Espainiako Historia Akademiak Debako Praileaitz haitzuloari buruzko txostena bidali dio Eusko Jaurlaritzari. Akademiaren ustez, Jaurlaritzak Praileaitz babesteko hartutako neurriak ez dira nahikoa, eta haitzuloaren inguruko babes eremua zabaltzeko eskatu dio. Bestalde, Mikel Irujo EAko Europako parlamentarioak gonbidatuta, hainbat herrialdetako elkarte zientifikoetako ordezkariek –tartean Aranzadikoek– ondare paleolitikoa babesteko neurrien inguruko batzarra egingo dute bihar (24) Bruselan, Europako Parlamentuan. Jesus Maria Agirrezabala Debako alkatea ere bertan izango da.