrikoa baizik eta palestinarra da.

Senide eta lagun ugari joan zaizkio ongi etorria egitera ostegun goizean. Al Jazeerari eginiko adierazpenetan, adierazi du espetxetik askatu dutenean polizia-auto ugaritan ibili dutela batetik bestera, eta azkenean herri bateko autobus geltokian utzi dutela goizeko 5:30ean, bere familia edo lagunekin harremanetan jartzeko aukerarik gabe. Goizean, askatu behar zutela esan diotenean, dutxa bat hartzen eta prestatzen ere ez diotela utzi salatu du.

Younisek Al Jazeerarekin hitz egin du askatu eta gutxira, operazio militar batekin alderatuz esan gabe nora zeramaten. Azkenean, bertan zen pertsona baten laguntzari esker lortu du norbaiti adieraztea non zegoen. Orduan hasi da Ara bere jaioterrian jendea kalean biltzen ongietorria emateko.

Aipatutako hedabidean jaso dute pertsona hau ez zela edonor erresistentzia palestinarrean, eta garrantzia handia hartzen ari zela mugimenduan atxilotu zutenean eta hilketak egotzita espetxeratu.

Bere herrira iristean, lehen gauza hilerrira joan eta bere amaren hilarrira joatea izan da, bertako hedabideek jaso dutenez. Bera askatu baino zortzi hilabete lehenago hil zen. Zigorra osorik beteta atera da.

Ez zioten ama agurtzeko aukerarik eman agintari israeldarrek.

Palestina kanaletik interesatuko zaizu...
2023-01-12 | ARGIA
Palestinar bat hil du Israelgo Armadak, bosgarrena urtea hasi denetik

Hamabost palestinar atxilotu ditu gainera, Zisjordaniako Nablus hiriko errefuxiatu esparru batean egin duen sarekadan. Iaz 224 pertsona hil ziren Israelgo Armadaren esku hartzeen ondorioz, eta 2.672 palestinar atxilotu zituzten. 


Analisia
Jerusalemeko 'statu quo'-ari enegarren probokazioa: Ben Gvir ultraeskuindarraren bisita

Palestinarren haserrea piztu du Israelgo Gobernuko eskuin muturreko ministro Itamar Ben Gvirrek Meskiten Zelaigunera egindako bisitak. Palestinako Aginte Nazionalak eta Hamasek erasoa gaitzetsi dute, eta defendatzeko deia zabaldu du azken horrek: nazioartean ere erasoa gaitzetsi... [+]


2023-01-02 | ARGIA
Bi gazte palestinar hil ditu Israelgo Armadak

22 eta 25 urteko bi gazte palestinar hil ditu Israelgo Armadak. 2022a azken urteetan odoltsuena izan da palestinarrentzat, 224 hilketarekin.


2022-12-23 | Jon Torner Zabala
Israeldar soldaduek futbolari palestinarra hil dute Zisjordanian

Ahmad Atef Mustafa Daraghmeh 23 urteko gaztea Thaqafi Tulkarem taldeko goleatzaile nagusia zen. Zisjordania iparraldeko Nablus hirian tirokatu dute israeldar soldaduek, goizaldean piztutako liskarren erdian.


Eguneraketa berriak daude