Espetxe politika "anakronikoa" bukatzeko eskatu du Etxerat-ek, Euskal Herriko hondartzetatik

  • Bi mila lagun elkartu dira Euskal Herriko hamabost hondartzetan, espetxe salbuespen politikaren bukaera galdatzeko.

(Argazkia: @aitor_servier)

2022ko abuztuaren 09an - 10:50

"Salbuespenezkoa eta anakronikoa da, biolentzia zikloa amaitu eta ia hamaika urtera, euskal presoak oraindik ere urrutiko espetxeetan geratzea. Salbuespenezkoa da era berean, gaixotasun larri eta sendaezinak dituzten hamazazpi presoak aske ez ustea, 70 urte baino gehiago dituzten zazpi euskal presoak bezala. Ezin dira beste egun batez espetxean eduki Jakes Esnal, Ion Kepa Parot eta Unai Parot, duela 32 urte baino gehiagotik preso egon ondoren. Bestetik, 24 erbesteratuen eta zortzi deportatu politikoen itzulera errazteko ordua da". Mezu hori luzatu du Etxerat-ek asteburuan, Euskal Herriko hondartzetatik.

Presoentzat eta senideentzat egoera "nabarmen hobetu" dela erranda ere, anakronismo horrekin bukatzeko beharra azpimarratu du Etxeratek.  "Euskal gizarteak herri honen etorkizunerantz aurrera egiteko hartu duen erabakia" Frantziako eta Espainiako Estatuek aintzat ez hartzearena ere deitoratu du elkarteak, "inmobilismo" horrekin bukatzeko betebeharra ohartaraziz.

Gaurko egunean 180 euskal preso politiko daude eta horietatik, 41 Euskal Herritik kanpoko espetxe periferikoetan eta Espainiako beste espetxe batzuetan daude, eta Frantziako espetxeetan, berriz, hamazazpi.

Hemen hondartzetan egindako elkarretaratzearen bideoa:

 


Kanal honetatik interesatuko zaizu: Euskal preso politikoak
26 urteko espetxealdia atzean utzita aske da Iñaki Garces otxandiarra

Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.


Euskal preso eta iheslari politikoen aldeko jaialdia egingo dute Ezpeletan larunbatean

Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.


2024-01-15 | ARGIA
Espetxe politikan salbuespeneko arauak desagertzeko exijitu dute 68.000 lagunek Bilbon

Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]


Eguneraketa berriak daude